[120] 30 Ekam samayam bhagava bhaggesu viharati sumsumaragire 4-
bhesakalavane migadaye.
{120.1} Tena kho pana samayena ayasma anuruddho cetisu viharati
pacinavamsadaye athakho ayasmato anuruddhassa rahogatassa patisallinassa
evam cetaso parivitakko udapadi appicchassayam dhammo nayam dhammo
mahicchassa santutthassayam dhammo nayam dhammo asantutthassa pavivittassayam
dhammo nayam dhammo sanganikaramassa araddhaviriyassayam dhammo nayam
dhammo kusitassa upatthitassatissayam dhammo nayam dhammo mutthassatissa
samahitassayam dhammo nayam dhammo asamahitassa pannavato ayam dhammo
nayam dhammo duppannassati.
{120.2} Athakho bhagava ayasmato anuruddhassa cetasa
cetoparivitakkamannaya seyyathapi nama balava puriso samminjitam va
baham pasareyya pasaritam va baham samminjeyya evameva bhaggesu
sumsumaragire bhesakalavane migadaye antarahito cetisu pacinavamsadaye
ayasmato anuruddhassa sammukhe paturahosi nisidi bhagava pannatte
asane . Ayasmapi kho anuruddho bhagavantam abhivadetva ekamantam nisidi.
@Footnote: 1 Ma. vihare . 2 Ma. maradheyyaparanuge . 3 Ma. parangata.
@4 Ma. sabbattha susmaragire.
Ekamantam nisinnam kho ayasmantam anuruddham bhagava etadavoca sadhu
sadhu anuruddha sadhu kho tvam anuruddha yantam mahapurisavitakkam vitakkesi
appicchassayam dhammo nayam dhammo mahicchassa santutthassayam dhammo
nayam dhammo asantutthassa pavivittassayam dhammo nayam dhammo
sanganikaramassa araddhaviriyassayam dhammo nayam dhammo kusitassa
upatthitassatissayam dhammo nayam dhammo mutthassatissa samahitassayam
dhammo nayam dhammo asamahitassa pannavato ayam dhammo nayam
dhammo duppannassati tenahi tvam anuruddha imam atthamam mahapurisavitakkam
vitakkehi nippapancaramassayam dhammo nippapancaratino nayam
dhammo papancaramassa papancaratinoti.
{120.3} Yato kho tvam anuruddha ime attha mahapurisavitakke 1-
vitakkessasi tato tvam anuruddha yavadeva akankhissasi vivicceva kamehi
vivicca akusalehi dhammehi savitakkam savicaram vivekajam pitisukham pathamajjhanam
upasampajja viharissasi . yato kho tvam anuruddha ime attha mahapurisavitakke
vitakkessasi tato tvam anuruddha yavadeva akankhissasi vitakkavicaranam
vupasama ajjhattam sampasadanam cetaso ekodibhavam avitakkam avicaram
samadhijam pitisukham dutiyajjhanam upasampajja viharissasi . yato kho tvam
anuruddha ime attha mahapurisavitakke vitakkessasi tato tvam anuruddha
yavadeva akankhissasi pitiya ca viraga upekkhako ca viharissasi sato ca
sampajano sukhanca kayena patisamvedessasi 2- yantam ariya acikkhanti
@Footnote: 1 Si. Yu. satta mahapurisavitakke . 2 Ma. patisamvedissasi.
Upekkhako satima sukhavihariti tatiyajjhanam upasampajja viharissasi .
Yato kho tvam anuruddha ime attha mahapurisavitakke vitakkessasi
tato tvam anuruddha yavadeva akankhissasi sukhassa ca pahana dukkhassa
ca pahana pubbeva somanassadomanassanam atthangama adukkhamasukham
upekkhasatiparisuddhim catutthajjhanam upasampajja viharissasi.
{120.4} Yato kho tvam anuruddha ime ca attha mahapurisavitakke
vitakkessasi imesanca catunnam jhananam abhicetasikanam
ditthadhammasukhaviharanam nikamalabhi bhavissasi akicchalabhi akasiralabhi
tato tuyham anuruddha seyyathapi nama gahapatissa va gahapatiputtassa
va nanarattanam dussanam dussakarandako puro evameva te pamsukulacivaram
khayissati santutthassa viharato ratiya aparitassaya phasuviharaya
okkamanaya nibbanassa.
{120.5} Yato kho tvam anuruddha ime ca attha mahapurisavitakke
vitakkessasi imesanca catunnam jhananam abhicetasikanam
ditthadhammasukhaviharanam nikamalabhi bhavissasi akicchalabhi akasiralabhi
tato tuyham anuruddha seyyathapi nama gahapatissa va gahapatiputtassa
va salinam odano vicitakalako anekasupo anekabyanjano evameva
te pindiyalopabhojanam khayissati santutthassa viharato ratiya
aparitassaya phasuviharaya okkamanaya nibbanassa.
{120.6} Yato kho tvam anuruddha ime ca attha mahapurisavitakke
vitakkessasi imesanca catunnam jhananam abhicetasikanam ditthadhammasukhaviharanam
nikamalabhi bhavissasi akicchalabhi akasiralabhi tato tuyham anuruddha
Seyyathapi nama gahapatissa va gahapatiputtassa va kutagaram
ullittavalittam nivatam phusitaggalam pihitavatapanam evameva te
rukkhamulasenasanam khayissati santutthassa viharato ratiya aparitassaya
phasuviharaya okkamanaya nibbanassa.
{120.7} Yato kho tvam anuruddha ime ca attha mahapurisavitakke
vitakkessasi imesanca catunnam jhananam abhicetasikanam ditthadhamma-
sukhaviharanam nikamalabhi bhavissasi akicchalabhi akasiralabhi
tato tuyham anuruddha seyyathapi nama gahapatissa va gahapatiputtassa va
pallanko gonakatthato patikatthato patalikatthato kadalimigapavarapaccattharano
sauttaracchado ubhatolohitakupadhano evameva te tinasantharakasayanasanam
khayissati santutthassa viharato ratiya aparitassaya phasuviharaya
okkamanaya nibbanassa.
{120.8} Yato kho tvam anuruddha ime ca attha mahapurisavitakke
vitakkessasi imesanca catunnam jhananam abhicetasikanam
ditthadhammasukhaviharanam nikamalabhi bhavissasi akicchalabhi akasiralabhi
tato tuyham anuruddha seyyathapi nama gahapatissa va gahapatiputtassa
va nanabhesajjani seyyathidam sappi navanitam telam madhu phanitam evameva
te putimuttabhesajjam khayissati santutthassa viharato ratiya aparitassaya
phasuviharaya okkamanaya nibbanassa . tenahi tvam anuruddha
ayatikampi vassavasam idheva cetisu pacinavamsadaye vihareyyasiti .
Evam bhanteti kho ayasma anuruddho bhagavato paccassosi.
{120.9} Athakho bhagava ayasmantam anuruddham
imina ovadena ovaditva seyyathapi nama
Balava puriso samminjitam va baham pasareyya pasaritam
va baham samminjeyya evameva cetisu pacinavamsadaye
antarahito bhaggesu sumsumaragire bhesakalavane migadaye
paturahosi nisidi bhagava pannatte asane nisajja kho
bhagava bhikkhu amantesi attha vo bhikkhave mahapurisavitakke
desissami tam sunatha .pe. katame ca bhikkhave attha mahapurisavitakka
appicchassayam bhikkhave dhammo nayam dhammo mahicchassa santutthassa
bhikkhave dhammo nayam dhammo asantutthassa pavivittassayam bhikkhave
dhammo nayam dhammo sanganikaramassa araddhaviriyassayam
bhikkhave dhammo nayam dhammo kusitassa upatthitassatissayam
bhikkhave dhammo nayam dhammo mutthassatissa samahitassayam
bhikkhave dhammo nayam dhammo asamahitassa pannavato ayam bhikkhave
dhammo nayam dhammo duppannassa nippapancaramassayam bhikkhave
dhammo nippapancaratino nayam dhammo papancaramassa papancaratino.
Appicchassayam bhikkhave dhammo nayam dhammo mahicchassati iti
kho panetam vuttam kincetam paticca vuttam idha bhikkhave bhikkhu
appiccho samano appicchoti mam janeyyunti na icchati santuttho
samano santutthoti mam janeyyunti na icchati pavivitto samano
pavivittoti mam janeyyunti na icchati araddhaviriyo samano
araddhaviriyoti mam janeyyunti na icchati upatthitassati samano
upatthitassatiti mam janeyyunti na icchati samahito samano
Samahitoti mam janeyyunti na icchati pannava samano pannavati
mam janeyyunti na icchati nippapancaramo samano nippapancaramoti
mam janeyyunti na icchati appicchassayam bhikkhave dhammo nayam dhammo
mahicchassati iti yantam vuttam idametam paticca vuttam.
{120.10} Santutthassayam bhikkhave dhammo nayam dhammo
asantutthassati iti kho panetam vuttam kincetam paticca vuttam idha bhikkhave
bhikkhu santuttho hoti itaritaracivarapindapatasenasanagilanapaccaya-
bhesajjaparikkharena santutthassayam bhikkhave dhammo nayam dhammo
asantutthassati iti yantam vuttam idametam paticca vuttam.
{120.11} Pavivittassayam bhikkhave dhammo nayam dhammo
sanganikaramassati iti kho panetam vuttam kincetam paticca vuttam
idha bhikkhave bhikkhuno pavivittassa viharato bhavanti upasankamitaro bhikkhu
bhikkhuniyo upasaka upasikayo rajano rajamahamatta titthiya
titthiyasavaka tatra bhikkhu vivekaninnena cittena vivekaponena
vivekapabbharena vivekatthena nekkhammabhiratena annadatthu
uyyojanikapatisamyuttamyeva katham katta hoti pavivittassayam bhikkhave
dhammo nayam dhammo sanganikaramassati iti yantam vuttam idametam
paticca vuttam.
{120.12} Araddhaviriyassayam bhikkhave dhammo nayam dhammo
kusitassati iti kho panetam vuttam kincetam paticca vuttam idha bhikkhave bhikkhu
araddhaviriyo viharati akusalanam dhammanam pahanaya kusalanam dhammanam
Upasampadaya thamava dalhaparakkamo anikkhittadhuro kusalesu dhammesu
araddhaviriyassayam bhikkhave dhammo nayam dhammo kusitassati iti yantam
vuttam idametam paticca vuttam.
{120.13} Upatthitassatissayam bhikkhave dhammo nayam dhammo
mutthassatissati iti kho panetam vuttam kincetam paticca vuttam idha bhikkhave
bhikkhu satima hoti paramena satinepakkena samannagato cirakatampi
cirabhasitampi sarita anussarita upatthitassatissayam bhikkhave dhammo
nayam dhammo mutthassatissati iti yantam vuttam idametam paticca vuttam.
{120.14} Samahitassayam bhikkhave dhammo nayam dhammo asamahitassati
iti kho panetam vuttam kincetam paticca vuttam idha bhikkhave bhikkhu vivicceva
kamehi .pe. catutthajjhanam upasampajja viharati samahitassayam
bhikkhave dhammo nayam dhammo asamahitassati iti yantam vuttam idametam
paticca vuttam.
{120.15} Pannavato ayam bhikkhave dhammo nayam dhammo
duppannassati iti kho panetam vuttam kincetam paticca vuttam idha
bhikkhave bhikkhu pannava hoti udayatthagaminiya pannaya
samannagato ariyaya nibbedhikaya sammadukkhakkhayagaminiya
pannavato ayam bhikkhave dhammo nayam dhammo duppannassati iti
yantam vuttam idametam paticca vuttam.
{120.16} Nippapancaramassayam bhikkhave dhammo nippapancaratino
nayam dhammo papancaramassa papancaratinoti iti kho panetam vuttam
Kincetam paticca vuttam idha bhikkhave bhikkhuno papancanirodhe cittam
pakkhandati pasidati santitthati vimuccati nippapancaramassayam
bhikkhave dhammo nippapancaratino nayam dhammo papancaramassa
papancaratinoti iti yantam vuttam idametam paticca vuttanti.
{120.17} Athakho ayasma anuruddho ayatikampi vassavasam tattheva
cetisu pacinavamsadaye vihasi athakho ayasma anuruddho eko vupakattho
appamatto atapi pahitatto viharanto na cirasseva yassatthaya
kulaputta sammadeva agarasma anagariyam pabbajanti tadanuttaram
brahmacariyapariyosanam dittheva dhamme sayam abhinna sacchikatva
upasampajja vihasi khina jati vusitam brahmacariyam katam karaniyam naparam
itthattayati abbhannasi annataro ca panayasma anuruddho
arahatam ahosi 1- athakho ayasma anuruddho arahattappatto tayam
velayam ima gathayo abhasi.
Mama sankappamannaya sattha loke anuttaro
manomayena kayena iddhiya upasankami
yatha me ahu sankappo tato uttari desayi
nippapancarato buddho nippapancam adesayi
tassaham dhammamannaya vihasim sasane rato
tisso vijja anuppatta katam buddhassa sasananti.
Gahapativaggo tatiyo.
@Footnote: 1 Ma. ahositi.
Tassuddanam bhavati 1-
dve ugga dve ca hatthaka mahanamena jivako
dve bala akkhana vutta anuruddhena te dasati.
-------------
The Pali Tipitaka in Roman Character Volume 23 page 232-240.
http://84000.org/tipitaka/pitaka_item/roman_item_s.php?book=23&item=120&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=23&item=120&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=23&item=120&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=23&item=120&items=1&modeTY=2
Study Atthakatha :-
http://84000.org/tipitaka/attha/attha.php?b=23&i=120
The Pali Atthakatha in Thai :-
http://84000.org/tipitaka/atthapali/read_th.php?B=16&A=5591
The Pali Atthakatha in Roman :-
http://84000.org/tipitaka/atthapali/read_rm.php?B=16&A=5591
Contents of The Tipitaka Volume 23
http://84000.org/tipitaka/read/?index_23
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
