ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
                       Navamasikkhapadam
     [516]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana  samayena  chabbaggiya
bhikkhu   panitabhojanani   attano   atthaya   vinnapetva   bhunjanti  .
Manussa    ujjhayanti   khiyanti   vipacenti   katham   hi   nama   samana
sakyaputtiya     panitabhojanani     attano     atthaya    vinnapetva
bhunjissanti   kassa   sampannam   na   manapam  kassa  sadum  na  ruccatiti .
Assosum    kho    bhikkhu    tesam   manussanam   ujjhayantanam   khiyantanam
vipacentanam   .   ye   te  bhikkhu  appiccha  .pe.  te  ujjhayanti
khiyanti   vipacenti   katham   hi   nama   chabbaggiya  bhikkhu  panitabhojanani
attano    atthaya   vinnapetva   bhunjissantiti   .pe.   saccam   kira
tumhe    bhikkhave    panitabhojanani    attano   atthaya   vinnapetva
bhunjathati   .  saccam  bhagavati  .  vigarahi  buddho  bhagava  katham  hi  nama
tumhe    moghapurisa   panitabhojanani   attano   atthaya   vinnapetva
bhunjissatha     netam     moghapurisa     appasannanam    va    pasadaya
pasannanam   va   bhiyyobhavaya   .pe.   evanca   pana   bhikkhave  imam
sikkhapadam uddiseyyatha
     {516.1}   yani  kho  pana  tani  panitabhojanani  seyyathidam  sappi
navanitam    telam    madhu   phanitam   maccho   mamsam   khiram   dadhi   .   yo
pana     bhikkhu     evarupani     panitabhojanani     attano    atthaya
Vinnapetva bhunjeyya pacittiyanti.
     {516.2} Evancidam bhagavata bhikkhunam sikkhapadam pannattam hoti.
     [517]   Tena   kho   pana   samayena  bhikkhu  gilana  honti .
Gilanapucchaka   bhikkhu   gilane   bhikkhu   etadavocum   kaccavuso  khamaniyam
kacci   yapaniyanti   .   pubbe   mayam   avuso  panitabhojanani  attano
atthaya   vinnapetva   bhunjama   tena   no   phasu   hoti   idani
pana    bhagavata   patikkhittanti   kukkuccayanta   na   vinnapema   tena
no  na  phasu  hotiti  .  bhagavato  etamattham  arocesum. Athakho bhagava
etasmim  nidane  etasmim  pakarane  dhammim  katham  katva  bhikkhu  amantesi
anujanami    bhikkhave    gilanena    bhikkhuna   panitabhojanani   attano
atthaya   vinnapetva   bhunjitum   evanca  pana  bhikkhave  imam  sikkhapadam
uddiseyyatha
     {517.1}   yani  kho  pana  tani  panitabhojanani  seyyathidam  sappi
navanitam  telam  madhu  phanitam  maccho  mamsam khiram dadhi. Yo pana bhikkhu evarupani
panitabhojanani   agilano   attano   atthaya   vinnapetva   bhunjeyya
pacittiyanti.
     [518]  Yani  kho  pana  tani  panitabhojananiti  sappi nama gosappi
va  ajikasappi  va  mahisasappi  va  1-  yesam  mamsam kappati tesam sappi.
Navanitam   nama   tesamyeva   navanitam  .  telam  nama  tilatelam  sasapatelam
madhukatelam    erandatelam    vasatelam    .    madhu   nama   makkhikamadhu
@Footnote: 1 Ma. Yu. mahimsasappi va. evamuparipi.
Phanitam   nama   ucchumha   nibbattam   .   maccho  nama  udakacaro  1-
vuccati   .   mamsam   nama  yesam  mamsam  kappati  tesam  mamsam  .  khiram  nama
gokhiram   va   ajikakhiram   va   mahisakhiram  va  yesam  mamsam  kappati  tesam
khiram. Dadhi nama tesamyeva dadhi.
     [519]  Yo  panati  yo  yadiso  .pe. Bhikkhuti .pe. Ayam imasmim
atthe   adhippeto   bhikkhuti   .  evarupani  panitabhojananiti  tatharupani
panitabhojanani    .    agilano    nama   yassa   vina   panitabhojanani
phasu   hoti   .   gilano  nama  yassa  vina  panitabhojanani  na  phasu
hoti   .   agilano  attano  atthaya  vinnapeti  payoge  dukkatam .
Patilabhena    bhunjissamiti    patigganhati    apatti    dukkatassa   .
Ajjhohare ajjhohare apatti pacittiyassa.
     [520]   Agilano   agilanasanni  panitabhojanani  attano  atthaya
vinnapetva   bhunjati   apatti   pacittiyassa   .  agilano  vematiko
panitabhojanani    attano    atthaya    vinnapetva   bhunjati   apatti
pacittiyassa    .    agilano    gilanasanni    panitabhojanani   attano
atthaya   vinnapetva   bhunjati   apatti   pacittiyassa   .   gilano
agilanasanni    apatti   dukkatassa   .   gilano   vematiko   apatti
dukkatassa. Gilano gilanasanni anapatti.
@Footnote: 1 sabbattha idisoyeva patho dissati bhikkhunivibhangassa patidesaniyakande pana
@sabbatthapi odakoti dissati. vicaretva gahetabbam.
     [521]   Anapatti   gilanassa   gilano   hutva   vinnapetva
agilano   bhunjati   gilanassa   sesakam   bhunjati   natakanam   pavaritanam
annassatthaya attano dhanena ummattakassa adikammikassati.
                   Navamasikkhapadam nitthitam.
                            ---------



             The Pali Tipitaka in Roman Character Volume 2 page 340-343. http://84000.org/tipitaka/pitaka_item/roman_item_s.php?book=2&item=516&items=6&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=2&item=516&items=6&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=516&items=6&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=516&items=6&modeTY=2              Study Atthakatha :- http://84000.org/tipitaka/attha/attha.php?b=2&i=516              The Pali Atthakatha in Thai :- http://84000.org/tipitaka/atthapali/read_th.php?B=2&A=8934              The Pali Atthakatha in Roman :- http://84000.org/tipitaka/atthapali/read_rm.php?B=2&A=8934              Contents of The Tipitaka Volume 2 http://84000.org/tipitaka/read/?index_2

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :