paliTIPITAKA Volume 2 - Vinaya Pitaka 2

page162.

Dutiyasikkhapadam [182] Tena samayena buddho bhagava savatthiyam viharati jetavane anathapindikassarame . tena kho pana samayena chabbaggiya bhikkhu pesalehi bhikkhuhi saddhim bhandanta ^1- pesale bhikkhu omasanti jatiyapi namenapi gottenapi kammenapi sippenapi abadhenapi lingenapi kilesenapi apattiyapi hinenapi akkosena khumsenti vambhenti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu pesalehi bhikkhuhi saddhim bhandanta pesale bhikkhu omasissanti jatiyapi namenapi gottenapi kammenapi sippenapi abadhenapi lingenapi kilesenapi apattiyapi hinenapi akkosena khumsessanti vambhessantiti. {182.1} Athakho te bhikkhu bhagavato etamattham arocesum. Saccam kira tumhe bhikkhave pesalehi bhikkhuhi saddhim bhandanta pesale bhikkhu omasatha jatiyapi namenapi gottenapi kammenapi sippenapi abadhenapi lingenapi kilesenapi apattiyapi hinenapi akkosena khumsetha vambhethati . saccam bhagavati . Vigarahi buddho bhagava katham hi nama tumhe moghapurisa pesalehi bhikkhuhi saddhim bhandanta pesale bhikkhu omasissatha jatiyapi .pe. hinenapi akkosena khumsessatha @Footnote: ¹ Yu. bhandenta. evamuparipi.

--------------------------------------------------------------------------------------------- page163.

Vambhessatha netam moghapurisa appasannanam va pasadaya pasannanam va bhiyyobhavaya .pe. vigarahitva dhammim katham katva bhikkhu amantesi. [183] Bhutapubbam bhikkhave takkasilayam ^1- annatarassa brahmanassa nandivisalo nama balibaddo ^2- ahosi . athakho bhikkhave nandivisalo balibaddo tam brahmanam etadavoca gaccha tvam brahmana setthina saddhim sahassena abbhudam ^3- karohi mayham balibaddo sakatasatam atibaddham pavattessatiti . athakho bhikkhave so brahmano setthina saddhim sahassena abbhudam akasi mayham balibaddo sakatasatam atibaddham pavattessatiti . athakho bhikkhave so brahmano sakatasatam atibandhitva nandivisalam balibaddam yunjitva etadavoca ancha ^4- kuta vahassu kutati. {183.1} Athakho bhikkhave nandivisalo balibaddo tattheva atthasi. Athakho bhikkhave so brahmano sahassena parajito pajjhayi . Athakho bhikkhave nandivisalo balibaddo tam brahmanam etadavoca kissa tvam brahmana pajjhayasiti . tatha hi panaham bho taya sahassena parajitoti . kissa pana mam tvam brahmana akutam kutavadena papesi gaccha tvam brahmana setthina saddhim dvihi sahassehi abbhudam karohi mayham balibaddo sakatasatam atibaddham pavattessatiti ma ca mam akutam kutavadena papesiti . athakho bhikkhave so brahmano @Footnote: ¹ Ma. takkasilayam . ² Ma. balibaddo. Si. balivaddo. evamuparipi. @³ Ma. abbhutam. evamuparipi . ⁴ Ma. gaccha.

--------------------------------------------------------------------------------------------- page164.

Setthina saddhim dvihi sahassehi abbhudam akasi mayham balibaddo sakatasatam atibaddham pavattessatiti . athakho bhikkhave so brahmano sakatasatam atibandhitva nandivisalam balibaddam yunjitva etadavoca ancha bhadra vahassu bhadrati . athakho bhikkhave nandivisalo balibaddo sakatasatam atibaddham pavattesi. [184] Manapameva bhaseyya namanapam kudacanam manapam bhasamanassa garubharam udabbahi dhananca nam alabbhesi ^1- tena cattamano ahuti. [185] Tadapi me bhikkhave amanapa khumsana vambhana kimangam panetarahi manapa bhavissati khumsana vambhana netam bhikkhave appasannanam va pasadaya .pe. evanca pana bhikkhave imam sikkhapadam uddiseyyatha {185.1} omasavade pacittiyanti. [186] Omasavado nama dasahi akarehi omasati jatiyapi namenapi gottenapi kammenapi sippenapi abadhenapi lingenapi kilesenapi apattiyapi akkosenapi. [187] Jati nama dve jatiyo hina ca jati ukkattha ca jati . hina nama jati candalajati venajati nesadajati rathakarajati pukkusajati esa hina nama jati . ukkattha nama jati khattiyajati brahmanajati esa ukkattha nama jati. [188] Namam nama dve namani hinanca namam ukkatthanca @Footnote: ¹ Ma. alabhesi.

--------------------------------------------------------------------------------------------- page165.

Namam . hinam nama namam avakannakam javakannakam dhanitthakam savitthakam kulavaddhakam tesu tesu va pana janapadesu onnatam avannatam hilitam paribhutam acitikatam ^1- etam hinam nama namam . ukkattham nama namam buddhapatisamyuttam dhammapatisamyuttam sanghapatisamyuttam tesu tesu va pana janapadesu anonnatam anavannatam ahilitam aparibhutam citikatam etam ukkattham nama namam. [189] Gottam nama dve gottani hinanca gottam ukkatthanca gottam . hinam nama bharadvajagottam tesu tesu va pana janapadesu onnatam avannatam hilitam paribhutam acitikatam etam hinam nama gottam . ukkattham nama gottam gotamagottam moggallanagottam kaccayanagottam vasetthagottam ^2- tesu tesu va pana janapadesu anonnatam anavannatam ahilitam aparibhutam citikatam etam ukkattham nama gottam. [190] Kammam nama dve kammani hinanca kammam ukkatthanca kammam . hinam nama kammam kotthakakammam pupphachaddakakammam tesu tesu va pana janapadesu onnatam avannatam hilitam paribhutam acitikatam etam hinam nama kammam . ukkattham nama kammam kasi vanijja gorakkha tesu tesu va pana janapadesu anonnatam anavannatam ahilitam aparibhutam citikatam etam ukkattham nama kammam. [191] Sippam nama dve sippani hinanca sippam ukkatthanca @Footnote: ¹ Ma. acittikatam. evamuparipi . ² Ma. kaccanagottam vasitthagottam. evamuparipi.

--------------------------------------------------------------------------------------------- page166.

Sippam . hinam nama sippam nalakarasippam kumbhakarasippam pesakarasippam cammakarasippam nahapitasippam tesu tesu va pana janapadesu onnatam avannatam hilitam paribhutam acitikatam etam hinam nama sippam . ukkattham nama sippam muddha ^1- ganana lekha tesu tesu va pana janapadesu anonnatam anavannatam ahilitam aparibhutam citikatam etam ukkattham nama sippam. [192] Sabbepi abadha hina nama apica madhumeho abadho ukkattho. [193] Lingam nama dve lingani hinanca lingam ukkatthanca lingam . hinam nama lingam atidigham atirassam atikanham accodatam etam hinam nama lingam . ukkattham nama lingam natidigham natirassam natikanham naccodatam etam ukkattham nama lingam. [194] Sabbepi kilesa hina. [195] Sabbapi apattiyo hina apica sotapatti samapatti ukkattha. [196] Akkoso nama dve akkosa hino ca akkoso ukkattho ca akkoso . hino nama akkoso otthosi mendosi gonosi gadrabhosi tiracchanagatosi nerayikosi natthi tuyham sugati duggatiyeva tuyham patikankhati yakarena va bhakarena va katakotacikaya va eso hino nama akkoso . @Footnote: ¹ Ma. mudda. evamuparipi.

--------------------------------------------------------------------------------------------- page167.

Ukkattho nama akkoso panditosi byattosi medhavisi bahussutosi dhammakathikosi natthi tuyham duggati sugatiyeva tuyham patikankhati eso ukkattho nama akkoso.