บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๗ กฏฺหาริชาตกํ ปุตฺโต ตฺยาหํ มหาราชาติ อิทํ สตฺถา เชตวเน วิหรนฺโต วาสภขตฺติยํ อารพฺภ กเถสิ ฯ วาสภขตฺติยาย วตฺถุ ทฺวาทสนิปาเต ภทฺทสาลชาตเก อาวิภวิสฺสติ ฯ สา กิร มหานามสฺส สกฺกสฺส ธีตา นาคมณฺฑาย นาม ทาสิยา กุจฺฉิสฺมึ ชาตา โกสลราชสฺส อคฺคมเหสี อโหสิ ฯ สา รญฺโ ปุตฺตํ วิชายิ ฯ ราชา ปนสฺสา ปจฺฉา ทาสิภาวํ ตฺวา านา ปริหาเปสิ ปุตฺตสฺส วิฑูฑภสฺสาปิ านา ปริหาเปสิเยว อุโภปิ อตฺตโน นิเวสเนเยว วสนฺติ ฯ สตฺถา ตํ การณํ ตฺวา ปุพฺพณฺหสมเย ปญฺจสตภิกฺขุปริวุโต รญฺโ นิเวสนํ คนฺตฺวา ปญฺตฺตาสเน นิสีทิตฺวา มหาราช กหํ วาสภขตฺติยาติ อาห ฯ ราชา ตํ การณํ อาโรเจสิ ฯ มหาราช วาสภขตฺติยา กสฺส ธีตาติ ฯ มหานามสฺส ภนฺเตติ ฯ อาคจฺฉมานา กสฺส อาคตาติ ฯ มยฺหํ ภนฺเตติ ฯ มหาราช เอสา รญฺโ ธีตา รญฺโ จ อาคตา--------------------------------------------------------------------------------------------- หน้าที่ ๒๐๕.
ราชานญฺเว ปฏิจฺจ ปุตฺตํ ลภิ โส ปุตฺโต กึการณา ปิตุ สนฺตกสฺส รชฺชสฺส สามิโก น โหติ ปุพฺเพ ราชาโน มุหุตฺติกาย กฏฺหาริกาย กุจฺฉิสฺมึ ปุตฺตํ ลภิตฺวา ปุตฺตสฺส รชฺชํ อทํสูติ ฯ ราชา ตสฺสตฺถสฺสาวิภาวตฺถาย ภควนฺตํ ยาจิ ฯ ภควา ภวนฺตเรน ปฏิจฺฉนฺนํ การณํ ปากฏํ อกาสิ ฯ อตีเต พาราณสิยํ พฺรหฺมทตฺโต ราชา มหนฺเตน ยเสน อุยฺยานํ คนฺตฺวา ตตฺถ ปุปฺผผลโลเภน วิจรนฺโต อุยฺยานวนสณฺเฑ คายิตฺวา ทารูนิ อุทฺธรมานํ เอกํ อิตฺถึ ทิสฺวา ปฏิพทฺธจิตฺโต สํวาสํ กปฺเปสิ ฯ ตํ ขณญฺเว โพธิสตฺโต ตสฺสา กุจฺฉิยํ ปฏิสนฺธึ คณฺหิ ฯ ตาวเทว ตสฺสา วชิรปูริตา วิย ครุกา กุจฺฉิ อโหสิ ฯ สา คพฺภสฺส ปติฏฺิตภาวํ ตฺวา คพฺโภ เม เทว ปติฏฺิโตติ อาห ฯ ราชา องฺคุลิมุทฺทิกํ ทตฺวา สเจ ธีตา โหติ อิทํ วิสฺสชฺเชตฺวา โปเสยฺยาสิ สเจ ปุตฺโต โหติ มุทฺทิกาย สทฺธึ มม สนฺติกํ อาเนยฺยาสีติ วตฺวา ปกฺกามิ ฯ สาปิ ปริปกฺกคพฺภา โพธิสตฺตํ วิชายิ ฯ ตสฺส อาธาวิตฺวา ปริธาวิตฺวา วิจรณกาเล กีฬามณฺฑเล กีฬนฺตสฺส เอวํ วตฺตาโร โหนฺติ นิปฺปิติเกนมฺหา ปหฏาติ ฯ ตํ สุตฺวา โพธิสตฺโต มาตุ สนฺติกํ คนฺตฺวา อมฺม โก มยฺหํ ปิตาติ ปุจฺฉิ ฯ ตาต ตฺวํ พาราณสิรญฺโ ปุตฺโตติ ฯ อมฺม อตฺถิ ปน โกจิ สกฺขีติ ฯ ตาต ราชา อิทํ มุทฺทิกํ ทตฺวา สเจ ธีตา โหติ วิสฺสชฺเชตฺวา โปเสยฺยาสิ สเจ ปุตฺโต โหติ อิมาย มุทฺทิกาย สทฺธึ อาเนยฺยาสีติ วตฺวา คโตติ ฯ อมฺม เอวํ สนฺเต--------------------------------------------------------------------------------------------- หน้าที่ ๒๐๖.
กสฺมา มํ ปิตุ สนฺติกํ น เนสีติ ฯ สา ปุตฺตสฺส อชฺฌาสยํ ตฺวา ราชทฺวารํ คนฺตฺวา รญฺโ อาโรจาเปสิ รญฺา จ ปกฺโกสาปิตา ปวิสิตฺวา ราชานํ วนฺทิตฺวา อยํ เต เทว ปุตฺโตติ อาห ฯ ราชา ชานนฺโตปิ ปริสมชฺเฌ ลชฺชาย น มยฺหํ ปุตฺโตติ อาห ฯ อยนฺเต เทว มุทฺทิกา อิทํ สญฺชานาสีติ ฯ อยํปิ มยฺหํ มุทฺทิกา น โหตีติ ฯ เทว อิทานิ เปตฺวา สจฺจกิริยํ อญฺโ มม สกฺขี นตฺถิ สจายํ ทารโก ตุมฺเห ปฏิจฺจ ชาโต ขิตฺโต อากาเส ติฏฺตุ โน เจ ภูมิยํ ปติตฺวา มรตูติ โพธิสตฺตสฺส ปาเท คเหตฺวา อากาเส ขิปิ ฯ โพธิสตฺโต อากาเส ปลฺลงฺกํ อาภุชิตฺวา นิสินฺโน มธุรสฺสเรน ปิตุ ธมฺมํ กเถนฺโต อิทํ คาถมาห ปุตฺโต ตฺยาหํ มหาราช ตฺวํ มํ โปส ชนาธิป อญฺเปิ เทโว โปเสติ กิญฺจ เทโว สกํ ปชนฺติ ฯ ตตฺถ ปุตฺโต ตฺยาหนฺติ ปุตฺโต เต อหํ ฯ ปุตฺโต จ นาเมส อตฺรโช เขตฺรโช อนฺเตวาสิโก ทินฺนโกติ จตุพฺพิโธ ฯ ตตฺถ อตฺตานํ ปฏิจฺจ ชาโต อตฺรโช นาม ฯ สยนปิฏฺเ ปลฺลงฺเก อุเรติ เอวมาทีสุ นิพฺพตฺโต เขตฺรโช นาม ฯ สนฺติเก สิปฺปุคฺคณฺหณโก อนฺเตวาสิโก นาม ฯ โปสาวนตฺถาย ทินฺโน ทินฺนโก นาม ฯ อิธ ปน อตฺรชํ สนฺธาย ปุตฺโตติ วุตฺตํ ฯ จตูหิ สงฺคหวตฺถูหิ ชนํ รญฺเชตีติ ราชา ฯ มหนฺโต ราชา มหาราชา ฯ ตํ อามนฺเตนฺโต อาห มหาราชาติ ฯ ตฺวํ มํ โปส ชนาธิปาติ มหาชนเชฏฺก--------------------------------------------------------------------------------------------- หน้าที่ ๒๐๗.
ตฺวํ มํ โปส ภรสฺสุ วาเสหีติ ฯ อญฺเปิ เทโว โปเสตีติ อญฺเ หตฺถิพนฺธาทโย มนุสฺเส หตฺถิอสฺสาทโย ติรจฺฉานคเต จ พหุชเน เทโว โปเสติ ฯ กิญฺจ เทโว สกํ ปชนฺติ เอตฺถ ปน กิญฺจาติ ครหตฺเถ จ อนุคฺคหตฺเถ จ นิปาโต ฯ สกํ ปชํ อตฺตโน ปุตฺตํ มํ เทโว น โปเสตีติ โอวทนฺโต ครหติ นาม ฯ อญฺเ พหู ชเน โปเสตีติ วทนฺโต อนุคฺคณฺหาติ นาม ฯ อิติ โพธิสตฺโต ครหนฺโตปิ กิญฺจ เทโว สกํ ปชนฺติ อาห ฯ ราชา โพธิสตฺตสฺส อากาเส นิสีทิตฺวา เอวํ ธมฺมํ เทเสนฺตสฺส สุตฺวา เอหิ ตาต ตํ อหเมว โปเสสฺสามีติ หตฺถํ ปสาเรสิ ฯ หตฺถสหสฺสํ ปสารยิตฺถ ฯ โพธิสตฺโต อญฺสฺส หตฺเถ อโนตริตฺวา รญฺโว หตฺเถ โอตริตฺวา องฺเก นิสีทิ ฯ ราชา ตสฺส อุปรชฺชํ ทตฺวา มาตรํ อคฺคมเหสึ อกาสิ ฯ โส ปิตุ อจฺจเยน กฏฺพาหนราชา นาม หุตฺวา ธมฺเมน รชฺชํ กาเรตฺวา ยถากมฺมงฺคโต ฯ สตฺถา โกสลรญฺโ อิทํ ธมฺมเทสนํ อาหริตฺวา เทฺว วตฺถูนิ ทสฺเสตฺวา อนุสนฺธึ ฆเฏตฺวา ชาตกํ สโมธาเนสิ ตทา มาตา มหามายาเทวี อโหสิ ปิตา สุทฺโธทนมหาราชา กฏฺพาหนราชา ปน อหเมว อโหสีติ ฯ กฏฺหาริชาตกํ สตฺตมํ ฯ -----------------------อรรถกถาภาษาบาลีอักษรไทย เล่มที่ ๓๕ หน้า ๒๐๔-๒๐๗. http://84000.org/tipitaka/pitaka_item/read_th.php?B=35&A=4268&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=35&A=4268&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=7 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=40 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=44 The Pali Tipitaka in Roman Character :- http://84000.org/tipitaka/read/roman_read.php?B=27&A=44 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]