บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā
[551] 112 Tinimani bhikkhave nidanani kammanam samudayaya katamani tini lobho nidanam kammanam samudayaya doso nidanam kammanam samudayaya moho nidanam kammanam samudayaya . yam bhikkhave lobhapakatam kammam lobhajam lobhanidanam lobhasamudayam tam kammam akusalam tam kammam savajjam tam kammam dukkhavipakam tam kammam kammasamudayaya samvattati na tam kammam kammanirodhaya samvattati . yam bhikkhave dosapakatam kammam dosajam dosanidanam dosasamudayam tam kammam akusalam tam kammam savajjam tam kammam dukkhavipakam tam kammam kammasamudayaya samvattati na tam kammam kammanirodhaya samvattati . yam bhikkhave mohapakatam kammam mohajam mohanidanam mohasamudayam tam kammam akusalam tam kammam savajjam tam kammam dukkhavipakam tam kammam kammasamudayaya samvattati na tam kammam kammanirodhaya samvattati . imani kho bhikkhave tini nidanani kammanam samudayaya. {551.1} Tinimani bhikkhave nidanani kammanam samudayaya katamani tini alobho nidanam kammanam samudayaya adoso nidanam kammanam samudayaya amoho nidanam kammanam samudayaya . yam bhikkhave alobhapakatam kammam alobhajam alobhanidanam alobhasamudayam tam kammam kusalam Tam kammam anavajjam tam kammam sukhavipakam tam kammam kammanirodhaya samvattati na tam kammam kammasamudayaya samvattati . yam bhikkhave adosapakatam kammam adosajam adosanidanam adosasamudayam tam kammam kusalam tam kammam anavajjam tam kammam sukhavipakam tam kammam kammanirodhaya samvattati na tam kammam kammasamudayaya samvattati . yam bhikkhave amohapakatam kammam amohajam amohanidanam amohasamudayam tam kammam kusalam tam kammam anavajjam tam kammam sukhavipakam tam kammam kammanirodhaya samvattati na tam kammam kammasamudayaya samvattati . imani kho bhikkhave tini nidanani kammanam samudayayati. [552] 113 Tinimani bhikkhave nidanani kammanam samudayaya katamani tini atite bhikkhave chandaragatthaniye dhamme arabbha chando jayati anagate bhikkhave chandaragatthaniye dhamme arabbha chando jayati paccuppanne bhikkhave chandaragatthaniye dhamme arabbha chando jayati. {552.1} Kathanca bhikkhave atite chandaragatthaniye dhamme arabbha chando jayati atite bhikkhave chandaragatthaniye dhamme arabbha cetasa anuvitakketi anuvicareti tassa atite chandaragatthaniye dhamme arabbha cetasa anuvitakkayato anuvicarayato chando jayati chandajato tehi dhammehi samyutto hoti etaham 1- bhikkhave sannojanam vadami yo 2- cetaso sarago evam kho bhikkhave atite chandaragatthaniye dhamme arabbha chando jayati. @Footnote: 1 Ma. etamaham. ito param idisameva. 2 Yu. so. ito param idisameva. {552.2} Kathanca bhikkhave anagate chandaragatthaniye dhamme arabbha chando jayati anagate bhikkhave chandaragatthaniye dhamme arabbha cetasa anuvitakketi anuvicareti tassa anagate chandaragatthaniye dhamme arabbha cetasa anuvitakkayato anuvicarayato chando jayati chandajato tehi dhammehi samyutto hoti etaham bhikkhave sannojanam vadami yo cetaso sarago evam kho bhikkhave anagate chandaragatthaniye dhamme arabbha chando jayati. {552.3} Kathanca bhikkhave paccuppanne chandaragatthaniye dhamme arabbha chando jayati paccuppanne bhikkhave chandaragatthaniye dhamme arabbha cetasa anuvitakketi anuvicareti tassa paccuppanne chandaragatthaniye dhamme arabbha cetasa anuvitakkayato anuvicarayato chando jayati chandajato tehi dhammehi samyutto hoti etaham bhikkhave sannojanam vadami yo cetaso sarago evam kho bhikkhave paccuppanne chandaragatthaniye dhamme arabbha chando jayati . imani kho bhikkhave tini nidanani kammanam samudayaya. {552.4} Tinimani bhikkhave nidanani kammanam samudayaya katamani tini atite bhikkhave chandaragatthaniye dhamme arabbha chando na jayati anagate bhikkhave chandaragatthaniye dhamme arabbha chando na jayati paccuppanne bhikkhave chandaragatthaniye dhamme arabbha chando na jayati. {552.5} Kathanca bhikkhave atite chandaragatthaniye dhamme arabbha chando na jayati atitanam bhikkhave chandaragatthaniyanam dhammanam ayatim vipakam pajanati ayatim Vipakam viditva tadabhinivajjeti 1- tadabhinivajjetva 2- cetasa abhivirajetva 3- pannaya ativijjha passati evam kho bhikkhave atite chandaragatthaniye dhamme arabbha chando na jayati. {552.6} Kathanca bhikkhave anagate chandaragatthaniye dhamme arabbha chando na jayati anagatanam bhikkhave chandaragatthaniyanam dhammanam ayatim vipakam pajanati ayatim vipakam viditva tadabhinivajjeti tadabhinivajjetva cetasa abhivirajetva pannaya ativijjha passati evam kho bhikkhave anagate chandaragatthaniye dhamme arabbha chando na jayati. {552.7} Kathanca bhikkhave paccuppanne chandaragatthaniye dhamme arabbha chando na jayati paccuppannanam bhikkhave chandaragatthaniyanam dhammanam ayatim vipakam pajanati ayatim vipakam viditva tadabhinivajjeti tadabhinivajjetva cetasa abhivirajetva pannaya ativijjha passati evam kho bhikkhave paccuppanne chandaragatthaniye dhamme arabbha chando na jayati . Imani kho bhikkhave nidanani kammanam samudayayati. Sambodhivaggo pathamo. Tassuddanam pubbe manusse assado samano ronapancamam atitta dve ca kutani nidana apare duveti. ------------ @Footnote: 1 Ma. tadabhinivatteti. Yu. tadabhinivaddheti . 2 Ma. tadabhinivattetva. @Yu. tadabhinivaddhetva. 3 Ma. abhinivijjhitva.The Pali Tipitaka in Roman Character Volume 20 page 338-341. http://84000.org/tipitaka/pitaka_item/roman_item_s.php?book=20&item=551&items=2&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=20&item=551&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=20&item=551&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=20&item=551&items=2&modeTY=2 Study Atthakatha :- http://84000.org/tipitaka/attha/attha.php?b=20&i=551 The Pali Atthakatha in Thai :- http://84000.org/tipitaka/atthapali/read_th.php?B=15&A=6019 The Pali Atthakatha in Roman :- http://84000.org/tipitaka/atthapali/read_rm.php?B=15&A=6019 Contents of The Tipitaka Volume 20 http://84000.org/tipitaka/read/?index_20
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]