paliTIPITAKA Volume 21 - Sutta Pitaka 13

[168] Athakho ayasma mahamoggallano yenayasma sariputto tenupasankami upasankamitva ayasmata sariputtena saddhim sammodi sammodaniyam katham saraniyam vitisaretva ekamantam nisidi ekamantam nisinno kho ayasma mahamoggallano ayasmantam sariputtam etadavoca catasso ima avuso sariputta patipada katama catasso dukkha patipada dandhabhinna dukkha patipada khippabhinna sukha patipada dandhabhinna sukha patipada khippabhinna ima kho avuso catasso patipada imasam avuso catassannam

--------------------------------------------------------------------------------------------- page209.

Patipadanam katamam te patipadam agamma anupadaya asavehi cittam vimuttanti . catasso ima avuso moggallana patipada katama catasso dukkha patipada dandhabhinna dukkha patipada khippabhinna sukha patipada dandhabhinna sukha patipada khippabhinna ima kho avuso catasso patipada imasam avuso catassannam patipadanam yayam patipada sukha khippabhinna imam me patipadam agamma anupadaya asavehi cittam vimuttanti. [169] Cattarome bhikkhave puggala santo samvijjamana lokasmim katame cattaro idha bhikkhave ekacco puggalo dittheva dhamme sasankharaparinibbayi hoti idha pana bhikkhave ekacco puggalo kayassa bheda sasankharaparinibbayi hoti idha pana bhikkhave ekacco puggalo dittheva dhamme asankharaparinibbayi hoti idha pana bhikkhave ekacco puggalo kayassa bheda asankharaparinibbayi hoti. {169.1} Kathanca bhikkhave puggalo dittheva dhamme sasankharaparinibbayi hoti idha bhikkhave bhikkhu asubhanupassi kaye viharati ahare patikkulasanni sabbaloke anabhiratasanni sabbasankharesu aniccanupassi maranasanna kho panassa ajjhattam supatthita hoti so imani panca sekkhabalani upanissaya viharati saddhabalam hiribalam ottappabalam viriyabalam

--------------------------------------------------------------------------------------------- page210.

Pannabalam tassimani pancindriyani adhimattani patubhavanti saddhindriyam viriyindriyam satindriyam samadhindriyam pannindriyam so imesam pancannam indriyanam adhimattatta dittheva dhamme sasankharaparinibbayi hoti evam kho bhikkhave puggalo dittheva dhamme sasankharaparinibbayi hoti. {169.2} Kathanca bhikkhave puggalo kayassa bheda sasankharaparinibbayi hoti idha bhikkhave bhikkhu asubhanupassi kaye viharati ahare patikkulasanni sabbaloke anabhiratasanni sabbasankharesu aniccanupassi maranasanna kho panassa ajjhattam supatthita hoti so imani panca sekkhabalani upanissaya viharati saddhabalam hiribalam ottappabalam viriyabalam pannabalam tassimani pancindriyani muduni patubhavanti saddhindriyam viriyindriyam satindriyam samadhindriyam pannindriyam so imesam pancannam indriyanam mudutta kayassa bheda sasankharaparinibbayi hoti evam kho bhikkhave puggalo kayassa bheda sasankharaparinibbayi hoti. {169.3} Kathanca bhikkhave puggalo dittheva dhamme asankharaparinibbayi hoti idha bhikkhave bhikkhu vivicceva kamehi .pe. Pathamam jhanam upasampajja viharati vitakkavicaranam vupasama .pe. dutiyam jhanam upasampajja viharati pitiya ca viraga .pe. tatiyam jhanam upasampajja viharati sukhassa ca pahana dukkhassa ca pahana .pe. catuttham jhanam upasampajja viharati so imani panca sekkhabalani upanissaya viharati saddhabalam hiribalam

--------------------------------------------------------------------------------------------- page211.

Ottappabalam viriyabalam pannabalam tassimani pancindriyani adhimattani patubhavanti saddhindriyam viriyindriyam satindriyam samadhindriyam pannindriyam so imesam pancannam indriyanam adhimattatta dittheva dhamme asankharaparinibbayi hoti evam kho bhikkhave puggalo dittheva dhamme asankharaparinibbayi hoti. {169.4} Kathanca bhikkhave puggalo kayassa bheda asankharaparinibbayi hoti idha bhikkhave bhikkhu vivicceva kamehi .pe. Pathamam jhanam upasampajja viharati vitakkavicaranam vupasama .pe. dutiyam jhanam upasampajja viharati pitiya ca viraga .pe. tatiyam jhanam upasampajja viharati sukhassa ca pahana dukkhassa ca pahana .pe. catuttham jhanam upasampajja viharati so imani panca sekkhabalani upanissaya viharati saddhabalam hiribalam ottappabalam viriyabalam pannabalam tassimani pancindriyani muduni patubhavanti saddhindriyam viriyindriyam satindriyam samadhindriyam pannindriyam so imesam pancannam indriyanam mudutta kayassa bheda asankharaparinibbayi hoti evam kho bhikkhave puggalo kayassa bheda asankharaparinibbayi hoti . ime kho bhikkhave cattaro puggala santo samvijjamana lokasminti. [170] Ekam samayam ayasma anando kosambiyam viharati ghositarame . tatra kho ayasma anando bhikkhu amantesi avuso bhikkhavoti . avusoti kho te bhikkhu ayasmato anandassa paccassosum.

--------------------------------------------------------------------------------------------- page212.

Ayasma anando etadavoca yo hi koci avuso bhikkhu va bhikkhuni va mama santike arahattappattim byakaroti sabbaso catuhi maggehi etesam va annatarena katamehi catuhi idhavuso bhikkhu samathapubbangamam vipassanam bhaveti tassa samathapubbangamam vipassanam bhavayato maggo sanjayati so tam maggam asevati bhaveti bahulikaroti tassa tam maggam asevato bhavayato bahulikaroto sannojanani pahiyanti anusaya byantihonti. {170.1} Puna caparam avuso bhikkhu vipassanapubbangamam samatham bhaveti tassa vipassanapubbangamam samatham bhavayato maggo sanjayati so tam maggam asevati bhaveti bahulikaroti tassa tam maggam asevato bhavayato bahulikaroto sannojanani pahiyanti anusaya byantihonti. {170.2} Puna caparam avuso bhikkhu samathavipassanam yuganaddham bhaveti tassa samathavipassanam yuganaddham bhavayato maggo sanjayati so tam maggam asevati bhaveti bahulikaroti tassa tam maggam asevato bhavayato bahulikaroto sannojanani pahiyanti anusaya byantihonti. {170.3} Puna caparam avuso bhikkhuno dhammuddhaccaviggahitam manasam hoti so avuso samayo yantam cittam ajjhattamyeva santitthati sannisidati ekodi hoti samadhiyati tassa maggo sanjayati so tam maggam asevati bhaveti bahulikaroti tassa tam maggam asevato bhavayato bahulikaroto sannojanani pahiyanti anusaya byantihonti . Yo hi koci avuso bhikkhu va bhikkhuni va mama santike arahattappattim

--------------------------------------------------------------------------------------------- page213.

Byakaroti sabbaso imehi catuhi maggehi etesam va annatarenati. Patipadavaggo dutiyo. ^[1]- -----------

The Pali Tipitaka in Roman Character Volume 21 page 208-213. http://84000.org/tipitaka/pitaka_item/roman_item_s.php?book=21&item=168&items=3&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=21&item=168&items=3&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=21&item=168&items=3&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=21&item=168&items=3&pagebreak=1&modeTY=2 Study Atthakatha :- http://84000.org/tipitaka/attha/attha.php?b=21&i=168 The Pali Atthakatha in Thai :- http://84000.org/tipitaka/atthapali/read_th.php?B=15&A=8891 The Pali Atthakatha in Roman :- http://84000.org/tipitaka/atthapali/read_rm.php?B=15&A=8891 Contents of The Tipitaka Volume 21 http://84000.org/tipitaka/read/?index_21