TIPITAKA Volume 15 : PALI ROMAN
Sutta Pitaka Vol 7 : Sutta. Saṃ. Sa.

                             Tatiyaṃ sakalikasuttaṃ
     [452]   Evamme   sutaṃ   ekaṃ  samayaṃ  bhagavā  rājagahe  viharati
maddakucchismiṃ   migadāye   .   tena  kho  pana  samayena  bhagavato  pādo
sakalikāya   khato   hoti   .   bhusā   sudaṃ   bhagavato  vedanā  vattanti
sārīrikā   dukkhā   tibbā   kharā   kaṭukā  asātā  amanāpā  .  tā
sudaṃ   bhagavā   sato  sampajāno  adhivāseti  avihaññamāno  .  atha  kho
bhagavā   catugguṇaṃ   saṅghāṭiṃ   paññapetvā   dakkhiṇena  passena  sīhaseyyaṃ
---------------------------------------------------------------------------------------------
page162.
Kappesi pādena pādaṃ accādhāya sato sampajāno.
     [453]   Atha   kho   māro  pāpimā  yena  bhagavā  tenupasaṅkami
upasaṅkamitvā bhagavantaṃ gāthāya ajjhabhāsi
               mandiyā nu [1]- sesi udāhu kāveyyamatto
               atthā nu te sampacurā na santi
               eko vivitte sayanāsanamhi
               niddāmukho 2- kimidaṃ soppasevāti.
     [454] Na mandiyā sayāmi nāpi kāveyyamatto
               atthaṃ sameccāhamapetasoko
               eko vivitte sayanāsanamhi
               sayāmahaṃ sabbabhūtānukampī
               yesampi sallaṃ urasi paviṭṭhaṃ
               muhuṃ muhuṃ hadayaṃ sevamānaṃ 3-
               tepīdha soppaṃ labhare sasallā
               kasmā 4- ahaṃ na supe vītasallo
               jaggaṃ na saṅkemi 5- napi bhemi sottuṃ
               rattindivā nānutapanti māmaṃ
               hāniṃ na passāmi kuhiñci loke
               tasmā supe sabbabhūtānukampīti.
@Footnote: 1 Ma. etthantare khosaddo atthi. 2 Sī. niddāsi kho. 3 Ma. Yu. vedhamānaṃ.
@4 Po. Ma. tasmā. 5 Ma. Yu. na saṅkenapi.
---------------------------------------------------------------------------------------------
page163.
Atha   kho   māro   pāpimā  jānāti  maṃ  bhagavā  jānāti  maṃ  sugatoti
dukkhī dummano tatthevantaradhāyīti.


             The Pali Tipitaka in Roman Character Volume 15 page 161-163.
http://84000.org/tipitaka/pitaka_item/roman_item_s.php?book=15&item=452&items=3&pagebreak=1
             Classified by [Item Number] :-
http://84000.org/tipitaka/pitaka_item/roman_item_s.php?book=15&item=452&items=3&pagebreak=1&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=15&item=452&items=3&pagebreak=1
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=15&item=452&items=3&pagebreak=1
             Study Atthakatha :-
http://84000.org/tipitaka/attha/attha.php?b=15&i=452
             The Pali Atthakatha in Thai :-
http://84000.org/tipitaka/atthapali/read_th.php?B=11&A=4388
             The Pali Atthakatha in Roman :-
http://84000.org/tipitaka/atthapali/read_rm.php?B=11&A=4388
             Contents of The Tipitaka Volume 15
http://84000.org/tipitaka/read/?index_15