paliTIPITAKA Volume 26 - Sutta Pitaka 18

[389] |389.794| ⁵ Rupam disva sati muttha piyanimittam manasikaroto sarattacitto vedeti tanca ajjhosa titthati. |389.795| Tassa vaddhanti vedana aneka rupasambhava abhijjha ca vihesa ca cittamassupahannati evamacinato dukkham ara nibbana vuccati. |389.796| Saddam sutva sati muttha piyanimittam manasikaroto sarattacitto vedeti tanca ajjhosa titthati. |389.797| Tassa vaddhanti vedana aneka saddasambhava abhijjha ca vihesa ca cittamassupahannati evamacinato dukkham ara nibbana vuccati. |389.798| Gandham ghatva sati muttha piyanimittam manasikaroto sarattacitto vedeti tanca ajjhosa titthati. |389.799| Tassa vaddhanti vedana aneka gandhasambhava abhijjha ca vihesa ca cittamassupahannati evamacinato dukkham ara nibbana vuccati. |389.800| Rasam bhotva sati muttha piyanimittam manasikaroto sarattacitto vedeti tanca ajjhosa titthati. |389.801| Tassa vaddhanti vedana aneka rasasambhava abhijjha ca vihesa ca cittamassupahannati evamacinato dukkham ara nibbana vuccati. |389.802| Phassam phussa sati muttha piyanimittam manasikaroto sarattacitto vedeti tanca ajjhosa titthati. |389.803| Tassa vaddhanti vedana aneka phassasambhava abhijjha ca vihesa ca cittamassupahannati evamacinato dukkham ara nibbana vuccati. |389.804| Dhammam natva sati muttha piyanimittam manasikaroto sarattacitto vedeti tanca ajjhosa titthati. |389.805| Tassa vaddhanti vedana aneka dhammasambhava abhijjha ca vihesa ca cittamassupahannati evamacinato dukkham ara nibbana vuccati. |389.806| Na so rajjati rupesu rupam disva patissato virattacitto vedeti tanca najjhosa ^1- titthati. |389.807| Yathassa passato rupam sevato vapi vedanam khiyyati nopaciyyati evam so carati sato evam apacinato dukkham santike nibbana vuccati. |389.808| Na so rajjati saddesu saddam sutva patissato virattacitto vedeti tanca najjhosa titthati. |389.809| Yathassa sunato saddam sevato vapi vedanam khiyyati nopaciyyati evam so carati sato evam apacinato dukkham santike nibbana vuccati. |389.810| Na so rajjati gandhesu gandham ghatva patissato virattacitto vedeti tanca najjhosa titthati. |389.811| Yathassa ghayato gandham sevato vapi vedanam khiyyati nopaciyyati evam so carati sato evam apacinato dukkham santike nibbana vuccati. @Footnote: ¹ Yu. najjhosa .pe.. |389.812| Na so rajjati rasesu rasam bhotva patissato virattacitto vedeti tanca najjhosa titthati. |389.813| Yathassa sayato rasam sevato vapi vedanam khiyyati nopaciyyati evam so carati sato evam apacinato dukkham santike nibbana vuccati. |389.814| Na so rajjati phassesu phassam phussa patissato virattacitto vedeti tanca najjhosa titthati. |389.815| Yathassa phusato phassam sevato vapi vedanam khiyyati nopaciyyati evam so carati sato evam apacinato dukkham santike nibbana vuccati. |389.816| Na so rajjati dhammesu dhammam natva patissato virattacitto vedeti tanca najjhosa titthati. |389.817| Yathassa vijanato dhammam sevato vapi vedanam khiyyati nopaciyyati evam so carati sato evam apacinato dukkham santike nibbana vuccati. Malunkayaputto thero.

The Pali Tipitaka in Roman Character Volume 26 page 380-383. http://84000.org/tipitaka/pitaka_item/roman_item_s.php?book=26&item=389&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=26&item=389&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=26&item=389&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=26&item=389&items=1&modeTY=2 Study Atthakatha :- http://84000.org/tipitaka/attha/attha.php?b=26&i=389 The Pali Atthakatha in Thai :- http://84000.org/tipitaka/atthapali/read_th.php?B=33&A=7618 The Pali Atthakatha in Roman :- http://84000.org/tipitaka/atthapali/read_rm.php?B=33&A=7618 Contents of The Tipitaka Volume 26 http://84000.org/tipitaka/read/?index_26