[844] Pancimani bhikkhave indriyani . katamani panca .
Saddhindriyam viriyindriyam satindriyam samadhindriyam pannindriyam .
Yato kho bhikkhave ariyasavako imesam pancannam indriyanam
(samudayanca atthangamanca) 1- assadanca adinavanca nissarananca
yathabhutam pajanati . ayam vuccati bhikkhave ariyasavako sotapanno
avinipatadhammo niyato sambodhiparayanoti.
[845] Pancimani bhikkhave indriyani . katamani panca .
Saddhindriyam viriyindriyam satindriyam samadhindriyam pannindriyam .
Yato kho bhikkhave ariyasavako imesam pancannam indriyanam
samudayanca atthangamanca assadanca adinavanca nissarananca
yathabhutam pajanati . ayam vuccati bhikkhave ariyasavako sotapanno
@Footnote: 1 Ma. idam pathadvayam na dissati.
Avinipatadhammo niyato sambodhiparayanoti.
[846] Pancimani bhikkhave indriyani . katamani panca .
Saddhindriyam viriyindriyam satindriyam samadhindriyam pannindriyam .
Yato kho bhikkhave bhikkhu 1- imesam pancannam indriyanam samudayanca
atthangamanca assadanca 2- adinavanca nissarananca yathabhutam
viditva anupada vimutto hoti . ayam vuccati bhikkhave bhikkhu araham
khinasavo vusitava katakaraniyo ohitabharo anuppattasadattho
parikkhinabhavasannojano sammadannavimuttoti.
[847] Pancimani bhikkhave indriyani . katamani panca .
Saddhindriyam viriyindriyam satindriyam samadhindriyam pannindriyam .
Yato kho bhikkhave bhikkhu imesam pancannam indriyanam samudayanca
atthangamanca assadanca adinavanca nissarananca yathabhutam viditva
anupada vimutto hoti . ayam vuccati bhikkhave bhikkhu araham
khinasavo vusitava katakaraniyo ohitabharo anuppattasadattho
parikkhinabhavasannojano sammadannavimuttoti.
[848] Pancimani bhikkhave indriyani . katamani panca .
Saddhindriyam viriyindriyam satindriyam samadhindriyam pannindriyam .
Ye hi keci bhikkhave samana va brahmana va imesam pancannam
indriyanam samudayanca atthangamanca assadanca adinavanca
nissarananca yathabhutam nappajananti . name te bhikkhave samana
@Footnote: 1 Ma. Yu. ariyasavako. 2 ime patha na dissanti.
Va brahmana va samanesu va samanasammata brahmanesu
va brahmanasammata na ca panete ayasmanto samannattham
va brahmannattham 1- va dittheva dhamme sayam abhinna sacchikatva
upasampajja viharanti.
[849] Ye ca kho te 2- bhikkhave samana va brahmana va
imesam pancannam indriyanam samudayanca atthangamanca assadanca
adinavanca nissarananca yathabhutam pajananti . te khome bhikkhave
samana va brahmana va samanesu ceva samanasammata brahmanesu
ca brahmanasammata te ca panayasmanto samannatthanca
brahmannatthanca dittheva dhamme sayam abhinna sacchikatva
upasampajja viharantiti.
The Pali Tipitaka in Roman Character Volume 19 page 256-258.
http://84000.org/tipitaka/pitaka_item/roman_item_s.php?book=19&item=844&items=6&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=19&item=844&items=6&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=19&item=844&items=6&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=19&item=844&items=6&modeTY=2
Study Atthakatha :-
http://84000.org/tipitaka/attha/attha.php?b=19&i=844
Contents of The Tipitaka Volume 19
http://84000.org/tipitaka/read/?index_19
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
