ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
                      Angulimalasuttam
     [521]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   tena   kho   pana  samayena
ranno    pasenadissa   kosalassa   vijite   coro   angulimalo   nama
hoti  luddo  lohitapani  hatapahate  nivittho  adayapanno  panabhutesu .
Tena   gamapi   agama   kata   nigamapi   anigama   kata  janapadapi
ajanapada  kata  .  so  manusse vadhitva vadhitva angulinam malam dhareti.
Atha   kho   bhagava   pubbanhasamayam  nivasetva  pattacivaramadaya  savatthim
pindaya     pavisi     savatthiyam     pindaya    caritva    pacchabhattam
pindapatapatikkanto     senasanam    samsametva    pattacivaram    adaya
yena   coro   angulimalo   tenaddhanamaggam  patipajji  .  addasamsu  1-
kho    gopalaka    pasupalaka   kassaka   padhavino   bhagavantam   yena
coro        angulimalo        tenaddhanamaggapatipannam       disvana
bhagavantam    etadavocum   ma   samana   etam   maggam   patipajji   etasmim
samana    magge    coro    angulimalo    nama   luddo   lohitapani
hatapahate   nivittho   adayapanno   panabhutesu   tena  gamapi  agama
kata    nigamapi   anigama   kata   janapadapi   ajanapada   kata   so
manusse   vadhitva   vadhitva   angulinam   malam   dhareti  etanhi  samana
maggam   dasapi   purisa   visampi   purisa   timsampi   purisa   cattalisampi
@Footnote: 1 Yu. addasasum.
Purisa    sangaritva    1-   sangaritva   patipajjanti   tepi   corassa
angulimalassa   hatthattham   gacchantiti   .  evam  vutte  bhagava  tunhibhuto
agamasi.
     [522]   Dutiyampi  kho  gopalaka  pasupalaka  kassaka  padhavino
bhagavantam    etadavocum   ma   samana   etam   maggam   patipajji   etasmim
samana    magge    coro    angulimalo    nama   luddo   lohitapani
hatapahate   nivittho   adayapanno   panabhutesu   tena  gamapi  agama
kata   nigamapi  anigama  kata  janapadapi  ajanapada  kata  so  manusse
vadhitva   vadhitva   angulinam   malam   dhareti   etanhi   samana   maggam
dasapi   purisa   visampi   purisa   timsampi   purisa   cattalisampi  purisa
sangaritva    sangaritva    patipajjanti   tepi   corassa   angulimalassa
hatthattham gacchantiti. Atha 2- kho bhagava tunhibhuto agamasi.
     [523]   Tatiyampi  kho  gopalaka  pasupalaka  kassaka  padhavino
bhagavantam   etadavocum   ma   samana  etam  maggam  patipajji  etasmim  samana
magge    coro   angulimalo   nama   luddo   lohitapani   hatapahate
nivittho    adayapanno   panabhutesu   tena   gamapi   agama   kata
nigamapi   anigama   kata   janapadapi   ajanapada   kata   so  manusse
vadhitva   vadhitva   angulinam   malam   dhareti   etanhi   samana   maggam
dasapi   purisa   visampi   purisa   timsampi   purisa   cattalisampi  purisa
@Footnote: 1 Si. samharitva .   2 Yu. dutiyampi.
Sangaritva    sangaritva    patipajjanti   tepi   corassa   angulimalassa
hatthattham gacchantiti. Atha kho bhagava tunhibhuto agamasi.
     [524]   Addasa   kho   coro   angulimalo  bhagavantam  duratova
agacchantam   .   disvanassa   etadahosi   acchariyam   vata   bho  abbhutam
vata   bho   imanhi   maggam  dasapi  purisa  visampi  purisa  timsampi  purisa
cattalisampi   purisa   [1]-   sangaritva   2-  sangaritva  patipajjanti
tepi   mama   hatthattham  gacchanti  atha  ca  panayam  samano  eko  adutiyo
pasayha    manne    agacchati    yannunaham    [3]-    samanam    jivita
voropeyyanti   .   atha   kho  coro  angulimalo  asicammam  gahetva
dhanukalapam    sannayhitva    bhagavantam   pitthito   pitthito   anubandhi  .
Atha   kho   bhagava   tatharupam   iddhabhisankharam  abhisankharesi  4-  yatha
coro   angulimalo   bhagavantam   pakatiya   gacchantam   sabbathamena   5-
gacchanto   na  sakkoti  sampapunitum  .  atha  kho  corassa  angulimalassa
etadahosi   acchariyam  vata  bho  abbhutam  vata  bho  ahanhi  pubbe  hatthimpi
dhavantam   anupatitva   ganhami   assampi   dhavantam   anupatitva  ganhami
rathampi    dhavantam    anupatitva   ganhami   migampi   dhavantam   anupatitva
ganhami    atha    ca    panaham    imam    samanam    pakatiya    gacchantam
sabbathamena   gacchanto   na   sakkomi   sampapunitunti   .  thitova  6-
bhagavantam   etadavoca   tittha   samana   tittha   samanati   .   thito  aham
angulimala tvanca titthati.
@Footnote: 1 Yu. etthantare pannasampi purisati dissanti .  2 Yu. samharitva.
@3 Yu. etthantare imanti dissati. 4 Yu. abhisankhasi. 5 yu sabbatthamena.
@6 Yu. vasaddo natthi.
     [525]   Atha   kho   corassa   angulimalassa   etadahosi  ime
kho    samana    sakyaputtiya    saccavadino    saccapatinna   atha   ca
panayam   samano   gacchamyevaha   thito   aham  angulimala  tvanca  titthati
yannunaham imam samanam puccheyyanti.
     {525.1} Atha kho coro angulimalo bhagavantam gathaya ajjhabhasi
              gaccham vadesi samanatthitomhi
              mamanca brusi thitamatthitosi
              pucchami tam samana etamattham
              katham thito tvam ahamatthitomhi.
              Thito aham angulimala sabbada
              sabbesu bhutesu nidhaya dandam
              tuvanca panesu asannatosi
              tasma thitoham tuvamatthitosi.
              Cirassam vata me mahito mahesi
              mahavanam samana 1- paccupadi 2-
              soham carissami pajahissa 3- papam
              sutvana gatham tava dhammayuttam
              itveva coro asimavudhanca
              sobbhe papate narake manvakari 4-
@Footnote: 1 Si. Yu. samanoyam .   2 Yu. paccavadi .   3 Yu. cirassa pahassam.
@4 Yu. anvakari.
              Avandi coro sugatassa pade
              tattheva nam pabbajjam ayaci.
              Buddho ca kho karuniko mahesi
              yo sattha lokassa sadevakassa
              tamehi bhikkhuti tada avoca
              eseva tassa ahu bhikkhubhavoti.
Atha    kho   bhagava   ayasmata   angulimalena   pacchasamanena   yena
savatthi   tena  carikam  pakkami  .  anupubbena  carikam  caramano  yena
savatthi tadavasari.
     [526]  Tatra  sudam  bhagava savatthiyam viharati jetavane anathapindikassa
arame   .   tena   kho  pana  samayena  ranno  pasenadissa  kosalassa
antepuradvare       mahajanakayo      sannipatitva      uccasaddo
mahasaddo   hoti   coro   te   deva   vijite   angulimalo   nama
luddo    lohitapani    hatapahate    nivittho   adayapanno   panabhutesu
tena   gamapi   agama   kata   nigamapi   anigama   kata  janapadapi
ajanapada   kata   so   manusse   vadhitva   vadhitva   angulinam   malam
dhareti  tam  devo  patisedhetuti  .  atha  kho  raja  pasenadi  kosalo
pancamattehi    assasatehi    savatthiya   nikkhamitva   1-   divadivassa
yena  aramo  tena  pavisi  yavatika  2- yanassa bhumi yanena gantva
yana   paccorohitva   3-   pattikova   yena   bhagava   tenupasankami
@Footnote: 1 Yu. nikkhami .   2 Yu. yavatiko .  3 Yu. paccarohitva.
Upasankamitva bhagavantam abhivadetva ekamantam nisidi.
     [527]   Ekamantam   nisinnam   kho  rajanam  pasenadikosalam  bhagava
etadavoca   kinnu   te  maharaja  raja  magadho  seniyo  bimbisaro
kupito   vesalika   va   licchavi   anne   va  patirajanoti  .  na
kho   me   bhante   raja   magadho  seniyo  bimbisaro  kupito  napi
vesalika   licchavi   napi   anne   patirajano   coro   me  bhante
vijite   angulimalo   nama   luddo   lohitapani   hatapahate   nivittho
adayapanno    panabhutesu   tena   gamapi   agama   kata   nigamapi
anigama   kata   janapadapi   ajanapada   kata   so   manusse  vadhitva
vadhitva  angulinam  malam  dhareti  taham  1- bhante patisedhissamiti. Sace
pana   tvam   maharaja   angulimalam  passeyyasi  kesamassum  oharetva
kasayani    vatthani   acchadetva   agarasma   anagariyam   pabbajitam
viratam   panatipata   viratam  adinnadana  viratam  musavada  ekabhattikam
brahmacarim    silavantam    kalyanadhammam    kinti    tam   kareyyasiti  .
Abhivadeyyama    va   bhante   paccuttheyyama   va   asanena   va
nimanteyyama    abhinimanteyyama    va    nam    civarapindapatasenasana-
gilanapaccayabhesajjaparikkharehi    dhammikam    va   assa   rakkhavaranaguttim
samvidaheyyama     kuto    panassa    bhante    dussilassa    papadhammassa
evarupo silasamyamo bhavissatiti.
     [528]  Tena  kho  pana  samayena  ayasma  angulimalo  bhagavato
@Footnote: 1 Yu. naham.
Avidure   nisinno   hoti  .  atha  kho  bhagava  dakkhinabaham  paggahetva
rajanam   pasenadikosalam   etadavoca  eso  maharaja  angulimaloti .
Atha   kho   ranno   pasenadissa  kosalassa  ahudeva  bhayam  ahu  chambhitattam
ahu   lomahamso   .   atha   kho   bhagava   rajanam  pasenadikosalam  bhitam
samviggalomahatthajatam   viditva   rajanam   pasenadikosalam   etadavoca  ma
bhayi  maharaja  ma  bhayi  maharaja  natthi  te  ito  1-  bhayanti .
Atha    kho   ranno   pasenadissa   kosalassa   yam   ahosi   bhayam   va
chambhitattam   va   lomahamso   va   so   patippassambhi   .   atha   kho
raja    pasenadi    kosalo   yenayasma   angulimalo   tenupasankami
upasankamitva    ayasmantam    angulimalam    etadavoca    ayyo   no
bhante  angulimaloti  .  evam  maharajati . Kathamgotto [2]- ayyassa
pita   kathamgotta   ayyassa   matati  .  gaggo  kho  maharaja  pita
mantani   matati   .   abhiramatu   bhante  ayyo  gaggo  mantaniputto
ahamayyassa      gaggassa      mantaniputtassa     ussukkam     karissami
civarapindapatasenasanagilanapaccayabhesajjaparikkharananti    .    tena   kho
pana   samayena   ayasma   angulimalo   arannako  hoti  pindapatiko
pamsukuliko   tecivariko   .   atha   kho  ayasma  angulimalo  rajanam
pasenadikosalam etadavoca alam maharaja paripunnam me ticivaranti.
     [529]  Atha  kho  raja  pasenadi kosalo yena bhagava tenupasankami
upasankamitva     bhagavantam     abhivadetva    ekamantam    nisidi   .
@Footnote: 1 Yu. ato .   2 Yu. etthantare bhanteti dissati.
Ekamantam   nisinno   kho  raja  pasenadi  kosalo  bhagavantam  etadavoca
acchariyam   bhante   abbhutam   bhante   yavancidam  bhante  bhagava  adantanam
dameta   asamentanam   1-   sameta   apparinibbutanam   parinibbapeta
yam   hi   mayam   bhante   nasakkhimha   dandenapi  satthenapi  dametum  so
bhagavata   adandena   asatthena   2-   danto   handadani   mayam  bhante
gacchama   bahukicca   mayam   bahukaraniyati  .  yassadani  [3]-  maharaja
kalam   mannasiti   .   atha  kho  raja  pasenadi  kosalo  utthayasana
bhagavantam abhivadetva padakkhinam katva pakkami.
     [530]  Atha  kho  ayasma  angulimalo  pubbanhasamayam nivasetva
pattacivaramadaya   savatthim   pindaya  pavisi  .  addasa  kho  ayasma
angulimalo    savatthiyam    sapadanam    pindaya    caramano    annataram
itthim   mulhagabbham   visatagabbham   .   disvanassa   etadahosi   kilissanti
vata   bho  satta  kilissanti  vata  bho  sattati  .  atha  kho  ayasma
angulimalo      savatthiyam      pindaya      caritva      pacchabhattam
pindapatapatikkanto     yena     bhagava    tenupasankami    upasankamitva
bhagavantam   abhivadetva   ekamantam   nisidi   .  ekamantam  nisinno  kho
ayasma   angulimalo  bhagavantam  etadavoca  idhaham  bhante  pubbanhasamayam
nivasetva   pattacivaram   adaya   savatthim   pindaya   pavisim   addasam
kho   aham   bhante   savatthiyam   sapadanam   pindaya   caramano  annataram
itthim    mulhagabbham   visatagabbham   disvana   me   etadahosi   kilissanti
@Footnote: 1 Yu. asantanam .   2 Yu. asattheneva .   3 Yu. etthantare tvanti dissati.
Vata bho satta kilissanti vata bho sattati.
     [531]  Tenahi  tvam  angulimala  yena  sa  itthi 1- tenupasankama
upasankamitva  tam  itthim  evam  vadehi  yatoham  bhagini  jato  nabhijanami
sancicca   panam   jivita  voropeta  tena  saccena  sotthi  te  hotu
sotthi   gabbhassati   .   so  hi  nuna  me  bhante  sampajanamusavado
bhavissati  maya  hi  bhante  bahu  sancicca  pana  jivita  voropitati .
Tenahi  tvam  angulimala  yena  sa  itthi  2-  tenupasankama upasankamitva
tam  itthim  evam  vadehi  yatoham  bhagini  ariyaya jatiya jato nabhijanami
sancicca  panam  jivita  voropeta  tena  saccena sotthi te hotu sotthi
gabbhassati   .   evam   bhanteti   kho  ayasma  angulimalo  bhagavato
patissutva   yena   sa   itthi   tenupasankami   upasankamitva  tam  itthim
etadavoca    yatoham   bhagini   ariyaya   jatiya   jato   nabhijanami
sancicca   panam   jivita  voropeta  tena  saccena  sotthi  te  hotu
sotthi gabbhassati. Atha kho sotthitthiya ahosi sotthi gabbhassa.
     [532]   Atha   kho   ayasma   angulimalo   eko  vupakattho
appamatto    atapi    pahitatto   viharanto   nacirasseva   yassatthaya
kulaputta    sammadeva    agarasma    anagariyam   pabbajanti   tadanuttaram
brahmacariyapariyosanam    dittheva    dhamme    sayam   abhinna   sacchikatva
@Footnote: 1-2 katthaci potthake yena savatthiti patho dissati.
Upasampajja    vihasi   khina   jati   vusitam   brahmacariyam   katam   karaniyam
naparam    itthattayati   abbhannasi   .   annataro   kho   panayasma
angulimalo arahatam ahosi.
     [533]  Atha  kho  ayasma  angulimalo  pubbanhasamayam nivasetva
pattacivaramadaya   savatthiyam   1-   pindaya  pavisi  .  tena  kho  pana
samayena   annenapi   leddu   khitto   ayasmato  angulimalassa  kaye
nipatati     annenapi    dando    khitto    ayasmato    angulimalassa
kaye   nipatati   annenapi   sakkhara   khitta  ayasmato  angulimalassa
kaye   nipatati   .   atha  kho  ayasma  angulimalo  bhinnena  sisena
lohitena    galantena    bhinnena    pattena   vipphalitaya   sanghatiya
yena   bhagava   tenupasankami   .   addasa   kho   bhagava   ayasmantam
angulimalam    duratova    agacchantam   disvana   ayasmantam   angulimalam
etadavoca   adhivasehi   tvam   brahmana   adhivasehi   tvam   brahmana
yassa   kho   tvam   kammassa  vipakena  bahuni  vassani  bahuni  vassasatani
bahuni    vassasahassani    niraye    paceyyasi   tassa   tvam   brahmana
kammassa vipakam dittheva dhamme patisamvedesiti.
     [534]   Atha   kho  ayasma  angulimalo  rahogato  patisallino
vimuttisukham patisamvedi tayam velayam imam udanam udanesi
         yo ca pubbe pamajjitva      paccha so nappamajjati
         somam lokam pabhaseti             abbhamuttova candima
@Footnote: 1 Yu. savatthim.
         Yassa papam katam kammam             kusalena pithiyati
         somam lokam pabhaseti             abbhamuttova candima
         yo have daharo bhikkhu           yunjati buddhasasane
         somam lokam pabhaseti            abbhamuttova candima
                disa hi me dhammakatham sunantu
                disa hi me yunjantu buddhasasane
                disa hi me te manuja 1- bhajantu
                ye dhammamevadapayanti santo
         disa hi me khantivodanam 2-    avirodhappasamsanam 3-
         sunantu dhammam kalena                tanca anuvidhiyantu
         na hi jatu so mamam himse             annam va pana kanci nam
         pappuyya paramam santim                  rakkheyya tasathavare
                udakanhi nayanti nettika
                usukara namayanti tejanam
                darum namayanti tacchaka
                attanam damayanti pandita
         dandeneke damayanti            ankusebhi kasahi ca
         adandena asatthena            aham dandomhi 4- tadina
         ahimsakoti me namam               himsakassa pure sato
         ajjaham saccanamomhi       na nam himsami kanci nam
@Footnote: 1 Yu. manusse .   2 Yu. khantivadanam .   3 Yu. avirodhappasamsinam.
@4 Yu. dantomhi.
         Coro aham pure asim              angulimaloti vissuto
         vuyhamano mahoghena           buddham saranamagamam
         lohitapani pure asim          angulimaloti vissuto
         saranagamanampassa                    bhavanetti samuhata
         tadisam kammam katvana            bahum duggatigaminam
         phuttho kammavipakena            anano bhunjami bhojanam
         pamadamanuyunjanti               bala dummedhino jana
         appamadanca medhavi           dhanam setthamva rakkhati
         ma pamadamanuyunjetha           ma kamaratisanthavam
         appamatto hi jhayanto      pappoti vipulam sukham
         svagatam 1- napagatam             nayidam dummanti tam mama
         suvibhattesu 2- dhammesu        yam settham tadupagamam
         svagatam 3- napagatam            nayidam dummanti tam mama
         tisso vijja anuppatta    katam buddhassa sasananti.
                   Angulimalasuttam nitthitam chattham.
                        ----------
@Footnote: 1-3 Yu. sagatam .   2 Yu. patibhattesu.



             The Pali Tipitaka in Roman Character Volume 13 page 477-488. http://84000.org/tipitaka/pitaka_item/roman_item_s.php?book=13&item=521&items=14&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=13&item=521&items=14&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=13&item=521&items=14&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=13&item=521&items=14&modeTY=2              Study Atthakatha :- http://84000.org/tipitaka/attha/attha.php?b=13&i=521              The Pali Atthakatha in Thai :- http://84000.org/tipitaka/atthapali/read_th.php?B=9&A=6010              The Pali Atthakatha in Roman :- http://84000.org/tipitaka/atthapali/read_rm.php?B=9&A=6010              Contents of The Tipitaka Volume 13 http://84000.org/tipitaka/read/?index_13

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :