paliTIPITAKA Volume 24 - Sutta Pitaka 16

page355.

Dutiyavaggo dutiyo [218] ¹¹ Ekam samayam bhagava sakkesu viharati kapilavatthusmim nigrodharame . tena kho pana samayena sambahula bhikkhu bhagavato civarakammam karonti nitthitacivaro bhagava temasaccayena carikam pakkamissatiti . assosi kho mahanamo sakko sambahula kira bhikkhu bhagavato civarakammam karonti nitthitacivaro bhagava temasaccayena carikam pakkamissatiti athakho mahanamo sakko yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho mahanamo sakko bhagavantam etadavoca sutametam bhante sambahula kira bhikkhu bhagavato civarakammam karonti nitthitacivaro bhagava temasaccayena carikam pakkamissatiti tesam no bhante nanaviharehi viharatam kena viharena vihatabbanti. {218.1} Sadhu sadhu mahanama etam kho mahanama tumhakam patirupam kulaputtanam yam tumhe tathagatam upasankamitva puccheyyatha tesam no bhante nanaviharehi viharatam kena viharena vihatabbanti saddho kho mahanama aradhako hoti no asaddho araddhaviriyo aradhako hoti no kusito upatthitasati aradhako hoti no mutthassati samahito aradhako hoti no asamahito pannava aradhako hoti no duppanno imesu kho tvam mahanama pancasu dhammesu patitthaya cha dhamme uttarim bhaveyyasi idha tvam mahanama tathagatam anussareyyasi itipi so

--------------------------------------------------------------------------------------------- page356.

Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati yasmim mahanama samaye ariyasavako tathagatam anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti tathagatam arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati ayam vuccati mahanama ariyasavako visamagataya pajaya samappatto viharati sabyapajjhaya pajaya abyapajjho viharati dhammasotasamapanno buddhanussatim bhaveti. Puna caparam tvam mahanama dhammam anussareyyasi svakkhato bhagavata dhammo sanditthiko akaliko ehipassiko opanayiko ^1- paccattam veditabbo vinnuhiti yasmim mahanama samaye ariyasavako dhammam anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti dhammam arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati @Footnote: ¹ Ma. opaneyyiko.

--------------------------------------------------------------------------------------------- page357.

Ayam vuccati mahanama ariyasavako visamagataya pajaya samappatto viharati sabyapajjhaya pajaya abyapajjho viharati dhammasotasamapanno dhammanussatim bhaveti. {218.2} Puna caparam tvam mahanama sangham anussareyyasi supatipanno bhagavato savakasangho ujupatipanno bhagavato savakasangho nayapatipanno bhagavato savakasangho samicipatipanno bhagavato savakasangho yadidam cattari purisayugani attha purisapuggala esa bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassati yasmim mahanama samaye ariyasavako sangham anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti sangham arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati ayam vuccati mahanama ariyasavako visamagataya pajaya samappatto viharati sabyapajjhaya pajaya abyapajjho viharati dhammasotasamapanno sanghanussatim bhaveti. {218.3} Puna caparam tvam mahanama attano silani anussareyyasi akhandani acchiddani asabalani akammasani bhujissani vinnupasatthani aparamatthani samadhisamvattanikaniti ^1- yasmim mahanama samaye ariyasavako silam anussarati @Footnote: ¹ Ma. itisaddo natthi.

--------------------------------------------------------------------------------------------- page358.

Nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti silam arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati ayam vuccati mahanama ariyasavako visamagataya pajaya samappatto viharati sabyapajjhaya pajaya abyapajjho viharati dhammasotasamapanno silanussatim bhaveti. {218.4} Puna caparam tvam mahanama attano cagam anussareyyasi labha vata me suladdham vata me yoham maccheramalapariyutthitaya pajaya vigatamalamaccherena cetasa agaram ajjhavasami muttacago payatapani ^1- vossaggarato yacayogo danasamvibhagaratoti yasmim mahanama samaye ariyasavako cagam anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti cagam arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati ayam vuccati mahanama ariyasavako visamagataya pajaya samappatto viharati sabyapajjhaya pajaya abyapajjho viharati dhammasotasamapanno @Footnote: ¹ Po. Ma. payatapani.

--------------------------------------------------------------------------------------------- page359.

Caganussatim bhaveti. {218.5} Puna caparam tvam mahanama devata anussareyyasi santi deva catummaharajika santi deva tavatimsa santi deva yama santi deva tusita santi deva nimmanaratino santi deva paranimmitavasavattino santi deva brahmakayika santi deva taduttari ^1- yatharupaya saddhaya samannagata ta devata ito cuta tattha uppanna ^2- mayhampi tatharupa saddha samvijjati yatharupena silena samannagata ta devata ito cuta tattha uppanna mayhampi tatharupam silam samvijjati yatharupena sutena samannagata ta devata ito cuta tattha uppanna mayhampi tatharupam sutam samvijjati yatharupena cagena samannagata ta devata ito cuta tattha uppanna mayhampi tatharupo cago samvijjati yatharupaya pannaya samannagata ta devata ito cuta tattha uppanna mayhampi tatharupa panna samvijjatiti yasmim mahanama samaye ariyasavako attano ca tasanca devatanam saddhanca silanca sutanca caganca pannanca anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti devata arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati @Footnote: ¹ Po. Ma. Yu. tatuttari. ² Po. Yu. upapanna. Ma. tatthupapanna. sabbattha @evam natabbam.

--------------------------------------------------------------------------------------------- page360.

Ayam vuccati mahanama ariyasavako visamagataya pajaya samappatto viharati sabyapajjhaya pajaya abyapajjho viharati dhammasotasamapanno devatanussatim bhavetiti.

The Pali Tipitaka in Roman Character Volume 24 page 355-360. http://84000.org/tipitaka/pitaka_item/roman_item_s.php?book=24&item=218&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=24&item=218&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=218&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=218&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=24&i=218 The Pali Atthakatha in Thai :- http://84000.org/tipitaka/atthapali/read_th.php?B=16&A=8597 The Pali Atthakatha in Roman :- http://84000.org/tipitaka/atthapali/read_rm.php?B=16&A=8597 Contents of The Tipitaka Volume 24 http://84000.org/tipitaka/read/?index_24