บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[1217] Cattarome bhikkhave iddhipada . katame cattaro. Idha bhikkhave bhikkhu chandasamadhipadhanasankharasamannagatam iddhipadam bhaveti . viriyasamadhi cittasamadhi vimamsasamadhipadhanasankharasamannagatam Iddhipadam bhaveti. Ime kho bhikkhave cattaro iddhipada. [1218] Imesam kho bhikkhave catunnam iddhipadanam bhavitatta bahulikatatta dvinnam phalanam annataram phalam patikankham dittheva dhamme anna sati va upadisese anagamitati. [1219] Cattarome bhikkhave iddhipada . katame cattaro. Idha bhikkhave bhikkhu chandasamadhipadhanasankharasamannagatam iddhipadam bhaveti . viriyasamadhi cittasamadhi vimamsasamadhipadhanasankharasamannagatam iddhipadam bhaveti. Ime kho bhikkhave cattaro iddhipada. [1220] Imesam kho bhikkhave catunnam iddhipadanam bhavitatta bahulikatatta satta phala sattanisamsa patikankha . katame satta phala sattanisamsa . dittheva dhamme patikacca annam aradheti no ce dittheva dhamme patikacca annam aradheti atha maranakale annam aradheti no ce dittheva dhamme patikacca annam aradheti no ce maranakale annam aradheti . atha pancannam orambhagiyanam sannojananam parikkhaya antaraparinibbayi hoti upahaccaparinibbayi hoti asankharaparinibbayi hoti sasankharaparinibbayi hoti uddhamsoto hoti akanitthagami . imesam kho bhikkhave catunnam iddhipadanam bhavitatta bahulikatatta ime satta phala sattanisamsa patikankhati. [1221] Savatthinidanam . atha kho ayasma anando yena Bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca katama nu kho bhante iddhi katamo iddhipado katama iddhipadabhavana katama iddhipadabhavanagamini patipadati. [1222] Idhananda bhikkhu anekavihitam iddhividham paccanubhoti ekopi hutva bahudha hoti bahudhapi hutva eko hoti .pe. yava brahmalokapi kayena vasam vatteti. Ayam vuccatananda iddhi. [1223] Katamo cananda iddhipado . yo ananda maggo ya patipada iddhilabhaya iddhipatilabhaya samvattati . ayam vuccatananda iddhipado. [1224] Katama cananda iddhipadabhavana . idhananda bhikkhu chandasamadhipadhanasankharasamannagatam iddhipadam bhaveti . viriyasamadhi cittasamadhi vimamsasamadhipadhanasankharasamannagatam iddhipadam bhaveti . Ayam vuccatananda iddhipadabhavana. [1225] Katama cananda iddhipadabhavanagamini patipada . Ayameva ariyo atthangiko maggo . seyyathidam . sammaditthi .pe. sammasamadhi . ayam vuccatananda iddhipadabhavanagamini patipadati. [1226] Ekamantam nisinnam kho ayasmantam anandam bhagava etadavoca katama nu kho ananda iddhi katamo iddhipado Katama iddhipadabhavana katama iddhipadabhavanagamini patipadati. Bhagavammulaka no bhante dhamma bhagavamnettika .pe. [1227] Idhananda bhikkhu anekavihitam iddhividham paccanubhoti ekopi hutva bahudha hoti bahudhapi hutva eko hoti .pe. Yava brahmalokapi kayena vasam vatteti. Ayam vuccatananda iddhi. [1228] Katamo cananda iddhipado . yo ananda maggo ya patipada iddhilabhaya iddhipatilabhaya samvattati . ayam vuccatananda iddhipado. [1229] Katama cananda iddhipadabhavana . idhananda bhikkhu chandasamadhipadhanasankharasamannagatam iddhipadam bhaveti . viriyasamadhi cittasamadhi vimamsasamadhipadhanasankharasamannagatam iddhipadam bhaveti . Ayam vuccatananda iddhipadabhavana. [1230] Katama cananda iddhipadabhavanagamini patipada . Ayameva ariyo atthangiko maggo . seyyathidam . sammaditthi .pe. sammasamadhi . ayam vuccatananda iddhipadabhavanagamini patipadati. [1231] Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum katama nu kho bhante iddhi katamo iddhipado katama iddhipadabhavana katama Iddhipadabhavanagamini patipadati. [1232] Idha bhikkhave bhikkhu anekavihitam iddhividham paccanubhoti ekopi hutva bahudha hoti bahudhapi hutva eko hoti .pe. Yava brahmalokapi kayena vasam vatteti. Ayam vuccati bhikkhave iddhi. [1233] Katamo ca bhikkhave iddhipado . yo bhikkhave maggo ya patipada iddhilabhaya iddhipatilabhaya samvattati . ayam vuccati bhikkhave iddhipado. [1234] Katama ca bhikkhave iddhipadabhavana . idha bhikkhave bhikkhu chandasamadhipadhanasankharasamannagatam iddhipadam bhaveti . Viriyasamadhi cittasamadhi vimamsasamadhipadhanasankharasamannagatam iddhipadam bhaveti. Ayam vuccati bhikkhave iddhipadabhavana. [1235] Katama ca bhikkhave iddhipadabhavanagamini patipada . Ayameva ariyo atthangiko maggo . seyyathidam . sammaditthi .pe. Sammasamadhi . ayam vuccati bhikkhave iddhipadabhavanagamini patipadati. [1236] Atha kho sambahula bhikkhu yena bhagava .pe. Ekamantam nisinne kho te bhikkhu bhagava etadavoca katama nu kho bhikkhave iddhi katamo iddhipado katama iddhipadabhavana katama iddhipadabhavanagamini patipadati. Bhagavammulaka no bhante dhamma bhagavamnettika .pe. [1237] Katama ca bhikkhave iddhi. Idha bhikkhave bhikkhu anekavihitam iddhividham paccanubhoti ekopi hutva bahudha hoti bahudhapi hutva eko hoti .pe. yava brahmalokapi kayena vasam vatteti . Ayam vuccati bhikkhave iddhi. [1238] Katamo ca bhikkhave iddhipado . yo bhikkhave maggo ya patipada iddhilabhaya iddhipatilabhaya samvattati . ayam vuccati bhikkhave iddhipado. [1239] Katama ca bhikkhave iddhipadabhavana . idha bhikkhave bhikkhu chandasamadhipadhanasankharasamannagatam iddhipadam bhaveti . Viriyasamadhi cittasamadhi vimamsasamadhipadhanasankharasamannagatam iddhipadam bhaveti. Ayam vuccati bhikkhave iddhipadabhavana. [1240] Katama ca bhikkhave iddhipadabhavanagamini patipada . Ayameva ariyo atthangiko maggo . seyyathidam . sammaditthi .pe. sammasamadhi . ayam vuccati bhikkhave iddhipadabhavanagamini patipadati.The Pali Tipitaka in Roman Character Volume 19 page 365-370. http://84000.org/tipitaka/pitaka_item/roman_item_s.php?book=19&item=1217&items=24&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=1217&items=24&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1217&items=24&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1217&items=24&modeTY=2 Study Atthakatha :- http://84000.org/tipitaka/attha/attha.php?b=19&i=1217 The Pali Atthakatha in Thai :- http://84000.org/tipitaka/atthapali/read_th.php?B=13&A=7424 The Pali Atthakatha in Roman :- http://84000.org/tipitaka/atthapali/read_rm.php?B=13&A=7424 Contents of The Tipitaka Volume 19 http://84000.org/tipitaka/read/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]