Suttantapitake khuddakanikayassa
vimanavatthu
--------
namo tassa bhagavato arahato sammasambuddhassa.
Pathamo pithavaggo
[1] /vimana./ |1.1| Pithante sovannamayam ularam
manojavam gacchati yenakamam
alankate malyadhare 1- suvatthe
obhasasi vijjurivabbhakutam
|1.2| kena tetadiso vanno kena te idhamijjhati
uppajjanti ca te bhoga ye keci manaso piya
|1.3| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|1.4| Sa devata attamana moggallanena pucchita
@Footnote: 1 yuropiyapotthake malyadhare .pe.
Panham puttha viyakasi yassa kammassidam phalam
|1.5| aham manussesu manussabhuta
abbhagatanasanakam adasim
abhivadayim anjalikam akasim
yathanubhavanca adasi danam
|1.6| tena metadiso vanno tena me idhamijjhati
uppajjanti ca me bhoga ye keci manaso piya
|1.7| akkhami te bhikkhu mahanubhava
manussabhuta yamakasi punnam
tenamhi evanjalitanubhava
vanno ca me sabbadisa pabhasatiti.
Pithavimanam pathamam.
[2] |2.8| Pithante veluriyamayam ularam
manojavam gacchati yenakamam
alankate malyadhare suvatthe
obhasasi vijjurivabbhakutam
|2.9| kena tetadiso vanno kena te idhamijjhati
uppajjanti ca te bhoga ye keci manaso piya
|2.10| pucchami tam devi mahanubhave
manussabhuta kimakasi punnam
Kenasi evanjalitanubhava
vanno ca te sabbadisa pabhasatiti.
|2.11| Sa devata attamana moggallanena pucchita
panham puttha viyakasi yassa kammassidam phalam
|2.12| aham manussesu manussabhuta
abbhagatanasanakam adasim
abhivadayim anjalikam akasim
yathanubhavanca adasi danam
|2.13| tena metadiso vanno tena me idhamijjhati
uppajjanti ca me bhoga ye keci manaso piya
|2.14| akkhami te bhikkhu mahanubhava
manussabhuta yamakasi punnam
tenamhi evanjalitanubhava
vanno ca me sabbadisa pabhasatiti.
Pithavimanam dutiyam.
[3] |3.15| Pithante sovannamayam ularam
manojavam gacchati yenakamam
alankate malyadhare suvatthe
obhasasi vijjurivabbhakutam
|3.16| kena tetadiso vanno kena te idhamijjhati
Uppajjanti ca te bhoga ye keci manaso piya
|3.17| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|3.18| Sa devata attamana moggalanena pucchita
panham puttha viyakasi yassa kammassidam phalam
|3.19| appassa kammassa phalam mamedam
yenamhi evanjalitanubhava
aham manussesu manussabhuta
purimaya jatiya manussaloke
|3.20| addasam virajam bhikkhum vippasannamanavilam
tassa adasiham pitham pasanna sakehi panihi
|3.21| tena metadiso vanno tena me idhamijjhati
uppajjanti ca me bhoga ye keci manaso piya
|3.22| akkhami te bhikkhu mahanubhava
manussabhuta yamakasi punnam
tenamhi evanjalitanubhava
vanno ca me sabbadisa pabhasatiti.
Pithavimanam tatiyam.
[4] |4.23| Pithante veluriyamayam ularam
manojavam gacchati yenakamam
alankate malyadhare suvatthe
obhasasi vijjurivabbhakutam
|4.24| kena tetadiso vanno kena te idhamijjhati
uppajjanti ca te bhoga ye keci manaso piya
|4.25| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|4.26| Sa devata attamana moggallanena pucchita
panham puttha viyakasi yassa kammassidam phalam
|4.27| appassa kammassa phalam mamedam
yenamhi evanjalitanubhava
aham manussesu manussabhuta
purimaya jatiya manussaloke
|4.28| addasam virajam bhikkhum vippasannamanavilam
tassa adasiham pitham pasanna sakehi panihi
|4.29| tena metadiso vanno tena me idhamijjhati
uppajjanti ca me bhoga ye keci manaso piya
|4.30| Akkhami tam bhikkhu mahanubhava
manussabhuta yamaham 1- akasim
tenamhi evanjalitanubhava
vanno ca me sabbadisa pabhasatiti.
Pithavimanam catuttham.
[5] |5.31| Kunjaro te vararoho nanaratanakappano
ruciro thamava javasampanno akasamhi samihati
|5.32| padumi padumapattakkhi 2- padumuppalajutindharo 3-
padumacunnabhikinnango 2- sovannapokkharamalava
|5.33| padumanusatam maggam padumapattavibhusitam 2-
thitam vaggumanugghati mitam gacchati varano
|5.34| tassa pakkamamanassa sovannakamsa ratissara
tesam suyyati nigghoso turiye pancangike yatha
|5.35| tassa nagassa khandhamhi sucivattha alankata
mahantam accharasangham vannena atirocasi
|5.36| danassa te idam phalam atho silassa va pana
atho anjalikammassa tam me akkhahi pucchita (ti .)
|5.37| sa devata attamana moggallanena pucchita
panham puttha viyakasi yassa kammassidam phalam
@Footnote:1. Ma. yamakasi punnam . 2 Ma. Yu. padma - . 3 Ma. Yu. padmuppala -.
|5.38| Disvana gunasampannam jhayim jhanaratam satam
adasim pupphabhikinnam asanam dussasanthatam
|5.39| upaddhapadumamalaham asanassa samantato
abbhokirissam pattehi pasanna sakehi panihi
|5.40| tassa kammakusalassa idam me tadisam phalam
sakkaro garukaro ca devanam apacita aham
|5.41| yo ve sammavimuttanam santanam brahmacarinam
pasanno asanam dajja evam nande yatha aham
|5.42| tasma hi attakamena mahattamabhikankhata
asanam databbam hoti sarirantimadharinanti.
Kunjaravimanam pancamam.
[6] |6.43| Suvannacchadanam navam nari aruyha titthasi
ogalhasi 1- pokkharanim padumam 2- chindasi panina
|6.44| kutagara nivesa 3- te vibhatta bhagaso mita
daddallamana abhanti samanta caturo disa 4-
|6.45| kena tetadiso vanno kena te idhamijjhati
uppajjanti ca te bhoga ye keci manaso piya
|6.46| pucchami tam devi mahanubhave
manussabhuta kimakasi punnam
@Footnote: 1 Po. Ma. Yu. ogahasi . 2 Ma. Yu. padmam . 3 Po. nivasa . 4 Ma. kutagara .pe.
@caturo disati ayam gatha na pakata.
Kenasi evanjalitanubhava
vanno ca te sabbadisa pabhasatiti.
|6.47| Sa devata attamana moggallanena pucchita
panham puttha viyakasi yassa kammassidam phalam
|6.48| aham manussesu manussabhuta
purimaya 1- jatiya manussaloke
disvana bhikkhu tasite kilante
utthaya patum udakam adasim
|6.49| yo ve kilantana pipasitanam
utthaya patum udakam dadati
sitodaka tassa bhavanti najjo
pahutamalya bahupundarika
|6.50| tam apaga anupariyanti sabbada
sitodaka valukasanthata nadi
amba ca sala tilaka ca jambuyo
uddalaka pataliyo ca phulla
|6.51| tam bhumibhagehi upetarupam
vimanasettham bhusasobhamanam
tasseva kammassa ayam vipako
etadisam punnakata 2- labhanti
@Footnote: 1 Yu. parimaya . 2 Po. Si. katapunna.
|6.52| Kutagara nivesa me vibhatta bhagaso mita
daddallamana 1- abhanti samanta caturo disa
|6.53| tena metadiso vanno tena me idhamijjhati
uppajjanti ca me bhoga ye keci manaso piya
|6.54| akkhami te bhikkhu mahanubhava
manussabhuta yamaham 2- akasim
tenamhi evanjalitanubhava
vanno ca me sabbadisa pabhasatiti.
Navavimanam chattham.
[7] |7.55| Suvannacchadanam navam nari aruyha titthasi
ogalhasi 3- pokkharanim padumam 4- chindasi panina
|7.56| kutagara nivesa te vibhatta bhagaso mita
daddallamana abhanti samanta caturo disa
|7.57| kena tetadiso vanno kena te idhamijjhati
uppajjanti ca te bhoga ye keci manaso piya
|7.58| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
@Footnote: 1 Po. daddalhamana . 2 Ma. Yu. yamakasi punnam . 3 Po. Ma. Yu. ogahasi.
@4 Ma. Yu. padmam.
|7.59| Sa 1- devata attamana moggallanena pucchita
panham puttha viyakasi yassa kammassidam phalam
|7.60| aham manussesu manussabhuta
purimaya jatiya manussaloke
disvana bhikkhum tasitam kilantam
utthaya patum udakam adasim
|7.61| yo ve kilantassa pipasitassa
utthaya patum udakam dadati
sitodaka tassa bhavanti najjo
pahutamalya bahupundarika
|7.62| tam apaga anupariyanti sabbada
sitodaka valukasanthata nadi
amba ca sala tilaka ca jambuyo
uddalaka pataliyo ca phulla
|7.63| tam bhumibhagehi upetarupam
vimanasettham bhusasobhamanam
tasseva 2- kammassa ayam vipako
etadisam punnakata labhanti
|7.64| tena metadiso vanno tena me idhamijjhati
uppajjanti ca me bhoga ye keci manaso piya
@Footnote: 1 Yu. sa . 2 Ma. tassidha.
|7.65| Akkhami te bhikkhu mahanubhava
manussabhuta yamakasi punnam
tenamhi evanjalitanubhava
vanno ca me sabbadisa pabhasatiti.
Navavimanam sattamam.
[8] |8.66| Suvannacchadanam navam nari aruyha titthasi
ogalhasi 1- pokkharanim padumam 2- chindasi panina
|8.67| kutagara nivesa te vibhatta bhagaso mita
daddallamana abhanti samanta caturo disa
|8.68| kena tetadiso vanno kena te idhamijjhati
uppajjanti ca te bhoga ye keci manaso piya
|8.69| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|8.70| Sa devata attamana sambuddheneva pucchita
panham puttha viyakasi yassa kammassidam phalam
|8.71| aham manussesu manussabhuta
purimaya jatiya manussaloke
@Footnote: 1 Yu. ogahasi . 2 Ma. Yu. padmam.
Disvana bhikkhu tasite kilante
utthaya patum udakam adasim
|8.72| yo ve kilantana pipasitanam
utthaya patum udakam dadati
sitodaka tassa bhavanti najjo
pahutamalya bahupundarika
|8.73| tam apaga anupariyanti sabbada
sitodaka valukasanthata nadi
amba ca sala tilaka ca jambuyo
uddalaka pataliyo ca phulla
|8.74| tam bhumibhagehi upetarupam
vimanasettham bhusasobhamanam
tasseva kammassa ayam vipako
etadisam punnakata labhanti
|8.75| kutagara nivesa me vibhatta bhagaso mita
daddallamana abhanti samanta caturo disa
|8.76| tena metadiso vanno tena me idhamijjhati
uppajjanti ca me bhoga ye keci manaso piya [1]-
|8.77| tenamhi evanjalitanubhava
vanno ca me sabbadisa pabhasatiti
@Footnote: 1 Ma. akkhami te buddhamahanubhava manussabhuta yamakasi punnam.
Etassa kammassa ayam vipako 1-
utthaya 2- buddho udakam apasiti 3-.
Navavimanam atthamam.
[9] |9.78| Abhikkantena vannena ya tvam titthasi devate
obhasenti disa sabba osadhi viya taraka
|9.79| kena tetadiso vanno kena te idhamijjhati
uppajjanti ca te bhoga ye keci manaso piya
|9.80| kena tvam vimalobhasa atirocasi devate
kena te sabbagattehi sabba obhasare disa
|9.81| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|9.82| Sa devata attamana moggallanena pucchita
panham puttha viyakasi yassa kammassidam phalam
|9.83| aham manussesu manussabhuta
purimaya jatiya manussaloke
tamandhakaramhi 4- timisikayam
padipakalamhi adam padipam
|9.84| yo andhakaramhi timisikayam
@Footnote: 1 Po. kammassidam phalam. Ma. phalam mamedam . 2 Po. Ma. atthaya . 3 Ma. apayiti.
@4 Po. samandhakaramhi.
Padipakalamhi dadati dipam
uppajjati jotirasam vimanam
pahutamalyam bahupundarikam
|9.85| tena metadiso vanno tena me idhamijjhati
uppajjanti ca me bhoga ye keci manaso piya
|9.86| tenaham vimalobhasa atirocami devata
tena me sabbagattehi sabba obhasare disa
|9.87| akkhami te bhikkhu mahanubhava
manussabhuta yamakasi 1- punnam
tenamhi evanjalitanubhava
vanno ca me sabbadisa pabhasatiti.
Padipavimanam navamam.
[10] |10.88| Abhikkantena vannena ya tvam titthasi devate
obhasenti disa sabba osadhi viya taraka
|10.89| kena tetadiso vanno kena te idhamijjhati
uppajjanti ca te bhoga ye keci manaso piya
|10.90| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
@Footnote: 1 Po. yamaham akasim.
|10.91| Sa devata attamana moggallanena pucchita
panham puttha viyakasi yassa kammassidam phalam
|10.92| aham manussesu manussabhuta
purimaya jatiya manussaloke
|10.93| addasam virajam buddham vippasannamanavilam
asajja danam adasim akama tiladakkhinam
dakkhineyyassa buddhassa pasanna sakehi panihi
|10.94| tena metadiso vanno tena me idhamijjhati
uppajjanti ca me bhoga ye keci manaso piya
|10.95| akkhami te bhikkhu mahanubhava
manussabhuta yamakasi punnam
tenamhi evanjalitanubhava
vanno ca me sabbadisa pabhasatiti.
Tiladakkhinavimanam dasamam.
[11] |11.96| Konca mayura diviya ca hamsa
vaggussara kokila sampatanti
pupphabhikinnam rammamidam vimanam
anekacittam naranarisevitam
|11.97| tatthacchasi devi mahanubhave
iddhi vikubbanti anekarupa
Ima ca te accharayo samantato
naccanti gayanti pamodayanti 1-
|11.98| deviddhipattasi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|11.99| Sa devata attamana moggallanena pucchita
panham puttha viyakasi yassa kammassidam phalam
|11.100| aham manussesu manussabhuta
patibbata anannamana ahosim
matava puttam anurakkhamana
kuddhapiham nappharusam avocam
|11.101| sacce thita mosavajjam pahaya
dane rata sangahitattabhava
annanca pananca pasannacitta
sakkacca danam vipulam adasim
|11.102| tena metadiso vanno tena me idhamijjhati
uppajjanti ca me bhoga ye keci manaso piya
|11.103| akkhami te bhikkhu mahanubhava
manussabhuta yamakasi punnam
@Footnote: 1 Po. pamodanti ca . Ma. mamodayanti ca.
Tenamhi evanjalitanubhava
vanno ca me sabbadisa pabhasatiti.
Patibbatavimanam ekadasamam.
[12] |12.104| Veluriyatthambham ruciram pabhassaram
vimanamaruyha anekacittam
tatthacchasi devi mahanubhave
uccavaca iddhivikubbamana
ima ca te accharayo samantato
naccanti gayanti pamodayanti
|12.105| deviddhipattasi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|12.106| Sa devata attamana moggallanena pucchita
panham puttha viyakasi yassa kammassidam phalam
|12.107| aham manussesu manussabhuta
upasika cakkhumato ahosim
panatipata virata ahosim
loke adinnam parivajjayissam
|12.108| amajjapa 1- napi musa abhanim
@Footnote: 1 Ma. amajjapano ca.
Sakena samina ahosim tuttha
annanca pananca pasannacitta
sakkacca danam vipulam adasim
|12.109| tena metadiso vanno tena me idhamijjhati
uppajjanti ca me bhoga ye keci manaso piya
|12.110| akkhami te bhikkhu mahanubhava
manussabhuta yamaham akasim 1-
tenamhi evanjalitanubhava
vanno ca me sabbadisa pabhasatiti.
Dutiyapatibbatavimanam dvadasamam.
[13] |13.111| Abhikkantena vannena ya tvam titthasi devate
obhasenti disa sabba osadhi viya taraka
|13.112| kena tetadiso vanno kena te idhamijjhati
uppajjanti ca te bhoga ye keci manaso piya
|13.113| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|13.114| Sa devata attamana moggallanena pucchita
panham puttha viyakasi yassa kammassidam phalam
@Footnote: 1 Ma. yamakasi punnam.
|13.115| Aham manussesu manussabhuta
sunisa ahosim sasurassa ghare 1-
|13.116| addasam virajam bhikkhum vippasannamanavilam
tassa adasiham puvam pasanna sakehi 2- panihi
bhagaddhabhagam datvana modami nandane vane
|13.117| tena metadiso vanno tena me idhamijjhati
uppajjanti ca me bhoga ye keci manaso piya
|13.118| tenamhi evanjalitanubhava
vanno ca me sabbadisa pabhasatiti.
Sunisavimanam terasamam.
[14] |14.119| Abhikkantena vannena ya tvam titthasi devate
obhasenti disa sabba osadhi viya taraka
|14.120| kena tetadiso vanno kena te idhamijjhati
uppajjanti ca te bhoga ye keci manaso piya
|14.121| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|14.122| Sa devata attamana moggallanena pucchita
panham puttha viyakasi yassa kammassidam phalam
@Footnote: 1 Ma. gehe . 2 Ma. sehi.
|14.123| Aham manussesu manussabhuta
sunisa ahosim sasurassa ghare
|14.124| addasam virajam bhikkhum vippasannamanavilam
tassa adasiham bhagam pasanna sakehi panihi
kummasapindam datvana modami nandane vane
|14.125| tena metadiso vanno tena me idhamijjhati
uppajjanti ca me bhoga ye keci manaso piya
|14.126| tenamhi evanjalitanubhava
vanno ca me sabbadisa pabhasatiti.
Sunisavimanam cuddasamam.
[15] |15.127| Abhikkantena vannena ya tvam titthasi devate
obhasenti disa sabba osadhi viya taraka
|15.128| kena tetadiso vanno kena te idhamijjhati
uppajjanti ca te bhoga ye keci manaso piya
|15.129| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|15.130| Sa devata attamana moggallanena pucchita
panham puttha viyakasi yassa kammassidam phalam
|15.131| Issa ca macchariyamano 1- palaso
nahosi mayham gharamavasantiya
akkodhana bhattu vasanuvattini
uposathe niccappamatta 2-
|15.132| catuddasim pancadasim ya ca pakkhassa atthami
patihariyapakkhanca atthangasusamagatam
|15.133| uposatham upavasim 3- sada sile susamvuta
sannama samvibhaga ca vimanam avasamaham
|15.134| panatipata virata musavada ca sannata
theyya ca aticara ca majjapana ca araka
|15.135| pancasikkhapade rata ariyasaccanakovida
upasika cakkhumato gotamassa yasassino
|15.136| saham sakena silena yasasa ca yasassini
anubhomi sakam punnam sukhita camhi anamaya
|15.137| tena metadiso vanno tena me idhamijjhati
uppajjanti ca me bhoga ye keci manaso piya
|15.138| akkhami te bhikkhu mahanubhava
manussabhuta yamaham akasim
tenamhi evanjalitanubhava
@Footnote: 1 Ma. maccheramatho. Yu. macchariyamatho . 2 Ma. niccahamappamatta.
@3 Po. Ma. upavasissam.
Vanno ca me sabbadisa pabhasatiti.
|15.139| Mama ca bhante vacanena bhagavato pade sirasa vandeyyasi
uttara nama bhante upasika bhagavato pade sirasa vandatiti
anacchariyam kho panetam bhante yam mam bhagava annatarasmim samannaphale
byakareyya tam bhagava sakadagamiphale byakasiti.
Uttaravimanam pannarasamam.
[16] |16.140| Yutta ca te paramaalankata haya
adhomukha aghasi gama bali java
abhinimmita panca ratha sata ca te
anventi tam sarathicodita haya
|16.141| sa titthasi rathavare alankata
obhasayam jalamiva jotipavako
pucchami tam varatanu anomadassane
kasma kaya anadhivaram upagami
|16.142| kamaggapattanam yamahu anuttara
nimmaya nimmaya ramanti devata
tasma kaya acchara kamavannini
idhagata anadhivaram namassitum
|16.143| kim tvam pure sucaritamacari idha
Kenasi tvam amitayasa sukhedhita
iddhi ca te anadhivara vihangama
vanno ca te dasa disa virocati
|16.144| devehi tvam parivuta sakkata casi
kuto cuta sugatigatasi devate
kassa va tvam vacanakaranusasanim
acikkha me tvam yadi buddhasavika (ti).
|16.145| Nagantare nagaravare sumapite
paricarika rajavarassa sirimato
naccehi gitehi 1- paramasusikkhita ahum
sirimati mam rajagahe avedimsu
|16.146| buddho ca me isinisabho vinayako
adesayi samudayadukkhaniccatam
asankhatam dukkhanirodham sassatam
maggancimam akutilam anjasam sivam
|16.147| sutvanaham amatapadam asankhatam
tathagatassa anadhivarassa sasanam
silesvaham paramasusamvuta ahum
dhamme thita naravarabuddhadesite
|16.148| natvana tam 2- virajam padam asankhatam
@Footnote: 1 Ma. Yu. nacce gite . 2 natvanahantipi.
Tathagatena anadhivarena desitam
tatthevaham samathasamadhimaphusim
sayeva me paramaniyamata ahu
|16.149| laddhanaham amatavaram visesanam
ekamsika abhisamaye visesiya
asamsaya bahujanapujita aham
khiddam ratim paccanubhomanappakam
|16.150| evam aham amatarasamhi devata
tathagatassa anadhivarassa savika
dhammaddasa pathamaphale patitthita
sotapanna na ca punamatthi duggati
|16.151| sa vanditum anadhivaram upagamim
pasadike kusalarate ca bhikkhavo
namassitum samanasamagamam sivam
sagarava sirimato dhammarajino
|16.152| disva munim muditamanamhi pinita
tathagatam naravaradammasarathim
tanhacchidam kusalaratam vinayakam
vandamaham paramahitanukampakanti.
Sirimavimanam solasamam.
[17] |17.153| Idam vimanam ruciram pabhassaram
veluriyatthambham satatam sunimmalam 1-
suvannarukkhehi samantamotthatam
thanam mamam kammavipakasambhavam
|17.154| tatrupapanna purimacchara ima
satam sahassani sakena kammuna
tuvamsi ajjhupagata yasassini
obhasayam titthasi pubbadevata
|17.155| sasi adhiggayha yatha virocati
nakkhattarajariva tarakaganam
tatheva tvam accharasanganam imam
daddallamana yasasa virocasi
|17.156| kuto nu agamma anomadassane
upapanna tvam bhavanam mamam idam
brahmamva deva tidasa sahindaka
sabbe na tappamase dassanena tanti.
|17.157| Yametam sakka anupucchase mamam
kuto cuta idha agata tuvam
baranasi nama puratthi kasinam
tattha pure ahosim pesakarika 2-
@Footnote: 1 Po. Ma. Yu. sunimmitam . 2 Po. Ma. Yu. kesakarika.
|17.158| Buddhe ca dhamme ca pasannamanasa
sanghe ca ekantagata asamsaya
akhandasikkhapada agatapphala
sambodhidhamme niyata anamayati
|17.159| tantyabhinandamase svagatanca te
dhammena ca tvam yasasa virocasi
buddhe ca dhamme ca pasannamanase
sanghe ca ekantagate asamsaye
akhandasikkhapade agatapphale
sambodhidhamme niyate anamayeti.
Pesakariyavimanam sattarasamam.
Uddanam
panca pitha tayo nava padipa tiladakkhina
dve pati dve sunisa uttara sirima pesakarika
vaggo tena pavuccatiti.
Itthivimane vaggo pathamo.
Dutiyo cittalatavaggo
[18] |18.160| 1 Api sakkova devindo ramme cittalatavane
samanta anupariyasi nariganapurakkhata
Obhasenti disa sabba osadhi viya taraka
|18.161| kena tetadiso vanno kena te idhamijjhati
uppajjanti ca te bhoga ye keci manaso piya
|18.162| pucchami tam devi mahanubhave
manussabhuta kimakasi punnam
kenasi evanjalitanubhava
vanno ca te sabbadisa pabhasatiti.
|18.163| Sa devata attamana moggallanena pucchita
panham puttha viyakasi yassa kammassidam phalam
|18.164| aham manussesu manussabhuta
dasi ahosim parapessiya kule
|18.165| upasika cakkhumato gotamassa yasassino
tassa me nikkamo asi sasane tassa tadino
|18.166| kamam bhijjatu yam kayo neva atthettha santhanam
sikkhapadanam pancannam maggo sovatthiko sivo
|18.167| akantako agahano uju sabbhi pavedito
nikkamassa phalam passa yathidam papunitthika
|18.168| amantanika rannomhi sakkassa vasavattino
satthi turiyasahassani patibodham karonti me
|18.169| alambo gaggamo bhimo sadhuvadi pasamsiyo
Pokkharo ca suphasso ca vinamokkha ca nariyo
|18.170| nanda ceva sunanda ca sonadinna sucimhita
alambusa missakesi 1- pundarikati daruni
|18.171| enipassa supassa ca subhadda mudukavadi
eta anna ca seyyase accharanam pabodhika
|18.172| ta mam kalenupagantva abhibhasanti devata
handa naccama gayama handa tam ramayamase
|18.173| nayidam akatapunnanam katapunnanamevidam
asokam nandanam rammam tidasanam mahavanam
|18.174| sukham akatapunnanam idha natthi parattha ca
sukhanca katapunnanam idha ceva parattha ca
|18.175| tesam sahabyakamanam kattabbam kusalam bahum
katapunna hi modanti sagge bhogasamanginoti.
Dasivimanam pathamam.
[19] |19.176| 2 Abhikkantena vannena ya tvam titthasi devate
obhasenti disa sabba osadhi viya taraka
|19.177| kena tetadiso vanno ... Pe ...
Vanno ca te sabbadisa pabhasatiti.
|19.178| Sa devata attamana moggallanena pucchita
@Footnote: 1 Po. Ma. Yu. alambusa missakesi ca.
Panham puttha viyakasi yassa kammassidam phalam
|19.179| kevattadvara nikkhamma ahu mayham nivesanam
tattha samsaramananam savakanam mahesinam
|19.180| odanam kummasam dakam lonasovirakancaham
adasim ujubhutesu vippasannena cetasa
|19.181| catuddasim pancadasim ya ca pakkhassa atthami
patihariyapakkhanca atthangasusamagatam
|19.182| uposatham upavasim sada silesu samvuta
sannama samvibhaga ca vimanam avasamaham
|19.183| panatipata virata musavada ca sannata
theyya ca aticara ca majjapana ca araka
|19.184| pancasikkhapade rata ariyasaccanakovida
upasika cakkhumato gotamassa yasassino
|19.185| tena metadiso vanno ... Pe ...
Vanno ca me sabbadisa pabhasatiti.
Mama ca bhante vacanena bhagavato pade sirasa vandeyyasi
lakhuma nama bhante upasika bhagavato pade sirasa vandatiti
anacchariyam kho panetam bhante yam mam bhagava annatarasmim samannaphale
byakareyya tam bhagava sakadagamiphale byakasiti.
Lakhumavimanam dutiyam.
The Pali Tipitaka in Roman Character Volume 26 page 1-29.
https://84000.org/tipitaka/pitaka_item/roman_item.php?book=26&item=1&items=19
Classified by [Item Number] :-
http://84000.org/tipitaka/pitaka_item/roman_item.php?book=26&item=1&items=19&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=26&item=1&items=19
Compare with The Royal Version of Thai Tipitaka :-
https://84000.org/tipitaka/read/byitem.php?book=26&item=1&items=19
Study Atthakatha :-
https://84000.org/tipitaka/attha/attha.php?b=26&i=1
Contents of The Tipitaka Volume 26
https://84000.org/tipitaka/read/?index_26
https://84000.org/tipitaka/english/?index_26
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
