paliTIPITAKA Volume 24 - Sutta Pitaka 16

[82] Athakho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam anandam bhagava etadavoca so vatananda bhikkhu assaddho samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu dussilo samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu appassuto samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu dubbaco samano imasmim dhammavinaye vuddhim virulhim vepullam @Footnote: ¹ Po. ... thati. Ma. paccuggamma thitam. Apajjissatiti netam thanam vijjati so vatananda bhikkhu papamitto samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu kusito samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu mutthassati samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu asantuttho samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu papiccho samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu micchaditthiko samano imasmim dhammavinaye vuddhim virulhim vepullam apajjissatiti netam thanam vijjati so vatananda bhikkhu imehi kho ^1- dasahi dhammehi samannagato imasmim dhammavinaye vuddhim virulhim vepullam apajjissatiti netam thanam vijjati. {82.1} So vatananda bhikkhu saddho samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu silava samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu bahussuto sutadharo samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu suvaco samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu kalyanamitto samano imasmim @Footnote: ¹ Ma. khosaddo natthi. Dhammavinaye vuddhim virulhim vepullam apajjissatiti thanametam vijjati so vatananda bhikkhu araddhaviriyo samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu upatthitasati samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu santuttho samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu appiccho samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu sammaditthiko samano imasmim dhammavinaye vuddhim virulhim vepullam apajjissatiti thanametam vijjati so vatananda bhikkhu imehi kho ^1- dasahi dhammehi samannagato imasmim dhammavinaye vuddhim virulhim vepullam apajjissatiti thanametam vijjati ^2-. [83] Athakho ayasma punniyo yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma punniyo bhagavantam etadavoca ko nu kho bhante hetu ko paccayo yena appekada tathagatam dhammadesana patibhati appekada na patibhatiti. {83.1} Saddho ca punniya bhikkhu hoti no ca upasankamita neva tava tathagatam dhammadesana patibhati yato ca kho punniya bhikkhu saddho ca hoti upasankamita ca evam @Footnote: ¹ Po. Ma. Yu. khosaddo natthi . ² Ma. Yu. vijjatiti. Tathagatam dhammadesana patibhati saddho ca punniya bhikkhu hoti upasankamita ca no ca payirupasita ... payirupasita ca no ca paripucchita ... paripucchita ca no ca ohitasoto dhammam sunati ... Ohitasoto ca dhammam sunati no ca sutva dhammam dhareti ... Sutva ca dhammam dhareti no ca dhatanam ^1- dhammanam attham upaparikkhati ... Dhatananca ^1- dhammanam attham upaparikkhati no ca atthamannaya dhammamannaya dhammanudhammapatipanno hoti ... atthamannaya dhammamannaya dhammanudhammapatipanno hoti no ca kalyanavaco hoti kalyanavakkarano poriya vacaya samannagato vissatthaya anelagalaya atthassa vinnapaniya kalyanavaco ca hoti kalyanavakkarano poriya vacaya samannagato vissatthaya anelagalaya atthassa vinnapaniya no ca sandassako hoti samadapako samuttejako sampahamsako sabrahmacarinam neva tava tathagatam dhammadesana patibhati. {83.2} Yato ca kho punniya bhikkhu saddho ca hoti upasankamita ca payirupasita ca paripucchita ca ohitasoto ca dhammam sunati sutva ca dhammam dhareti dhatananca ^1- dhammanam attham upaparikkhati atthamannaya dhammamannaya dhammanudhammapatipanno hoti kalyanavaco ca hoti kalyanavakkarano poriya vacaya samannagato vissatthaya anelagalaya atthassa vinnapaniya sandassako ca hoti samadapako samuttejako sampahamsako sabrahmacarinam evam tathagatam dhammadesana patibhati imehi kho @Footnote: ¹ Ma. dhatanam. Punniya dasahi dhammehi samannagata ekantam ^1- tathagatam dhammadesana patibhatiti.

The Pali Tipitaka in Roman Character Volume 24 page 162-166. http://84000.org/tipitaka/pitaka_item/roman_item_s.php?book=24&item=82&items=2&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=24&item=82&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=82&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=82&items=2&modeTY=2 Study Atthakatha :- http://84000.org/tipitaka/attha/attha.php?b=24&i=82 Contents of The Tipitaka Volume 24 http://84000.org/tipitaka/read/?index_24