paliTIPITAKA Volume 23 - Sutta Pitaka 15

[40] Ekam samayam bhagava kosambiyam viharati ghositarame. Athakho ayasma anando pubbanhasamayam nivasetva pattacivaramadaya kosambim pindaya pavisi . athakho ayasmato anandassa etadahosi atippago kho tava kosambiyam pindaya caritum yannunaham yena annatitthiyanam paribbajakanam aramo tenupasankameyyanti . athakho ayasma anando yena annatitthiyanam paribbajakanam aramo @Footnote: ¹ Ma. cepi. Tenupasankami upasankamitva tehi annatitthiyehi paribbajakehi saddhim sammodi sammodaniyam katham saraniyam vitisaretva ekamantam nisidi . tena kho pana samayena tesam annatitthiyanam paribbajakanam sannisinnanam sannipatitanam ayamantarakatha udapadi yo hi koci avuso dvadasa vassani paripunnam parisuddham brahmacariyam carati niddaso bhikkhuti alam vacanayati. {40.1} Athakho ayasma anando tesam annatitthiyanam paribbajakanam bhasitam neva abhinandi nappatikkosi anabhinanditva appatikkositva utthayasana pakkami bhagavato santike etassa bhasitassa attham ajanissamiti athakho ayasma anando kosambiyam pindaya caritva pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca {40.2} idhaham bhante pubbanhasamayam nivasetva pattacivaramadaya kosambim pindaya pavisim tassa mayham bhante etadahosi atippago kho tava kosambiyam pindaya caritum yannunaham yena annatitthiyanam paribbajakanam aramo tenupasankameyyanti athakhvaham bhante yena annatitthiyanam paribbajakanam aramo tenupasankamim upasankamitva tehi annatitthiyehi paribbajakehi saddhim sammodim sammodaniyam katham saraniyam vitisaretva ekamantam nisidim tena kho pana bhante samayena tesam annatitthiyanam paribbajakanam Sannisinnanam sannipatitanam ayamantarakatha udapadi yo hi koci avuso dvadasa vassani paripunnam parisuddham brahmacariyam carati niddaso bhikkhuti alam vacanayati athakhvaham bhante tesam annatitthiyanam paribbajakanam bhasitam neva abhinandim nappatikkosim anabhinanditva appakositva utthayasana pakkamim bhagavato santike etassa bhasitassa attham ajanissamiti sakka nu kho bhante imasmim dhammavinaye kevalam vassagananamattena niddaso bhikkhu pannapetunti. {40.3} Na kho ananda sakka imasmim dhammavinaye kevalam vassagananamattena niddaso bhikkhu pannapetum satta kho imani ananda niddasavatthuni maya sayam abhinna sacchikatva paveditani {40.4} katamani satta idhananda bhikkhu saddho hoti hirima hoti ottappi hoti bahussuto hoti araddhaviriyo hoti satima hoti pannava hoti imani kho ananda satta niddasavatthuni maya sayam abhinna sacchikatva paveditani imehi kho ananda sattahi niddasavatthuhi samannagato bhikkhu dvadasa cepi vassani paripunnam parisuddham brahmacariyam carati niddaso bhikkhuti alam vacanaya catuvisati cepi vassani paripunnam parisuddham brahmacariyam carati niddaso bhikkhuti alam vacanaya chattimsati cepi vassani paripunnam parisuddham brahmacariyam carati niddaso bhikkhuti alam vacanaya atthacattalisancepi vassani paripunnam parisuddham brahmacariyam carati Niddaso bhikkhuti alam vacanayati. Devatavaggo catuttho. Tassuddanam appamado hirima ^1- ca dve suvaca duve sakha ^2- dvepatisambhida dve vasa niddasavatthupare dveti ^3-. ---------------

The Pali Tipitaka in Roman Character Volume 23 page 38-41. http://84000.org/tipitaka/pitaka_item/roman_item_s.php?book=23&item=40&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=23&item=40&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=40&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=40&items=1&modeTY=2 Study Atthakatha :- http://84000.org/tipitaka/attha/attha.php?b=23&i=40 Contents of The Tipitaka Volume 23 http://84000.org/tipitaka/read/?index_23