paliTIPITAKA Volume 23 - Sutta Pitaka 15

[48] Sannogavisannogam vo bhikkhave dhammapariyayam desessami tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . bhagava etadavoca katamo ca bhikkhave sannogavisannogo ^2- dhammapariyayo {48.1} itthi bhikkhave ajjhattam itthindriyam manasikaroti itthikuttam itthakappam itthividham itthicchandam itthissaram itthalankaram sa tattha rajjati tatrabhiramati sa tattha ratta tatrabhirata bahiddha purisindriyam manasikaroti purisakuttam purisakappam purisavidham purisacchandam purisassaram purisalankaram sa tattha rajjati tatrabhiramati sa tattha ratta tatrabhirata bahiddha sannogam akankhati yancassa sannogapaccaya uppajjati sukham @Footnote: ¹ Ma. abhisambuddhoti. evamuparipi . ² Ma. samyogo visamyogo. evamuparipi. Somanassam tanca akankhati itthatte bhikkhave abhirata satta purisesu sannogam gata evam kho bhikkhave itthi itthattam nativattati. {48.2} Puriso bhikkhave ajjhattam purisindriyam manasikaroti purisakuttam purisakappam purisavidham purisacchandam purisassaram purisalankaram so tattha rajjati tatrabhiramati so tattha ratto tatrabhirato bahiddha itthindriyam manasikaroti itthikuttam itthakappam itthividham itthicchandam itthissaram itthalankaram so tattha rajjati tatrabhiramati so tattha ratto tatrabhirato bahiddha sannogam akankhati yancassa sannogapaccaya uppajjati sukham somanassam tanca akankhati purisatte bhikkhave abhirata satta itthisu sannogam gata evam kho bhikkhave puriso purisattam nativattati. Evam kho bhikkhave sannogo hoti. {48.3} Kathanca bhikkhave visannogo hoti itthi bhikkhave ajjhattam itthindriyam na manasikaroti itthikuttam itthakappam itthividham itthicchandam itthissaram itthalankaram sa tattha na rajjati tatra nabhiramati sa tattha aratta tatra anabhirata bahiddha purisindriyam na manasikaroti purisakuttam purisakappam purisavidham purisacchandam purisassaram purisalankaram sa tattha na rajjati tatra nabhiramati sa tattha aratta tatra anabhirata bahiddha sannogam nakankhati yancassa sannogapaccaya uppajjati sukham somanassam tanca nakankhati itthatte kho bhikkhave anabhirata satta purisesu visannogam gata evam kho bhikkhave itthi Itthattam ativattati. {48.4} Puriso bhikkhave ajjhattam purisindriyam na manasikaroti purisakuttam purisakappam purisavidham purisacchandam purisassaram purisalankaram so tattha na rajjati tatra nabhiramati so tattha aratto tatra anabhirato bahiddha itthindriyam na manasikaroti itthikuttam itthakappam itthividham itthicchandam itthissaram itthalankaram so tattha na rajjati tatra nabhiramati so tattha aratto tatra anabhirato bahiddha sannogam nakankhati yancassa sannogapaccaya uppajjati sukham somanassam tanca nakankhati purisatte bhikkhave anabhirata satta itthisu visannogam gata evam kho bhikkhave puriso purisattam ativattati . Evam kho bhikkhave visannogo hoti. Ayam kho bhikkhave sannogavisannogo dhammapariyayoti.

The Pali Tipitaka in Roman Character Volume 23 page 58-60. http://84000.org/tipitaka/pitaka_item/roman_item_s.php?book=23&item=48&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=23&item=48&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=48&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=48&items=1&modeTY=2 Study Atthakatha :- http://84000.org/tipitaka/attha/attha.php?b=23&i=48 The Pali Atthakatha in Thai :- http://84000.org/tipitaka/atthapali/read_th.php?B=16&A=4131 The Pali Atthakatha in Roman :- http://84000.org/tipitaka/atthapali/read_rm.php?B=16&A=4131 Contents of The Tipitaka Volume 23 http://84000.org/tipitaka/read/?index_23