ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
                        Cankisuttam
     [646]  Evamme  sutam  ekam samayam bhagava kosalesu carikancaramano
mahata   bhikkhusanghena   saddhim   yena   opasadam   1-  nama  kosalanam
brahmanagamo    tadavasari    .    tatra    sudam   bhagava   opasade
viharati   uttarena   opasadam  devavane  salavane  .  tena  kho  pana
samayena    canki    brahmano    opasadam    ajjhavasati    sattussadam
satinakatthodakam    sadhannam    rajabhoggam    ranna   pasenadina   kosalena
dinnam rajadayam brahmadeyyam.
     [647]   Assosum   kho   opasadaka   2-   brahmanagahapatika
samano   khalu   bho   gotamo  sakyaputto  sakyakula  pabbajito  kosalesu
carikancaramano   mahata   bhikkhusanghena   saddhim   opasadam   anuppatto
opasade   viharati   uttarena   opasadam   devavane   salavane  tam
kho    pana   bhavantam   gotamam   evamkalyano   kittisaddo    abbhuggato
itipi   so   bhagava   araham   sammasambuddho  vijjacaranasampanno  sugato
lokavidu    anuttaro    purisadammasarathi   sattha   devamanussanam   buddho
bhagava   so   imam   lokam  sadevakam  samarakam  sabrahmakam  sassamanabrahmanim
pajam   sadevamanussam   sayam   abhinna   sacchikatva   pavedeti   so  dhammam
deseti       adikalyanam       majjhekalyanam       pariyosanakalyanam
@Footnote: 1 Yu. opasadanti dissati .    2 Yu. opasadakati dissati.
Sattham    sabyanjanam    kevalaparipunnam    parisuddham   brahmacariyam   pakaseti
sadhu  kho  pana  tatharupanam  arahatam  dassanam hotiti. Atha kho opasadaka
brahmanagahapatika    opasada    nikkhamitva    sangha    sanghiganibhuta
uttarena  mukha  1-  gacchanti  yena  devavanam  salavanam  .  tena kho pana
samayena canki brahmano upari pasade diva seyyam upagato hoti.
     [648]    Addasa    kho    canki    brahmano   opasadake
brahmanagahapatike    opasada    nikkhamitva    sanghe    sanghiganibhute
uttarena  mukhe  gacchante  yena  devavanam salavanam disvana khattam amantesi
kinnu   kho   bho   khatte  opasadaka  brahmanagahapatika  opasada
nikkhamitva   sangha   sanghiganibhuta   uttarena  mukha  2-  gacchanti  yena
devavanam   salavananti   .  atthi  bho  canki  samano  gotamo  sakyaputto
sakyakula      pabbajito      kosalesu     carikancaramano     mahata
bhikkhusanghena    saddhim    opasadam    anuppatto   opasade   viharati
uttarena   opasadam   devavane   salavane   tam   kho   pana   bhavantam
gotamam    evamkalyano   kittisaddo   abbhuggato   itipi   so   bhagava
araham   sammasambuddho   vijjacaranasampanno   sugato   lokavidu  anuttaro
purisadammasarathi    sattha    devamanussanam    buddho   bhagavati   tamete
bhavantam   gotamam   dassanaya  upasankamantiti  .  tenahi  bho  khatte  yena
opasadaka    brahmanagahapatika    tenupasankami    3-   upasankamitva
@Footnote: 1-2 Yu. mukhe .   3 Yu. tenupasankama.
Opasade  1-  brahmanagahapatike  evam  vadehi  canki  bho  brahmano
evamaha   agamentu   kira   bhavanto  cankipi  brahmano  samanam  gotamam
dassanaya  upasankamatiti  .  evam  bhoti kho so khatta cankissa brahmanassa
patissutva    yena    opasadaka    brahmanagahapatika    tenupasankami
upasankamitva    opasadake    brahmanagahapatike    etadavoca   canki
bho   brahmano  evamaha  agamentu  kira  bhavanto  cankipi  brahmano
samanam gotamam dassanaya upasankamissatiti.
     [649]   Tena  kho  pana  samayena  nanaverajjakanam  brahmananam
pancamattani    brahmanasatani    opasade    pativasanti    kenacideva
karaniyena   .   assosum   kho   te  brahmana  canki  kira  brahmano
samanam   gotamam   dassanaya  upasankamissatiti  .  atha  2-  te  brahmana
yena   canki   brahmano   tenupasankamimsu  upasankamitva  cankim  brahmanam
etadavocum  saccam  kira  bhavam  canki  samanam gotamam dassanaya upasankamissatiti.
Evam kho 3- bho hoti ahampi samanam gotamam dassanaya upasankamissamiti.
     {649.1}  Ma  bhavam  canki samanam gotamam dassanaya upasankami na arahati
bhavam  canki  samanam  gotamam  dassanaya upasankamitum samano tveva gotamo arahati
bhavantam  cankim  dassanaya  upasankamitum  bhavanhi  canki  ubhatosujato  matito
ca   pitito   ca   samsuddhagahaniko   yava  sattama  pitamahayuga  akkhitto
@Footnote: 1 Yu. opasadake .   2 Yu. atha kho te .   3 Yu. evam kho me.
Anupakkuttho   jativadena   yampi   bhavam   canki   ubhatosujato  matito
ca   pitito   ca   samsuddhagahaniko   yava  sattama  pitamahayuga  akkhitto
anupakkuttho    jativadena    iminapangena   na   arahati   bhavam   canki
samanam    gotamam    dassanaya    upasankamitum    samano   tveva   gotamo
arahati bhavantam cankim dassanaya upasankamitum
     {649.2}  bhavanhi  canki  addho  mahaddhano  mahabhogo bhavanhi canki
tinnam     vedanam     paragu     sanighanduketubhanam     sakkharappabhedanam
itihasapancamanam     padako    veyyakarano    lokayatamahapurisalakkhanesu
anavayo    bhavanhi    canki   abhirupo   dassaniyo   pasadiko   paramaya
vannapokkharataya       samannagato       brahmavanni       brahmavacchasi
akhuddavakaso  dassanaya  bhavanhi  canki  silava  buddhasili  buddhasilena  1-
samannagato   bhavanhi   canki   kalyanavaco   kalyanavakkarano  poriya
vacaya   samannagato   visatthaya   anelagalaya   atthassa   vinnapaniya
bhavanhi   canki   bahunnam   acariyapacariyo   tini   manavakasatani   mante
vaceti   bhavanhi   canki  ranno  pasenadissa  kosalassa  sakkato  garukato
manito   pujito   apacito   bhavanhi   canki  brahmanassa  pokkharasatissa
sakkato   garukato   manito   pujito  apacito  bhavanhi  canki  opasadam
ajjhavasati   sattussadam   satinakatthodakam   sadhannam   rajabhoggam  ranna  2-
pasenadina    kosalena    dinnam   rajadayam   brahmadeyyam   yampi   bhavam
canki      opasadam      ajjhavasati      sattussadam     satinakatthodakam
@Footnote: 1 Yu. buddhasili buddhasilena .    2 Yu. ranano
Sadhannam   rajabhoggam   ranna   pasenadina   kosalena   dinnam   rajadayam
brahmadeyyam   iminapangena   na   arahati   bhavam   canki   samanam   gotamam
dassanaya   upasankamitum   samano   tveva   gotamo  arahati  bhavantam  cankim
dassanaya upasankamitunti.
     [650]  Evam  vutte  canki  brahmano  te brahmane etadavoca
tenahi  bho  mamapi  sunatha  yatha  yatha  mayameva  arahama  tam  samanam 1-
gotamam   dassanaya   upasankamitum   na   tveva  arahati  so  bhavam  gotamo
amhakam    dassanaya    upasankamitum    samano    khalu    bho    gotamo
ubhatosujato   matito   ca   pitito   ca  samsuddhagahaniko  yava  sattama
pitamahayuga   akkhitto   anupakkuttho   jativadena   yampi  2-  samano
gotamo    ubhatosujato    .pe.    jativadena    iminapangena   na
arahati   so   bhavam   gotamo   amhakam  dassanaya  upasankamitum  atha  kho
mayameva   arahama   tam   bhavantam   gotamam   dassanaya  upasankamitum  samano
khalu    bho    gotamo    pahutam    hirannasuvannam    ohaya    pabbajito
bhumigatam    ca    vehasatthanca   samano   khalu   bho   gotamo   daharova
samano    susukalakeso   bhadrena   yobbanena   samannagato   pathamena
vayasa   agarasma   anagariyam   pabbajito   samano   khalu  bho  gotamo
akamakanam   matapitunam   assumukhanam   rudantanam  kesamassum  oharetva
kasayani   vatthani   acchadetva   agarasma   anagariyam   pabbajito
samano   khalu   bho   gotamo   abhirupo   dassaniyo  pasadiko  paramaya
@Footnote: 1 Yu. bhavantam .     2 Yu. yampi bho.
Vannapokkharataya       samannagato       brahmavanni       brahmavacchasi
akhuddavakaso   dassanaya   samano   khalu  bho  gotamo  silava  ariyasili
kusalasili   kusalena   silena   samannagato   samano   khalu   bho  gotamo
kalyanavaco    kalyanavakkarano    poriya    vacaya    samannagato
visatthaya    anelagalaya    atthassa   vinnapaniya   samano   khalu   bho
gotamo bahunnam acariyapacariyo
     {650.1}  samano  khalu  bho  gotamo  khinakamarago  vigatacapallo
samano   khalu   bho   gotamo   kammavadi   kiriyavadi   apapapurekkharo
brahmannaya   pajaya   samano   khalu  bho  gotamo  uccakula  pabbajito
asambhinna  1-  khattiyakula  samano  khalu  bho  gotamo  addhakula pabbajito
mahaddhana   mahabhoga   samanam  khalu  bho  gotamam  tirorattha  tirojanapada
sampucchitum   agacchanti  samanam  khalu  bho  gotamam  anekani  devatasahassani
panena   2-   saranam   gatani   samanam   khalu  bho  gotamam  evamkalyano
kittisaddo    abbhuggato   itipi   so   bhagava   araham   sammasambuddho
vijjacaranasampanno     sugato    lokavidu    anuttaro    purisadammasarathi
sattha devamanussanam buddho bhagavati
     {650.2}   samano   khalu   bho  gotamo  dvattimsamahapurisalakkhanehi
samannagato  samanam  khalu  bho  gotamam  raja  magadho  seniyo bimbisaro
saputtadaro  panehi  saranam  gato  samanam  khalu  bho  gotamam raja pasenadi
kosalo [3]- panehi saranam gato samanam khalu bho gotamam brahmano pokkharasati
@Footnote: 1 Yu. adinakhattiyakula .   2 Yu. panehi .    3 Yu. etthantare saputtadaroti
@dissati.
Saputtadaro panehi saranam gato
     {650.3}   samano   khalu   bho   gotamo  opasadam  anuppatto
opasade  viharati  uttarena  opasadam  devavane salavane ye pana kho
keci   samana   va   brahmana  va  amhakam  gamakkhettam  agacchanti
atithino  1-  te  honti  atithi  kho  panamhehi  sakkatabba garukatabba
manetabba   pujetabba   yampi    bho   samano   gotamo   opasadam
anuppatto  opasade  viharati  uttarena  opasadam  devavane salavane
atithimhakam    samano    gotamo   atithi   kho   panamhehi   sakkatabbo
garukatabbo   manetabbo   pujetabbo   iminapangena   na  arahati  so
bhavam  gotamo  amhakam   dassanaya  upasankamitum  atha  kho  mayameva arahama
tam  bhavantam  gotamam   dassanaya  upasankamitum  ettakam  kho  aham  bho  tassa
bhoto  gotamassa   vannam  pariyapunami  na ca so bhavam gotamo ettakavanno
apparimanavanno   hi   so   bhavam   gotamo  ekamekenapi  bho  angena
samannagato    na   arahati   so   bhavam   gotamo   amhakam   dassanaya
upasankamitum   atha   kho   mayameva  arahama  tam  bhavantam  gotamam  dassanaya
upasankamitunti  2-  .  tenahi  bho  sabbeva  mayam  samanam  gotamam dassanaya
upasankamissamati.
     {650.4}   Atha   kho   canki  brahmano  mahata  brahmanaganena
saddhim   yena  bhagava  tenupasankami  upasankamitva  bhagavata  saddhim  sammodi
sammodaniyam  katham  saraniyam  vitisaretva  ekamantam  nisidi. Tena kho pana
@Footnote: 1 Yu. atithi no te honti .   2 Yu. itisaddo natthi.
Samayena    bhagava    vuddhehi    vuddhehi    brahmanehi   saddhim   kinci
kinci katham saraniyam vitisaretva nisinno hoti.
     [651]  Tena  kho  pana  samayena kapadiko 1- nama manavo daharo
vuttasiro    solasavassuddesiko    jatiya    tinnam    vedanam   paragu
sanighandu     ketubhanam    sakkharappabhedanam    itihasapancamanam    padako
veyyakarano    lokayatamahapurisalakkhanesu    anavayo    tassam   parisayam
nisinno   hoti   .  so  vuddhanam  vuddhanam  brahmananam  bhagavata  saddhim
mantayamananam  antarantara  katham  opateti  .  atha  kho  bhagava kapadikam
manavam   apasadesi   ma   ayasma   bharadvajo   vuddhanam   vuddhanam
brahmananam    mantayamananam    antarantara    katham    opatesi   2-
kathapariyosanam ayasma bharadvajo agametuti.
     [652]   Evam   vutte   canki   brahmano  bhagavantam  etadavoca
ma    bhavam    gotamo   kapadikam   manavam   apasadesi   kulaputto   ca
kapadiko   manavo   bahussuto   ca   kapadiko   manavo  pandito  3-
ca    kapadiko    manavo    kalyanavakkarano    4-   ca   kapadiko
manavo   pahoti   ca   kapadiko   manavo   bhota   gotamena   saddhim
asmim   vacane   patimantetunti  .  atha  kho  bhagavato  etadahosi  addha
kho   kapadikassa   manavassa   tevijjake  pavacane  katam  bhavissati  tatha
hi   nam  brahmana  sampurekkharontiti  .  atha  kho  kapadikassa  manavassa
@Footnote: 1 Si. kapathako. Yu. kapathiko .   2 Yu. opatetu .    3 Yu. kalyanavakkarano.
@4 Yu. pandito.
Etadahosi   yada   me   samano   gotamo  cakkhuna  cakkhum  upasamharissati
athaham samanam gotamam panham pucchissamiti.
     {652.1}  Atha  kho  bhagava  kapadikassa  manavassa  cetasa ceto
parivitakkamannaya   yena   kapadiko  manavo  tena  cakkhuni  upasamhasi .
Atha  kho  kapadikassa  manavassa  etadahosi  samannaharati  kho  mam  samano
gotamo   yannunaham   samanam   gotamam   panham   puccheyyanti  .  atha  kho
kapadiko   manavo  bhagavantam  etadavoca  yadidam  bho  gotama  brahmananam
poranam     mantapadam    itihitihaparamparaya    pitakasampadaya    tattha    ca
brahmana   ekamsena   nittham   gacchanti   idameva   saccam   moghamannanti
idha bhavam gotamo kimahati.
     [653]    Kim    pana    bharadvaja   atthi   koci   brahmananam
ekabrahmanopi   yo   evamaha   ahametam   janami  ahametam  passami
idameva   saccam   moghamannanti   .   no  hidam  bho  gotama  .  kim  pana
bharadvaja   atthi  koci  brahmananam  ekacariyopi  ekacariyapacariyopi
yava   sattama   acariyamahayuga   1-  yo  evamaha  ahametam  janami
ahametam   passami   idameva   saccam   moghamannanti   .   no  hidam  bho
gotama   .   kim   pana   bharadvaja   yepi   te  brahmananam  pubbaka
isayo   mantanam   kattaro   mantanam   pavattaro   yesamidam   etarahi
brahmana    poranam    mantapadam   gitam   pavuttam   samihitam   tadanugayanti
tadanubhasanti      bhasitamanubhasanti      vacitamanuvacenti      seyyathidam
@Footnote: 1 Yu. acariyamahayugapi.
Atthako    vamako    vamadevo    vessamitto   yamataggi   angiraso
bharadvajo   vasettho   kassapo   bhagu   tepi   evamahamsu   mayametam
janama   mayametam   passama   idameva  saccam  moghamannanti  .  no  hidam
bho gotama.
     [654]  Iti  kira bharadvaja natthi koci brahmananam ekabrahmanopi
yo   evamaha   ahametam   janami   ahametam   passami  idameva  saccam
moghannanti    natthi    koci   brahmananam   ekacariyopi   ekacariya-
pacariyopi   yava   sattama   acariyamahayuga   yo  evamaha  ahametam
janami   ahametam   passami   idameva   saccam   moghamannanti  yepi  te
brahmananam   pubbaka   isayo   mantanam  kattaro  mantanam  pavattaro
yesamidam   etarahi   brahmana   poranam   mantapadam  gitam  pavuttam  samihitam
tadanugayanti      tadanubhasanti     bhasitamanubhasanti     vacitamanuvacenti
seyyathidam  atthako  vamako  vamadevo  vessamitto  yamataggi  angiraso
bharadvajo  vasettho  kassapo  bhagu  tepi na evamahamsu mayametam janama
mayametam passama idameva saccam moghamannanti.
     {654.1}   Seyyathapi   bharadvaja   andhaveni   paramparasamsatta
purimopi  na  passati  majjhimopi  na  passati  pacchimopi  na  passati evameva
kho   bharadvaja   andhavenupamam   manne   brahmananam  bhasitam  sampajjati
purimopi  na  passati  majjhimopi  na  passati  pacchimopi na passati tam kim mannasi
Bharadvaja    nanu    evam    sante    brahmananam   amulika   saddha
sampajjatiti   .   na   khvettha   bho   gotama   brahmana  saddhayayeva
payirupasanti anussavapettha brahmana payirupasantiti.
     [655]   Pubbeva   kho  tvam  bharadvaja  saddham  agamasi  anussavam
idani   vadesi   panca   kho  ime  bharadvaja  dhamma  dittheva  dhamme
dvidhavipaka   katame   panca   saddha  ruci  anussavo  akaraparivitakko
ditthinijjhanakkhanti     ime     kho     bharadvaja     panca    dhamma
dittheva    dhamme   dvidhavipaka   apica   bharadvaja   susaddahitam   1-
yeva   hoti   tanca   hoti   rittam   tuccham  musa  no  cepi  susaddahitam
hoti    tanca    hoti    bhutam    taccham   anannatha   apica   bharadvaja
surucitamyeva   hoti   .pe.  svanussutamyeva  hoti  .pe.  suparivitakkamyeva
hoti    .pe.    sunijjhayitamyeva   hoti   tanca   hoti   rittam   tuccham
musa   no   cepi  sunijjhayitam  hoti  tanca  hoti  bhutam  taccham  anannatha
saccam   anurakkhata   bharadvaja   vinnuna  purisena  nalamettha  ekamsena
nittham   gantum   idameva   saccam   moghamannanti   .  kittavata  pana  bho
gotama      saccanurakkhana      hoti     kittavata     saccamanurakkhati
saccanurakkhanam mayam bhavantam gotamam pucchamati.
     [656]   Saddha   cepi   bharadvaja   purisassa  hoti  evam  me
saddhati   iti   vadam   saccamanurakkhati   na  tveva  tava  ekamsena  nittham
@Footnote: 1 Si. susaddhitam.
Gacchati   idameva   saccam   moghamannanti   ettavata   kho   bharadvaja
saccamanurakkhana    hoti   ettavata   saccamanurakkhati   ettavata   ca
mayam    saccanurakkhanam    pannapema   na   tveva   tava   saccanubodho
hoti
     {656.1}  ruci  cepi  bharadvaja purisassa hoti ... Anussavo cepi
bharadvaja   purisassa   hoti   ...  akaraparivitakko  cepi  bharadvaja
purisassa   hoti   ...   ditthinijjhanakkhanti   cepi   bharadvaja  purisassa
hoti   evam   me   ditthinijjhanakkhantiti   iti   vadam   saccamanurakkhati  na
tveva   tava   ekamsena   nittham   gacchati   idameva  saccam  moghamannanti
ettavata   kho   bharadvaja   saccamanurakkhana  1-  hoti  ettavata
saccamanurakkhati   ettavata   ca   mayam   saccanurakkhanam   pannapema   na
tveva tava saccanubodho hotiti.
     {656.2}  Ettavata  bho gotama saccamanurakkhana hoti ettavata
saccamanurakkhati   ettavata  ca  mayam  saccanurakkhanam  pekkhama  kittavata
pana    bho   gotama   saccanubodho   hoti   kittavata   saccamanubujjhati
saccanubodham mayam bhavantam gotamam pucchamati.
     [657]   Idha   kira  bharadvaja  bhikkhu  annataram  gamam  va  nigamam
va   upanissaya   viharati   .   tameva   gahapati  va  gahapatiputto  va
upasankamitva   tisu  dhammesu  samannesati  lobhaniyesu  dhammesu  dosaniyesu
dhammesu  mohaniyesu  dhammesu  atthi  nu  kho  imassa  ayasmato tatharupa
lobhaniya   dhamma   yatharupehi   lobhaniyehi   dhammehi   pariyadinnacitto
@Footnote: 1 Yu. saccanurakkhana.
Ajanam     va     vadeyya     janamiti    apassam    va    vadeyya
passamiti    param    va   tathattaya   samadapeyya   yam   paresam   assa
digharattam    ahitaya    dukkhayati   .   tamenam   samannesamano   evam
janati    natthi   kho   imassayasmato   tatharupa   lobhaniya   dhamma
yatharupehi    lobhaniyehi    dhammehi    pariyadinnacitto    ajanam   va
vadeyya   janamiti  apassam  va  vadeyya  passamiti  param  va  tathattaya
samadapeyya   yam   paresam  assa  digharattam  ahitaya  dukkhayati  .  tatha
kho    panimassayasmato   kayasamacaro   tatha   vacisamacaro   yathatam
aluddhassa    yam    kho   pana   ayamayasma   dhammam   deseti   gambhiro
so    dhammo    duddaso   duranubodho   santo   panito   atakkavacaro
nipuno panditavedaniyo na so dhammo sudesiyo luddhenati.
     {657.1}   Yato  nam  samannesamano  visuddham  lobhaniyehi  dhammehi
passati  1-  samanupassati  tato  nam  uttarim  samannesati  dosaniyesu dhammesu
atthi   nu   kho  imassayasmato  tatharupa  dosaniya  dhamma  yatharupehi
dosaniyehi   dhammehi   pariyadinnacitto   ajanam  va  vadeyya  janamiti
apassam   va   vadeyya   passamiti  param  va  tathattaya  samadapeyya  yam
paresam   assa   digharattam  ahitaya  dukkhayati  .  tamenam  samannesamano
evam   janati   natthi  kho  imassayasmato  tatharupa  dosaniya  dhamma
yatharupehi   dosaniyehi   dhammehi  pariyadinnacitto  ajanam  va  vadeyya
janamiti    apassam   va   vadeyya   passamiti   param   va   tathattaya
@Footnote: 1 Yu. passatiti patho natthi.
Samadapeyya   yam   paresam  assa  digharattam  ahitaya  dukkhayati  .  tatha
kho    panimassayasmato   kayasamacaro   tatha   vacisamacaro   yathatam
adutthassa   yam   kho   pana   ayamayasma   dhammam  deseti  gambhiro  so
dhammo   duddaso   duranubodho   santo   panito   atakkavacaro   nipuno
panditavedaniyo na so dhammo sudesiyo dutthenati.
     {657.2} Yato nam samannesamano visuddham dosaniyehi dhammehi passati 1-
samanupassati   tato  nam  uttarim  samannesati  mohaniyesu  dhammesu  atthi  nu
kho   imassayasmato  tatharupa  mohaniya  dhamma  yatharupehi  mohaniyehi
dhammehi   pariyadinnacitto   ajanam  va  vadeyya  janamiti  apassam  va
vadeyya   passamiti   param  va  tathattaya  samadapeyya  yam  paresam  assa
digharattam   ahitaya  dukkhayati  .  tamenam  samannesamano  evam  janati
natthi   kho   imassayasmato   tatharupa   mohaniya   dhamma  yatharupehi
mohaniyehi   dhammehi   pariyadinnacitto   ajanam  va  vadeyya  janamiti
apassam   va   vadeyya   passamiti  param  va  tathattaya  samadapeyya  yam
paresam  assa  digharattam  ahitaya  dukkhayati  .  tatha kho panimassayasmato
kayasamacaro   tatha   vacisamacaro   yathatam   amulhassa  yam  kho  pana
ayamayasma   dhammam  deseti  gambhiro   so  dhammo  duddaso  duranubodho
santo   panito   atakkavacaro   nipuno  panditavedaniyo  na  so  dhammo
sudesiyo mulhenati.
     {657.3}  Yato  nam samannesamano visuddham mohaniyehi dhammehi passati
@Footnote: 1 Yu. passatiti patho natthi.
Samanupassati   atha   tamhi   saddham  niveseti  saddhajato  upasankamati  1-
upasankamanto   payirupasati   payirupasanto   sotam   odahati  ohitasoto
dhammam  sunati  sutva  dhammam  dhareti  dhatanam  2- dhammanam attham upaparikkhati
attham    upaparikkhato    dhamma   nijjhanam   khamanti   dhammanijjhanakkhantiya
sati   chando   jayati  chandajato  ussahati  ussahitva  tuleti  tulayitva
padahati   pahitatto  samano  kayena  ceva  paramatthasaccam  3-  sacchikaroti
pannaya   ca   tam   ativijjha   passati   .  ettavata  kho  bharadvaja
saccanubodho    hoti    ettavata   saccamanubujjhati   ettavata   ca
mayam saccanubodham pannapema na tveva saccanupatti hotiti.
     {657.4}  Ettavata  bho  gotama saccanubodho hoti ettavata
saccamanubujjhati   ettavata   ca  mayam  saccanubodham  pekkhama  kittavata
pana   bho   gotama   saccanupatti   hoti   kittavata   saccamanupapunati
saccanupattim mayam bhavantam gotamam pucchamati.
     [658]  Tesamyeva  [3]-  bharadvaja  dhammanam  asevana bhavana
bahulikammam   saccanupatti  hoti  ettavata  kho  bharadvaja  saccanupatti
hoti   ettavata   saccamanupapunati  ettavata  ca  mayam  saccanupattim
pannapemati    .    ettavata   bho   gotama   saccanupatti   hoti
ettavata    saccamanupapunati    ettavata   ca   mayam   saccanupattim
pekkhama   saccanupattiya   pana   bho  gotama  katamo  dhammo  bahukaro
saccanupattiya bahukaram dhammam mayam bhavantam gotamam pucchamati.
@Footnote: 1 Yu. upasankamatiti patho natthi. 2 Yu. dharitanam. 3 Yu. paramasaccam.
@4 Yu. etthantare khoti dissati.
     [659]   Saccanupattiya   kho   bharadvaja  padhanam  bahukaram  no
ce   tam   padaheyya  na  yidam  saccamanupapuneyya  yasma  ca  kho  padahati
tasma      saccamanupapunati      tasma     saccanupattiya     padhanam
bahukaranti.
     {659.1}   Padhanassa  pana  bho  gotama  katamo  dhammo  bahukaro
padhanassa   bahukaram  dhammam  mayam  bhavantam  gotamam  pucchamati  .  padhanassa
kho   bharadvaja  tulana  bahukaro  1-  no  ce  tam  tuleyya  na  yidam
padaheyya   yasma   ca   kho   tuleti  tasma  padahati  tasma  padhanassa
tulana bahukarati.
     {659.2}   Tulanaya   pana  bho  gotama  katamo  dhammo  bahukaro
tulanaya    bahukaram    dhammam    mayam   bhavantam   gotamam   pucchamati  .
Tulanaya   kho  bharadvaja  ussaho  bahukaro  no  ce  tam  ussaheyya
na   yidam   tuleyya   yasma   ca   kho  ussahati  tasma  tuleti  tasma
tulanaya   ussaho   bahukaroti   .   ussahassa   pana   bho   gotama
katamo   dhammo   bahukaro   ussahassa   bahukaram   dhammam   mayam  bhavantam
gotamam pucchamati.
     {659.3}    Ussahassa    kho   bharadvaja   chando   bahukaro
no   ce   tam   chando   jayetha  na  yidam  ussaheyya  yasma  ca  kho
chando    jayati    tasma    ussahati    tasma    ussahassa   chando
bahukaroti.
     {659.4}   Chandassa   pana  bho  gotama  katamo  dhammo  bahukaro
chandassa   bahukaram   dhammam   mayam  bhavantam  gotamam  pucchamati  .  chandassa
kho   bharadvaja   dhammanijjhanakkhanti   bahukara   no   ce  tam  dhamma
nijjhanam   2-   khameyyum   na   yidam   chando   jayetha  yasma  ca  kho
@Footnote: 1 Yu. bahukara. 2 Yu. dhammanijjhanam.
Dhamma   nijjhanam   khamanti   tasma   chando   jayati   tasma   chandassa
dhammanijjhanakkhanti bahukarati.
     {659.5}   Dhammanijjhanakkhantiya  pana  bho  gotama  katamo  dhammo
bahukaro   dhammanijjhanakkhantiya   bahukaram   dhammam   mayam   bhavantam  gotamam
pucchamati   .   dhammanijjhanakkhantiya   kho   bharadvaja   atthupaparikkha
bahukara   no   ce  tam  attham  upaparikkheyya  na  yidam  dhamma  nijjhanam
khameyyum   yasma   ca   kho   attham  upaparikkhati  tasma  dhamma  nijjhanam
khamanti tasma dhammanijjhanakkhantiya atthupaparikkha bahukarati.
     {659.6}  Atthupaparikkhaya  pana  bho  gotama katamo dhammo bahukaro
atthupaparikkhaya   bahukaram   dhammam   mayam   bhavantam   gotamam  pucchamati .
Atthupaparikkhaya  kho  bharadvaja  dhammadharana  bahukara  no  ce tam dhammam
dhareyya  na  yidam  attham  upaparikkheyya  yasma ca kho dhammam dhareti tasma
attham upaparikkhati tasma atthupaparikkhaya dhammadharana bahukarati.
     {659.7}  Dhammadharanaya  pana  bho  gotama  katamo dhammo bahukaro
dhammadharanaya   bahukaram   dhammam   mayam   bhavantam   gotamam   pucchamati .
Dhammadharanaya   kho  bharadvaja  dhammassavanam  bahukaram  no  ce  tam  dhammam
suneyya  na  yidam  dhammam  dhareyya  yasma  ca  kho  dhammam  sunati  tasma
dhammam dhareti tasma dhammadharanaya dhammassavanam bahukaranti.
     {659.8}   Dhammassavanassa   pana   bho   gotama   katamo   dhammo
bahukaro    dhammassavanassa    bahukaram    dhammam    mayam   bhavantam   gotamam
Pucchamati   .   dhammassavanassa   kho   bharadvaja  sotavadhanam  bahukaram
no  ce  tam  sotam  odaheyya  na  yidam  dhammam suneyya yasma ca kho sotam
odahati   tasma   dhammam   sunati   tasma   dhammassavanassa   sotavadhanam
bahukaranti.
     {659.9}  Sotavadhanassa  pana  bho  gotama katamo dhammo bahukaro
sotavadhanassa   bahukaram   dhammam   mayam   bhavantam   gotamam  pucchamati .
Sotavadhanassa   kho   bharadvaja  payirupasana  1-  bahukara  no  ce
tam  payirupaseyya  na  yidam  sotam  odaheyya  yasma  ca  kho  payirupasati
tasma sotam odahati tasma sotavadhanassa payirupasana bahukarati.
     {659.10}  Payirupasanaya  pana  bho  gotama katamo dhammo bahukaro
payirupasanaya   bahukaram   dhammam   mayam   bhavantam   gotamam   pucchamati .
Payirupasanaya   kho   bharadvaja   upasankamanam   bahukaram   no   ce  tam
upasankameyya   na   yidam   payirupaseyya   yasma   ca   kho  upasankamati
tasma payirupasati tasma payirupasanaya upasankamanam bahukaranti.
     {659.11}   Upasankamanassa   pana   bho   gotama   katamo  dhammo
bahukaro    upasankamanassa    bahukaram    dhammam    mayam   bhavantam   gotamam
pucchamati    .   upasankamanassa   kho   bharadvaja   saddha   bahukara
no  ce  tam  saddha  jayetha  na  yidam  upasankameyya yasma ca kho saddha
jayati tasma upasankamati tasma upasankamanassa saddha bahukarati.
     [660]  Saccanurakkhanam mayam bhavantam gotamam apucchimha 2- saccanurakkhanam
@Footnote: 1 Yu. payirupasana. 2 Yu. apucchimha.
Bhavam   gotamo  byakasi  tanca  panamhakam  ruccati  ceva  khamati  ca  tena
camha    attamana    saccamanubodham   mayam   bhavantam   gotamam   apucchimha
saccamanubodham   bhavam   gotamo   byakasi   tanca  panamhakam  ruccati  ceva
khamati   ca   tena   camha   attamana  saccanupattim  mayam  bhavantam  gotamam
apucchimha   saccanupattim   bhavam   gotamo   byakasi   tanca   panamhakam
ruccati  ceva  khamati  ca  tena  camha  attamana  saccanupattiya  bahukaram
dhammam   mayam   bhavantam   gotamam  apucchimha  saccanupattiya  bahukaram  dhammam
bhavam   gotamo   byakasi   tanca   panamhakam   ruccati   ceva  khamati  ca
tena   camha  attamana  yam  yadeva  ca  mayam  bhavantam  gotamam  apucchimha
tam  tadeva  bhavam  gotamo  byakasi  tanca  panamhakam  ruccati  ceva  khamati
ca  tena  camha  attamana  mayam  hi bho gotama pubbe evam janama ke ca
mundaka   samanaka  ibbha  kanha  bandhupadapacca  1-  ke  ca  dhammassa
annataroti   ajanesi   vata   me   bhavam   gotamo  samanesu  samanapemam
samanesu    samanapasadam   samanesu   samanagaravam   abhikkantam   bho   gotama
abhikkantam   bho   gotama   .pe.   upasakam   mam  bhavam  gotamo  dharetu
ajjatagge panupetam saranangatanti.
                  Cankisuttam nitthitam pancamam.
                       ---------
@Footnote: 1 Yu. bandhupadapacca.



             The Pali Tipitaka in Roman Character Volume 13 page 591-609. http://84000.org/tipitaka/pitaka_item/roman_item_s.php?book=13&item=646&items=15&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=13&item=646&items=15&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=13&item=646&items=15&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=13&item=646&items=15&modeTY=2              Study Atthakatha :- http://84000.org/tipitaka/attha/attha.php?b=13&i=646              The Pali Atthakatha in Thai :- http://84000.org/tipitaka/atthapali/read_th.php?B=9&A=7504              The Pali Atthakatha in Roman :- http://84000.org/tipitaka/atthapali/read_rm.php?B=9&A=7504              Contents of The Tipitaka Volume 13 http://84000.org/tipitaka/read/?index_13

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :