paliTIPITAKA Volume 17 - Sutta Pitaka 9

[148] Sāvatthī . Tatra kho. Āyasmā surādho bhagavantaṃ etadavoca kathaṃ nu kho bhante jānato kathaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānāpagataṃ mānasaṃ hoti vidhā samatikkantaṃ santaṃ ^1- suvimuttanti . @Footnote: ¹ Po. Yu. santanti natthi.

--------------------------------------------------------------------------------------------- page99.

Yaṅkiñci surādha rūpaṃ atītānāgatapaccuppannaṃ .pe. yaṃ ^1- dūre santike vā sabbaṃ rūpaṃ netaṃ mama nesohamasmi na meso attāti evametaṃ yathābhūtaṃ sammappaññāya disvā anupādā vimutto hoti . yā kāci vedanā . Yā kāci saññā. Ye keci saṅkhārā. Yaṅkiñci viññāṇaṃ atītānāgatapaccuppannaṃ .pe. yaṃ dūre santike vā sabbaṃ viññāṇaṃ netaṃ mama nesohamasmi na meso attāti evametaṃ yathābhūtaṃ sammappaññāya disvā anupādā vimutto hoti . evaṃ kho surādha jānato evaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāra- mānāpagataṃ mānasaṃ hoti vidhā samatikkantaṃ santaṃ suvimuttanti .pe. Aññataro ca panāyasmā surādho arahataṃ ahosīti. Arahantavaggo dutiyo. Tassuddānaṃ upādiyamaññamānā athābhinandamāno ca aniccaṃ dukkhaṃ anattā ca anattaniyaṃ rajaniyasaṇṭhitaṃ rādhasurādhena te dasāti. ------------- @Footnote: ¹ Yu. yaṃ dūre vā.

The Pali Tipitaka in Roman Character Volume 17 page 98-99. http://84000.org/tipitaka/pitaka_item/roman_item_s.php?book=17&item=148&items=1&pagebreak=1 Classified by [Item Number] :- http://84000.org/tipitaka/pitaka_item/roman_item_s.php?book=17&item=148&items=1&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=17&item=148&items=1&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=17&item=148&items=1&pagebreak=1 Study Atthakatha :- http://84000.org/tipitaka/attha/attha.php?b=17&i=148 Contents of The Tipitaka Volume 17 http://84000.org/tipitaka/read/?index_17