paliTIPITAKA Volume 2 - Vinaya Pitaka 2

[763] Tena samayena buddho bhagava savatthiyam viharati jetavane anathapindikassa arame . tena kho pana samayena bhagavata bhikkhunam nisidanam anunnatam hoti . chabbaggiya bhikkhu bhagavata nisidanam anunnatanti appamanikani nisidanani dharenti mancassapi pithassapi puratopi pacchatopi olambenti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu appamanikani nisidanani dharessantiti .pe. saccam kira tumhe bhikkhave appamanikani nisidanani dharethati . saccam bhagavati . Vigarahi buddho bhagava katham hi nama tumhe moghapurisa appamanikani nisidanani dharessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {763.1} nisidanam pana bhikkhuna karayamanena pamanikam karetabbam . tatridam pamanam dighaso dve vidatthiyo sugatavidatthiya tiriyam diyaddham. Tam atikkamayato chedanakam pacittiyanti. {763.2} Evancidam bhagavata bhikkhunam sikkhapadam pannattam hoti. [764] Tena kho pana samayena ayasma udayi mahakayo hoti. So bhagavato purato nisidanam pannapetva samantato samanchamano nisidati . athakho bhagava ayasmantam udayim etadavoca

--------------------------------------------------------------------------------------------- page505.

Kissa tvam udayi nisidanam pannapetva samantato samanchasi seyyathapi puranasikotthoti . tatha hi pana bhante bhagavata bhikkhunam atikhuddakam nisidanam anunnatanti . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave nisidanassa dasa ^1- vidatthim evanca pana bhikkhave imam sikkhapadam uddiseyyatha {764.1} nisidanam pana bhikkhuna karayamanena pamanikam karetabbam. Tatridam pamanam dighaso dve vidatthiyo sugatavidatthiya tiriyam diyaddham dasa vidatthi. Tam atikkamayato chedanakam pacittiyanti. [765] Nisidanam nama sadasam vuccati . karayamanenati karonto va karapento va . pamanikam karetabbam . tatridam pamanam dighaso dve vidatthiyo sugatavidatthiya tiriyam diyaddham dasa vidatthi . Tam atikkametva karoti va karapeti va payoge dukkatam patilabhena chinditva pacittiyam desetabbam. [766] Attana vippakatam attana pariyosapeti apatti pacittiyassa . attana vippakatam parehi pariyosapeti apatti pacittiyassa . parehi vippakatam attana pariyosapeti apatti pacittiyassa . parehi vippakatam parehi pariyosapeti apatti pacittiyassa. {766.1} Annassatthaya karoti va karapeti va apatti dukkatassa. Annena katam patilabhitva paribhunjati apatti dukkatassa. @Footnote: ¹ Ma. dasam.

--------------------------------------------------------------------------------------------- page506.

[767] Anapatti pamanikam karoti unakam karoti annena katam pamanatikkantam patilabhitva chinditva paribhunjati vitanam va bhummattharanam va sanipakaram va bhisim va bimbohanam va karoti ummattakassa adikammikassati sattamasikkhapadam nitthitam. ---------

--------------------------------------------------------------------------------------------- page507.

Atthamasikkhapadam

The Pali Tipitaka in Roman Character Volume 2 page 504-507. http://84000.org/tipitaka/pitaka_item/roman_item_s.php?book=2&item=763&items=5&pagebreak=1&modeTY=2&mode=bracket Classified by content :- http://84000.org/tipitaka/pitaka_item/roman_item_s.php?book=2&item=763&items=5&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=763&items=5&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=763&items=5&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=2&i=763 The Pali Atthakatha in Thai :- http://84000.org/tipitaka/atthapali/read_th.php?B=2&A=10249 The Pali Atthakatha in Roman :- http://84000.org/tipitaka/atthapali/read_rm.php?B=2&A=10249 Contents of The Tipitaka Volume 2 http://84000.org/tipitaka/read/?index_2