paliTIPITAKA Volume 25 - Sutta Pitaka 17

[169] ⁶ Evamme sutam. Ekam samayam bhagava magadhesu carikancaramano mahata bhikkhusanghena saddhim yena pataligamo tadavasari . assosum kho pataligamiya upasaka bhagava kira magadhesu carikancaramano mahata bhikkhusanghena saddhim pataligamam anuppattoti . atha kho pataligamiya upasaka yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho pataligamiya upasaka bhagavantam etadavocum adhivasetu no bhante bhagava avasathagaranti. Adhivaseti bhagava tunhibhavena. {169.1} Atha kho pataligamiya upasaka bhagavato adhivasanam viditva utthayasana bhagavantam abhivadetva padakkhinam katva yena avasathagaram tenupasankamimsu upasankamitva sabbasantharim avasathagaram santharitva asanani pannapetva udakamanikam patitthapetva telappadipam aropetva yena bhagava tenupasankamimsu upasankamitva bhagavantam abhivadetva ekamantam atthamsu . ekamantam thita kho pataligamiya upasaka bhagavantam etadavocum sabbasantharim santhatam bhante avasathagaram @Footnote: ¹ Yu. Ma. samyamato . ² Po. na vijjati . ³ Ma. sanibbuto.

--------------------------------------------------------------------------------------------- page216.

Asanani pannattani udakamanikam ^1- patitthapitam telappadipo aropito yassadani bhante bhagava kalam mannatiti ^2- . atha kho bhagava pubbanhasamayam nivasetva pattacivaramadaya saddhim bhikkhusanghena yena avasathagaram tenupasankami upasankamitva pade pakkhaletva avasathagaram pavisitva majjhimam thambham nissaya puratthabhimukho nisidi . bhikkhusanghopi kho pade pakkhaletva avasathagaram pavisitva pacchimam bhattim nissaya puratthabhimukho nisidi bhagavantam yeva purakkhitva . pataligamiyapi kho upasaka pade pakkhaletva avasathagaram pavisitva puratthimam bhittim nissaya pacchimabhimukha nisidimsu bhagavantam yeva purakkhitva. [170] Atha kho bhagava pataligamiye upasake amantesi pancime gahapatayo adinava dussilassa silavippattiya katame panca 1 idha gahapatayo dussilo silavippanno pamadadhikaranam mahatim bhogajanim nigacchati ayam pathamo adinavo dussilassa silavippattiya . ² puna ca param gahapatayo dussilassa silavippannassa papako kittisaddo abbhuggato ayam dutiyo adinavo dussilassa silavippattiya . ³ puna ca param gahapatayo dussilo silavippanno yannadeva ^3- parisam upasankamati yadi khattiyaparisam yadi brahmanaparisam yadi gahapatiparisam yadi samanaparisam avisarado upasankamati mankubhuto ayam tatiyo adinavo dussilassa silavippattiya . @Footnote: ¹ Ma. Yu. udakamaniko patitthapito . ² Ma. mannasiti . ³ Po. yadideva. @Ma. Yu. yadeva.

--------------------------------------------------------------------------------------------- page217.

4 Puna ca param gahapatayo dussilo silavippanno sammulho kalam karoti ayam catuttho adinavo dussilassa silavippattiya . 5 Puna ca param gahapatayo dussilo silavippanno kayassa bheda parammarana apayam duggatim vinipatam nirayam upapajjati ayam pancamo adinavo dussilassa silavippattiya . ime kho gahapatayo panca adinava dussilassa silavippattiya. {170.1} Pancime gahapatayo anisamsa silavato silasampadaya katame panca 1 idha gahapatayo silava silasampanno appamadadhikaranam mahantam bhogakkhandham adhigacchati ayam pathamo anisamso silavato silasampadaya. 2 Puna ca param gahapatayo silavato silasampannassa kalyano kittisaddo abbhuggacchati ayam dutiyo anisamso silavato silasampadaya . 3 Puna ca param gahapatayo silasampanno yannadeva parisam upasankamati yadi khattiyaparisam yadi brahmanaparisam yadi gahapatiparisam yadi samanaparisam visarado upasankamati amankubhuto ayam tatiyo anisamso silavato silasampadaya . ⁴ puna ca param gahapatayo silava silasampanno asammulho kalam karoti ayam catuttho anisamso silavato silasampadaya . ⁵ puna ca param gahapatayo silava silasampanno kayassa bheda parammarana sugatim saggam lokam upapajjati ayam pancamo anisamso silavato silasampadaya . ime kho gahapatayo pancime anisamsa silavato silasampadayati.

--------------------------------------------------------------------------------------------- page218.

[171] Atha kho bhagava pataligamiye upasake bahudeva rattiyo ^1- dhammiya kathaya sandassetva samadapetva samuttejetva sampahamsetva uyyojesi abhikkanta kho gahapatayo ratti yassadani kalam mannathati . atha kho pataligamiya upasaka bhagavato bhasitam abhinanditva anumoditva utthayasana bhagavantam abhivadetva padakkhinam katva pakkamimsu . atha kho bhagava acirapakkantesu pataligamiyesu upasakesu sunnagaram pavisi. [172] Tena kho pana samayena sunidhavassakara magadhamahamatta pataligame nagaram mapenti vajjinam patibahaya . tena kho pana samayena sambahula devatayo sahasseva ^2- pataligame vatthuni parigganhanti yasmim padese mahesakkha devata vatthuni parigganhanti mahesakkhanam tattha rannam rajamahamattanam cittani namanti nivesanani mapetum. {172.1} Yasmim padese majjhima devata vatthuni parigganhanti majjhimanam tattha rannam rajamahamattanam cittani namanti nivesanani mapetum . yasmim padese nica devata vatthuni parigganhanti nicanam tattha rannam rajamahamattanam cittani namanti nivesanani mapetum . addasa kho bhagava dibbena cakkhuna visuddhena atikkantamanusakena ta devatayo sahasseva pataligame vatthuni parigganhantiyo yasmim padese mahesakkha devata vatthuni parigganhanti mahesakkhanam tattha rannam rajamahamattanam cittani @Footnote: ¹ Ma. Yu. ratatim . ² Ma. Yu. sahassasseva.

--------------------------------------------------------------------------------------------- page219.

Namanti nivesanani mapetum . yasmim padese majjhima devata vatthuni parigganhanti majjhimanam tattha rannam rajamahamattanam cittani namanti nivesanani mapetum . yasmim padese nica devata vatthuni parigganhanti nicanam tattha rannam rajamahamattanam cittani namanti nivesanani mapetum . atha kho bhagava tassa rattiya paccusasamaye paccutthaya ayasmantam anandam amantesi ko nukho ananda pataligame nagaram mapetiti . sunidhavassakara bhante magadhamahamatta pataligame nagaram mapenti vajjinam patibahayati . seyyathapi ananda devehi tavatimsehi saddhim mantetva evameva kho ananda sunidhavassakara magadhamahamatta pataligame nagaram mapenti vajjinam patibahaya. {172.2} Idhaham ananda addasam dibbena cakkhuna visuddhena atikkantamanusakena sambahula devatayo sahasseva pataligame vatthuni parigganhantiyo yasmim padese mahesakkha devata vatthuni parigganhanti mahesakkhanam tattha rannam rajamahamattanam cittani namanti nivesanani mapetum . yasmim padese majjhima devata vatthuni parigganhanti majjhimanam tattha rannam rajamahamattanam cittani namanti nivesanani mapetum . Yasmim padese nica devata vatthuni parigganhanti nicanam tattha rannam rajamahamattanam cittani namanti nivesanani mapetum . Yavata ananda ariyam ayatanam yavata vanippatho idam

--------------------------------------------------------------------------------------------- page220.

Agganagaram bhavissati putabhedanam ^1- . pataliputtassa kho ananda tayo antaraya bhavissanti aggito va udakato va mithubhedato vati. [173] Atha kho sunidhavassakara magadhamahamatta yena bhagava tenupasankamimsu upasankamitva bhagavata saddhim sammodimsu sammodaniyam katham saraniyam vitisaretva ekamantam atthamsu . ekamantam thita kho sunidhavassakara magadhamahamatta bhagavantam etadavocum adhivasetu no bhavam gotamo ajjattanaya bhattam saddhim bhikkhusanghenati . Adhivasesi bhagava tunhibhavena. {173.1} Atha kho sunidhavassakara magadhamahamatta bhagavato adhivasanam viditva yena sako avasatho tenupasankamimsu upasankamitva sake avasathe panitam khadaniyam bhojaniyam patiyadapetva bhagavato kalam arocesum kalo bho gotama nitthitam bhattanti . atha kho bhagava pubbanhasamayam nivasetva pattacivaramadaya saddhim bhikkhusanghena yena sunidhavassakaranam magadhamahamattanam avasatho tenupasankami upasankamitva pannatte asane nisidi . atha kho sunidhavassakara magadhamahamatta buddhappamukham bhikkhusangham panitena khadaniyena bhojaniyena sahattha santappetva samparivaresum. {173.2} Atha kho sunidhavassakara magadhamahamatta bhagavantam bhuttavim onitapattapanim annataram nicam asanam gahetva ekamantam nisidimsu. Ekamantam nisinne kho sunidhavassakare magadhamahamatte bhagava imahi gathahi anumodi @Footnote: ¹ Ma. pataliputtam putabhedanam.

--------------------------------------------------------------------------------------------- page221.

Yasmim padese kappeti vasam panditajatiyo silavantettha bhojetva sannate brahmacarino. Ya tattha devata asum tasam dakkhinamadise ta pujita pujayanti manita manayanti nam tato nam anukampanti mata puttamva orasam. Devatanukampito poso sada bhadrani passatiti. [174] Atha kho bhagava sunidhavassakaranam magadhamahamattanam imahi gathahi anumoditva utthayasana pakkami . tena kho pana samayena sunidhavassakara magadhamahamatta bhagavantam pitthito pitthito anubandha ^1- honti yenajja samano gotamo dvarena nikkhamissati tam gotamadvaram nama bhavissati . yena titthena gangam nadim tarissati tam gotamatittham nama bhavissatiti. {174.1} Atha kho bhagava yena dvarena nikkhami tam gotamadvaram nama ahosi . atha kho bhagava yena ganga nadi tenupasankami . Tena kho pana samayena ganga nadi pura hoti samatittika kakapeyya. Appekacce manussa navam pariyesanti appekacce ulumpam pariyesanti appekacce kullam bandhanti apara param gantukama . atha kho bhagava seyyathapi nama balava puriso samminjitam va baham pasareyya pasaritam va baham samminjeyya evamevam gangaya nadiya orimatira antarahito parimatire paccutthasi saddhim @Footnote: ¹ Yu. anubaddha.

--------------------------------------------------------------------------------------------- page222.

Bhikkhusanghena . addasa kho bhagava te manusse appekacce navam pariyesante appekacce ulumpam pariyesante appekacce kullam bandhante apara param gantukame . atha kho bhagava etamattham viditva tayam velayam imam udanam udanesi ye taranti annavam saram setum katvana visajja pallalani kullanhi jano bandhati ^1- tinna medhavino janati. Chattham.

The Pali Tipitaka in Roman Character Volume 25 page 215-222. http://84000.org/tipitaka/pitaka_item/roman_item_s.php?book=25&item=169&items=6&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=25&item=169&items=6&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=169&items=6&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=169&items=6&pagebreak=1&modeTY=2 Study Atthakatha :- http://84000.org/tipitaka/attha/attha.php?b=25&i=169 The Pali Atthakatha in Thai :- http://84000.org/tipitaka/atthapali/read_th.php?B=26&A=9729 The Pali Atthakatha in Roman :- http://84000.org/tipitaka/atthapali/read_rm.php?B=26&A=9729 Contents of The Tipitaka Volume 25 http://84000.org/tipitaka/read/?index_25