paliTIPITAKA Volume 25 - Sutta Pitaka 17

page73.

Suttantapitake khuddakanikayassa udanam ----- namo tassa bhagavato arahato sammasambuddhassa. Pathamo bodhivaggo [38] /khu.u./ 1 Evamme sutam. Ekam samayam bhagava uruvelayam viharati najja neranjaraya tire bodhirukkhamule pathamabhisambuddho . Tena kho pana samayena bhagava sattaham ekapallankena nisinno hoti vimuttisukham patisamvedi . atha kho bhagava tassa sattahassa accayena tamha samadhimha vutthahitva rattiya pathamam yamam paticcasamuppadam anulomam sadhukam manasakasi {38.1} iti imasmim sati idam hoti imassuppada idam uppajjati yadidam avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salayatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa ^1- dukkhakkhandhassa samudayo hotiti . atha kho bhagava etamattham viditva tayam velayam imam udanam udanesi @Footnote: ¹ Yu. ayam patho natthi.

--------------------------------------------------------------------------------------------- page74.

Yada have patubhavanti dhamma atapino jhayato brahmanassa athassa kankha vapayanti sabba yato pajanati sahetudhammanti. Suttam pathamam.

The Pali Tipitaka in Roman Character Volume 25 page 73-74. http://84000.org/tipitaka/pitaka_item/roman_item_s.php?book=25&item=38&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=25&item=38&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=38&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=38&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=25&i=38 Contents of The Tipitaka Volume 25 http://84000.org/tipitaka/read/?index_25