บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
เอวํ เถเรน รตนตฺตยคุณานุสฺสรเณ นิโยชนวเสน อตฺตนิ โอวทิเต ปุน มาโร วิเวกวาสโต นํ วิเวเจตุกาโม หิเตสีภาวํ วิย ทสฺเสนฺโต "อพฺโภกาเส วิหรสี"ติ ปญฺจมํ คาถมาห. ตสฺสตฺโถ:- ตฺวํ ภิกฺขุ อพฺโภกาเส เกนจิ อปฏิจฺฉนฺเน วิวฏงฺคเณ วิหรสิ อิริยาปเถ กปฺเปสิ. เหมนฺติกา หิมปาตสมเย ปริยาปนฺนา อิมา สีตา รตฺติโย วตฺตนฺติ. ตสฺมา สีเตน ปเรโต อภิภูโต หุตฺวา มา วิหญฺิตฺโถ วิฆาตํ มา อาปชฺชิ มา กิลมิ. ผุสิตคฺคฬํ ปิหิตกวาฏํ เสนาสนํ ปวิส, เอวํ เต สุขวิหาโร ภวิสฺสตีติ. ตํ สุตฺวา เถโร "น มยฺหํ เสนาสนปริเยสนาย ปโยชนํ, ๑- เอตฺเถวาหํ สุข- วิหารี"ติ ทสฺเสนฺโต "ผุสิสฺสนฺ"ติอาทินา ฉฏฺ คาถมาห. ตตฺถ ผุสิสฺสํ จตสฺโส อปฺปมญฺาโยติ อปฺปมาณโคจรตาย "อปฺปมญฺา"ติ ลทฺธโวหาเร จตฺตาโร พฺรหฺมวิหาเร ผุสิสฺสํ ผุสิสฺสามิ, กาเลน กาลํ สมาปชฺชิสฺสามิ. ตาหิ จ สุขิโต วิหริสฺสนฺติ ตาหิ อปฺปมญฺาหิ สุขิโต สญฺชาตสุโข หุตฺวา วิหริสฺสํ จตฺตาโรปิ อิริยาปเถ กปฺเปสฺสามีติ. เตน มยฺหํ สพฺพกาเล สุขเมว, น ทุกฺขํ. ยโต นาหํ สีเตน วิหญฺิสฺสํ อนฺตรฏฺเกปิ หิมปาตสมเย อหํ สีเตน น กิลมิสฺสามิ, ตสฺมา อนิญฺชิโต วิหรนฺโต จิตฺตสฺส อิญฺชิตการณานํ ๒- พฺยาปาทาทีนํ สุปฺปหีนตฺตา ปจฺจยุปฺปนฺ- นิญฺชนาย จ ๓- อภาวโต สมาปตฺติสุเขเนว สุขิโต วิหริสฺสามีติ. เอวํ เถโร อิมํ คาถํ วทนฺโตเยว วิปสฺสนํ วฑฺเฒตฺวา อรหตฺตํ สจฺฉากาสิ. เตน วุตฺตํ อปทาเน ๔-:- "นคเร พนฺธุมติยา เวชฺโช อาสึ สุสิกฺขิโต อาตุรานํ สุทุกขีนํ ๕- มหาชนสุขาวโห. พฺยาธิตํ สมณํ ทิสฺวา สีลวนฺตํ มหาชุตึ ปสนฺนจิตฺโต สุมโน เภสชฺชมททึ ตทา. @เชิงอรรถ: ๑ ม. เสนาสนปริเยสเน สญฺโชนํ ๒ ม. อิญฺชิตกรานํ ๓ สี. ปจฺจายูปาทานิญฺชนาย จ, @อิ. ปญฺจุปาทานิญฺชนาย จ ๔ ขุ.อป. ๓๒/๓๙/๒๖๐ ติกิจฺฉกตฺเถราปทาน @๕ ฉ.ม. สทุกฺขานํ--------------------------------------------------------------------------------------------- หน้าที่ ๙๙.
อโรโค อาสิ เตเนว สมโณ สํวุตินฺทฺริโย อโสโก นาม นาเมน อุปฏฺาโก วิปสฺสิโน. เอกนวุเต อิโต ๑- กปฺเป ยํ โอสถมทาสหํ ๒- ทุคฺคตึ นาภิชานามิ เภสชฺชสฺส อิทํ ผลํ. อิโต จ อฏฺเม กปฺเป สพฺโพสธสนามโก สตฺตรตนสมฺปนฺโน จกฺกวตฺตี มหปฺผโล. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. เอตฺถ จ พินฺทุสารรญฺโ กาเล อิมสฺส เถรสฺส อุปฺปนฺนตฺตา ตติยสงฺคีติยํ อิมา คาถา สงฺคีตาติ เวทิตพฺพา. เตกิจฺฉกานิตฺเถรคาถาวณฺณนา นิฏฺิตา. ---------------------อรรถกถาภาษาบาลีอักษรไทย เล่มที่ ๓๓ หน้า ๙๘-๙๙. http://84000.org/tipitaka/pitaka_item/read_th.php?B=33&A=2228&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=33&A=2228&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=348 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6506 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6640 The Pali Tipitaka in Roman Character :- http://84000.org/tipitaka/read/roman_read.php?B=26&A=6640 สารบัญพระไตรปิฎกเล่มที่ ๒๖ http://84000.org/tipitaka/read/?index_26
|
บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]