paliTIPITAKA Volume 19 - Sutta Pitaka 11

[1427] Atha kho ayasma sariputto yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam sariputtam bhagava etadavoca sotapattiyangam sotapattiyanganti hidam sariputta vuccati katamam nu kho sariputta sotapattiyanganti. [1428] Sappurisasamsevo hi bhante sotapattiyangam saddhammassavanam sotapattiyangam yonisomanasikaro sotapattiyangam dhammanudhammapatipatti sotapattiyanganti. [1429] Sadhu sadhu sariputta sappurisasamsevo hi sariputta sotapattiyangam saddhammassavanam sotapattiyangam yonisomanasikaro sotapattiyangam dhammanudhammapatipatti sotapattiyangam. [1430] Soto sototi ^1- hidam sariputta vuccati katamo nu kho sariputta sototi . ayameva hi bhante ariyo atthangiko maggo soto . seyyathidam . sammaditthi sammasankappo sammavaca sammakammanto sammaajivo sammavayamo sammasati sammasamadhiti. @Footnote: ¹ Yu. ... sototiha sariputta. [1431] Sadhu sadhu sariputta ayameva hi sariputta ariyo atthangiko maggo soto . seyyathidam . sammaditthi .pe. Sammasamadhi. [1432] Sotapanno sotapannoti hidam sariputta vuccati katamo nu kho sariputta sotapannoti . yo hi bhante imina ariyena atthangikena maggena samannagato ayam vuccati sotapanno svayam ayasma evamnamo evamgottoti. [1433] Sadhu sadhu sariputta ^[1]- imina ariyena atthangikena maggena samannagato ayam vuccati sotapanno svayam ayasma evamnamo evamgottoti.

The Pali Tipitaka in Roman Character Volume 19 page 434-435. http://84000.org/tipitaka/pitaka_item/roman_item_s.php?book=19&item=1427&items=7&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=19&item=1427&items=7&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1427&items=7&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1427&items=7&modeTY=2 Study Atthakatha :- http://84000.org/tipitaka/attha/attha.php?b=19&i=1427 The Pali Atthakatha in Thai :- http://84000.org/tipitaka/atthapali/read_th.php?B=13&A=7803 The Pali Atthakatha in Roman :- http://84000.org/tipitaka/atthapali/read_rm.php?B=13&A=7803 Contents of The Tipitaka Volume 19 http://84000.org/tipitaka/read/?index_19