TIPITAKA Volume 19 : PALI ROMAN
Sutta Pitaka Vol 11 : Sutta. Saṃ. Ma.

     [429]  Sattime  bhikkhave  bojjhaṅgā  bhāvitā  bahulīkatā  apārā
pāraṅgamanāya   saṃvattanti   .  katame  satta  .  satisambojjhaṅgo  .pe.
Upekkhāsambojjhaṅgo  .  ime  kho  bhikkhave  satta  bojjhaṅgā  bhāvitā
bahulīkatā apārā pāraṅgamanāya saṃvattantīti
         [2]-
     [430] Appakā te manussesu       ye janā pāragāmino
         athāyaṃ itarā pajā                  tīramevānudhāvati.
         Ye ca kho sammadakkhāte           dhamme dhammānuvattino
         te janā pāramessanti           maccudheyyaṃ suduttaraṃ.
         Kaṇhaṃ dhammaṃ vippahāya            sukkaṃ bhāvetha paṇḍito
         okā anokamāgamma             viveke yattha dūramaṃ.
         Tatrābhiratimiccheyya                hitvā kāme akiñcano
         pariyodapeyya attānaṃ            cittaklesehi paṇḍito.
         Yesaṃ sambodhiyaṅgesu               sammā cittaṃ subhāvitaṃ
         ādānapaṭinissagge             anupādāya ye ratā
         khīṇāsavā jutimanto              te loke parinibbutāti.
     [431]  Yesaṃ  kesañci  bhikkhave  satta  bojjhaṅgā viraddhā viraddho
@Footnote: 1 Ma. cundo. 2 Yu. idamavoca .pe.
Tesaṃ   ariyo   maggo   sammādukkhakkhayagāmī  .  yesaṃ  kesañci  bhikkhave
satta    bojjhaṅgā    āraddhā    āraddho    tesaṃ   ariyo   maggo
sammādukkhakkhayagāmī   .   katame   satta   .   satisambojjhaṅgo   .pe.
Upekkhāsambojjhaṅgo.
     [432]  Yesaṃ  kesañci  bhikkhave  ime  satta  bojjhaṅgā  viraddhā
viraddho   tesaṃ   ariyo   maggo  sammādukkhakkhayagāmī  .  yesaṃ  kesañci
bhikkhave   ime   satta   bojjhaṅgā   āraddhā  āraddho  tesaṃ  ariyo
maggo sammādukkhakkhayagāmīti.
     [433]   Sattime  bhikkhave  bojjhaṅgā  bhāvitā  bahulīkatā  ariyā
niyyānikā   niyyanti   takkarassa   sammādukkhakkhayāya   .   katame  satta
satisambojjhaṅgo   .pe.   upekkhāsambojjhaṅgo  .  ime  kho  bhikkhave
satta   bojjhaṅgā   bhāvitā   bahulīkatā   ariyā   niyyānikā   niyyanti
takkarassa sammādukkhakkhayāyāti.
     [434]    Sattime    bhikkhave   bojjhaṅgā   bhāvitā   bahulīkatā
ekantanibbidāya   virāgāya   nirodhāya   upasamāya  abhiññāya  sambodhāya
nibbānāya   saṃvattanti   .   katame   satta  .  satisambojjhaṅgo  .pe.
Upekkhāsambojjhaṅgo    .   ime   kho   bhikkhave   satta   bojjhaṅgā
bhāvitā   bahulīkatā   ekantanibbidāya   virāgāya   nirodhāya   upasamāya
abhiññāya sambodhāya nibbānāya saṃvattantīti.
                    Gilānavaggo dutiyo.
                        Tassuddānaṃ
         pāṇāsuriyupamā 1- dve         gilāne 2- apare tayo
         pāragāmī viraddho ca               ariyā 3- nibbānāya cāti.
                       ---------
@Footnote: 1 Ma. pāṇasūriyūpamā. Yu. pāṇasuriyūpamā. 2 Ma. Yu. gilānā. 3 Ma. Yu. ariyo.


             The Pali Tipitaka in Roman Character Volume 19 page 117-119.
http://84000.org/tipitaka/pitaka_item/roman_item_s.php?book=19&item=429&items=6
             Classified by [Item Number] :-
http://84000.org/tipitaka/pitaka_item/roman_item_s.php?book=19&item=429&items=6&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=19&item=429&items=6
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=19&item=429&items=6
             Study Atthakatha :-
http://84000.org/tipitaka/attha/attha.php?b=19&i=429
             Contents of The Tipitaka Volume 19
http://84000.org/tipitaka/read/?index_19