บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[754] Ekam samayam bhagava uruvelayam viharati najja neranjaraya tire ajapalanigrodhe pathamabhisambuddho . atha kho bhagavato rahogatassa patisallinassa evam cetaso parivitakko udapadi ekayanvayam maggo sattanam visuddhiya sokaparidevanam samatikkamaya Dukkhadomanassanam atthangamaya nayassa adhigamaya nibbanassa sacchikiriyaya yadidam cattaro satipatthana . katame cattaro . Kaye va bhikkhu kayanupassi vihareyya atapi sampajano satima vineyya loke abhijjhadomanassam . vedanasu va bhikkhu . citte va bhikkhu . dhammesu va bhikkhu dhammanupassi vihareyya atapi sampajano satima vineyya loke abhijjhadomanassam . ekayanvayam maggo sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya . yadidam cattaro satipatthanati. [755] Atha kho brahma sahampati bhagavato cetasa cetoparivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva kho brahmaloke antarahito bhagavato purato paturahosi . atha kho brahma sahampati ekamsamuttarasangam karitva yena bhagava tenanjalimpanametva bhagavantam etadavoca [756] Evametam bhagava evametam sugata ekayanvayam bhante maggo sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya . Yadidam cattaro satipatthana . katame cattaro . Kaye va bhante bhikkhu kayanupassi vihareyya atapi sampajano Satima vineyya loke abhijjhadomanassam . vedanasu va bhante bhikkhu . citte va bhante bhikkhu . dhammesu va bhante bhikkhu dhammanupassi vihareyya atapi sampajano satima vineyya loke abhijjhadomanassam . ekayanvayam bhante maggo sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya yadidam cattaro satipatthanati. [757] Idamavoca brahma sahampati idam vatva brahma sahampati 1- athaparam etadavoca ekayanam jatikhayantadassi maggam pajanati hitanukampi etena maggena tarimsu 2- pubbe tarissanti ye ca taranti oghanti.The Pali Tipitaka in Roman Character Volume 19 page 222-224. http://84000.org/tipitaka/pitaka_item/roman_item_s.php?book=19&item=754&items=4&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=19&item=754&items=4&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=754&items=4&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=754&items=4&modeTY=2&mode=bracket Study Atthakatha :- http://84000.org/tipitaka/attha/attha.php?b=19&i=754 The Pali Atthakatha in Thai :- http://84000.org/tipitaka/atthapali/read_th.php?B=13&A=6557 The Pali Atthakatha in Roman :- http://84000.org/tipitaka/atthapali/read_rm.php?B=13&A=6557 Contents of The Tipitaka Volume 19 http://84000.org/tipitaka/read/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]