บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā
[54] No ce bhikkhave bhikkhu paracittapariyayakusalo hoti atha sacittapariyayakusala bhavissamati evanhi vo bhikkhave sikkhitabbam kathanca bhikkhave bhikkhu sacittapariyayakusalo hoti seyyathapi bhikkhave itthi va puriso va daharo yuva mandanakajatiko adase va parisuddhe pariyodate acche va udakapatte sakam mukhanimittam paccavekkhamano sace tattha passati rajam va anganam va tasseva rajassa va anganassa va pahanaya vayamati no ce tassa passati rajam va anganam va tenevattamano hoti paripunnasankappo labha vata me parisuddham vata meti evameva kho bhikkhave bhikkhuno paccavekkhana bahukara Hoti kusalesu dhammesu labhi nu khomhi ajjhattam cetosamathassa na nu khomhi labhi ajjhattam cetosamathassa labhi nu khomhi adhipannadhammavipassanaya na nu khomhi labhi adhipannadhammavipassanayati sace bhikkhave bhikkhu paccavekkhamano evam janati labhimhi ajjhattam cetosamathassa na labhi adhipannadhammavipassanayati tena bhikkhuna ajjhattam cetosamathe patitthaya adhipannadhammavipassanaya yogo karaniyo. {54.1} So aparena samayena labhi ceva hoti ajjhattam cetosamathassa labhi ca adhipannadhammavipassanaya sace pana bhikkhave bhikkhu paccavekkhamano evam janati labhimhi adhipannadhammavipassanaya na labhi ajjhattam cetosamathassati tena bhikkhave bhikkhuna adhipannadhammavipassanaya patitthaya ajjhattam cetosamathe yogo karaniyo. {54.2} So aparena samayena labhi ceva hoti adhipannadhammavipassanaya labhi ca ajjhattam cetosamathassa sace pana bhikkhave bhikkhu paccavekkhamano evam janati na labhi ajjhattam cetosamathassa na labhi adhipannadhammavipassanayati tena bhikkhave bhikkhuna tesamyeva kusalanam dhammanam patilabhaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam seyyathapi bhikkhave adittacelo va adittasiso va tasseva celassa va sisassa va nibbapanaya adhimattam chandanca vayamanca ussahanca ussolhinca appativaninca satinca sampajannanca kareyya evameva kho bhikkhave Tena bhikkhuna tesamyeva kusalanam patilabhaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam . so aparena samayena labhi ceva hoti ajjhattam cetosamathassa labhi ca adhipannadhammavipassanaya sace pana bhikkhave bhikkhu paccavekkhamano evam janati labhimhi ajjhattam cetosamathassa labhi adhipannadhammavipassanayati tena bhikkhave bhikkhuna tesuyeva kusalesu dhammesu patitthaya uttarim asavanam khayaya yogo karaniyo. {54.3} Civarampaham 1- bhikkhave duvidhena vadami sevitabbampi asevitabbampi pindapatampaham bhikkhave duvidhena vadami sevitabbampi asevitabbampi senasanampaham bhikkhave duvidhena vadami sevitabbampi asevitabbampi gamanigamampaham bhikkhave duvidhena vadami sevitabbampi asevitabbampi janapadapadesampaham bhikkhave duvidhena vadami sevitabbampi asevitabbampi puggalampaham bhikkhave duvidhena vadami sevitabbampi asevitabbampi. {54.4} Civarampaham bhikkhave duvidhena vadami sevitabbampi asevitabbampiti iti kho panetam vuttam kincetam paticca vuttam tattha yam janna civaram idam kho me civaram sevato akusala dhamma abhivaddhanti kusala dhamma parihayantiti evarupam civaram na sevitabbam tattha yam janna civaram idam kho me civaram sevato akusala dhamma parihayanti kusala dhamma abhivaddhantiti evarupam civaram sevitabbam civarampaham bhikkhave duvidhena vadami sevitabbampi asevitabbampiti iti @Footnote: 1 Ma. civarampaham. aparampi evam natabbam. Yantam vuttam idametam paticca vuttam. {54.5} Pindapatampaham bhikkhave duvidhena vadami sevitabbampi asevitabbampiti iti kho panetam vuttam kincetam paticca vuttam tattha yam janna pindapatam idam 1- kho me pindapatam sevato akusala dhamma abhivaddhanti kusala dhamma parihayantiti evarupo pindapato na sevitabbo tattha yam janna pindapatam idam kho me pindapatam sevato akusala dhamma parihayanti kusala dhamma abhivaddhantiti evarupo pindapato sevitabbo pindapatampaham bhikkhave duvidhena vadami sevitabbampi asevitabbampiti iti yantam vuttam idametam paticca vuttam. {54.6} Senasanampaham bhikkhave duvidhena vadami sevitabbampi asevitabbampiti iti kho panetam vuttam kincetam paticca vuttam tattha yam janna senasanam idam kho me senasanam sevato akusala dhamma abhivaddhanti kusala dhamma parihayantiti evarupam senasanam na sevitabbam tattha yam janna senasanam idam kho me senasanam sevato akusala dhamma parihayanti kusala dhamma abhivaddhantiti evarupam senasanam sevitabbam senasanampaham bhikkhave duvidhena vadami sevitabbampi asevitabbampiti iti yantam vuttam idametam paticca vuttam. {54.7} Gamanigamampaham bhikkhave duvidhena vadami sevitabbampi asevitabbampiti iti kho panetam vuttam kincetam paticca vuttam tattha yam janna gamanigamam idam kho me gamanigamam sevato akusala dhamma abhivaddhanti kusala dhamma @Footnote: 1 Po. Ma. Yu. imam. ito param evam natabbam. Parihayantiti evarupo gamanigamo na sevitabbo tattha yam janna gamanigamam idam kho me gamanigamam sevato akusala dhamma parihayanti kusala dhamma abhivaddhantiti evarupo gamanigamo sevitabbo gamanigamampaham bhikkhave duvidhena vadami sevitabbampi asevitabbampiti iti yantam vuttam idametam paticca vuttam. {54.8} Janapadapadesampaham bhikkhave duvidhena vadami sevitabbampi asevitabbampiti iti kho panetam vuttam kincetam paticca vuttam tattha yam janna janapadapadesam idam kho me janapadapadesam sevato akusala dhamma abhivaddhanti kusala dhamma parihayantiti evarupo janapadapadeso na sevitabbo tattha yam janna janapadapadesam idam kho me janapadapadesam sevato akusala dhamma parihayanti kusala dhamma abhivaddhantiti evarupo janapadapadeso sevitabbo janapadapadesampaham bhikkhave duvidhena vadami sevitabbampi asevitabbampiti iti yantam vuttam idametam paticca vuttam. {54.9} Puggalampaham bhikkhave duvidhena vadami sevitabbampi asevitabbampiti iti kho panetam vuttam kincetam paticca vuttam tattha yam janna puggalam idam kho me puggalam sevato akusala dhamma abhivaddhanti kusala dhamma parihayantiti evarupo puggalo na sevitabbo tattha yam janna puggalam idam kho me puggalam sevato akusala dhamma parihayanti kusala dhamma abhivaddhantiti evarupo puggalo Sevitabbo puggalampaham bhikkhave duvidhena vadami sevitabbampi asevitabbampiti iti yantam vuttam idametam paticca vuttanti.The Pali Tipitaka in Roman Character Volume 24 page 104-109. http://84000.org/tipitaka/pitaka_item/roman_item_s.php?book=24&item=54&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=24&item=54&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=54&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=54&items=1&modeTY=2 Study Atthakatha :- http://84000.org/tipitaka/attha/attha.php?b=24&i=54 Contents of The Tipitaka Volume 24 http://84000.org/tipitaka/read/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]