paliTIPITAKA Volume 16 - Sutta Pitaka 8

Rahulasamyuttam ---- pathamavaggo pathamo [599] Evamme sutam ekam samayam bhagava savatthiyam viharati jetavane anathapindikassa arame . atha kho ayasma rahulo yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma rahulo bhagavantam etadavoca sadhu me bhante bhagava sankhittena dhammam desetu yamaham bhagavato dhammam sutva eko vupakattho appamatto atapi pahitatto vihareyyanti. [600] Tam kim mannasi rahula cakkhum niccam va aniccam vati. Aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . No hetam bhante. [evam peyyalo] sotam niccam va aniccam vati . aniccam bhante ... ghanam niccam va aniccam vati . aniccam bhante ... jivha nicca va anicca vati. Anicca bhante ... kayo nicco va anicco vati . anicco Bhante ... mano nicco va anicco vati . anicco bhante . Yam pananiccam dukkham va tam sukham vati . dukkham bhante. Yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante. [601] Evam passam rahula sutava ariyasavako cakkhusmimpi nibbindati sotasmimpi nibbindati ghanasmimpi nibbindati jivhayapi nibbindati kayasmimpi nibbindati manasmimpi nibbindati nibbindam virajjati viraga vimuccati . vimuttasmim vimuttamiti ^1- nanam hoti . Khina jati vusitam brahmacariyam katam karaniyam naparam itthattayati pajanatiti. Pathamam. [etena peyyalena dasa suttanta katabba]

The Pali Tipitaka in Roman Character Volume 16 page 287-288. http://84000.org/tipitaka/pitaka_item/roman_item_s.php?book=16&item=599&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=16&item=599&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=599&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=599&items=3&modeTY=2 Study Atthakatha :- http://84000.org/tipitaka/attha/attha.php?b=16&i=599 The Pali Atthakatha in Thai :- http://84000.org/tipitaka/atthapali/read_th.php?B=12&A=5239 The Pali Atthakatha in Roman :- http://84000.org/tipitaka/atthapali/read_rm.php?B=12&A=5239 Contents of The Tipitaka Volume 16 http://84000.org/tipitaka/read/?index_16