paliTIPITAKA Volume 24 - Sutta Pitaka 16

[35] Sanghabhedo sanghabhedoti bhante vuccati kittavata nu kho bhante sangho bhinno hotiti . idhupali bhikkhu adhammam dhammoti dipenti dhammam adhammoti dipenti avinayam vinayoti dipenti vinayam avinayoti dipenti abhasitam alapitam tathagatena bhasitam lapitam tathagatenati dipenti bhasitam lapitam tathagatena abhasitam alapitam tathagatenati dipenti anacinnam tathagatena acinnam tathagatenati dipenti acinnam tathagatena anacinnam tathagatenati dipenti appannattam tathagatena pannattam tathagatenati @Footnote: ¹ Ma. samanerotiadini padani na pakatani honti . ² Ma. adhisile adhicitte @adhipannaya samadapetum . ³ Ma. nissayo databboti. Ma. samanerasuttam puna araddham @hoti. Dipenti pannattam tathagatena appannattam tathagatenati dipenti te imehi dasahi vatthuhi avakassanti pavakassanti ^1- avenikakammani ^2- karonti avenikapatimokkham uddissanti ettavata kho upali sangho bhinno hotiti. [36] Sanghasamaggi sanghasamaggiti bhante vuccati kittavata nu kho bhante sangho samaggo hotiti . idhupali bhikkhu adhammam adhammoti dipenti dhammam dhammoti dipenti avinayam avinayoti dipenti vinayam vinayoti dipenti abhasitam alapitam tathagatena abhasitam alapitam tathagatenati dipenti bhasitam lapitam tathagatena bhasitam lapitam tathagatenati dipenti anacinnam tathagatena anacinnam tathagatenati dipenti acinnam tathagatena acinnam tathagatenati dipenti appannattam tathagatena appannattam tathagatenati dipenti pannattam tathagatena pannattam tathagatenati dipenti te imehi dasahi vatthuhi na avakassanti na pavakassanti na avenikakammani karonti na avenikapatimokkham uddissanti ettavata kho upali sangho samaggo hotiti.

The Pali Tipitaka in Roman Character Volume 24 page 77-78. http://84000.org/tipitaka/pitaka_item/roman_item_s.php?book=24&item=35&items=2&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=24&item=35&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=35&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=35&items=2&modeTY=2 Study Atthakatha :- http://84000.org/tipitaka/attha/attha.php?b=24&i=35 The Pali Atthakatha in Thai :- http://84000.org/tipitaka/atthapali/read_th.php?B=16&A=7764 The Pali Atthakatha in Roman :- http://84000.org/tipitaka/atthapali/read_rm.php?B=16&A=7764 Contents of The Tipitaka Volume 24 http://84000.org/tipitaka/read/?index_24