ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ENGLISH letter
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
                           Theragāthāya saṭṭhikanipāto
     [400] |400.1144| 1 Āraññikā 2- piṇḍapātikā    uñchāpattāgate ratā
                          dālemu maccuno senaṃ         ajjhattaṃ susamāhitā.
    |400.1145| Āraññikā 2- piṇḍapātikā   uñchāpattāgate ratā
                          dhunāmu 3- maccuno senaṃ      naḷāgāraṃva kuñjaro.
    |400.1146| Rukkhamūlikā sātatikā         uñchāpattāgate ratā
                          dālemu maccuno senaṃ         ajjhattaṃ susamāhitā.
    |400.1147| Rukkhamūlikā sātatikā         uñchāpattāgate ratā
@Footnote: 1 Ma. sāvakā .  2 Yu. āraññakā .  3 Ma. Yu. dhunāma.

--------------------------------------------------------------------------------------------- page426.

Dhunāmu 1- maccuno senaṃ naḷāgāraṃva kuñjaro. |400.1148| Aṭṭhikaṅkalakuṭike maṃsanhāruppasibbite dhiratthu pūre duggandhe paragatte mamāyase. |400.1149| Gūthabhaste taconaddhe uragaṇḍapisācini nava sotāni te kāye yāni sandanti sabbadā. |400.1150| Tava sarīraṃ navasotaṃ duggandhakaṃ 2- parivajjeyya bhikkhu parivajjayate taṃ mīḷhaṃva yathā sucikāmo. |400.1151| Evañce taṃ jano jaññā yathā jānāmi taṃ ahaṃ ārakā parivajjeyya gūthaṭṭhānaṃva pāvuse. |400.1152| Evametaṃ mahāvīra yathā samaṇa bhāsasi ettha ceke visīdanti paṅkamhiva jaraggavo. |400.1153| Ākāsamhi haliddāya 3- yo maññetha rajetave aññena vāpi raṅgena vighātudayameva taṃ. |400.1154| Tadākāsasamaṃ cittaṃ ajjhattaṃ susamāhitaṃ mā pāpacitte āsādi aggikkhandhaṃva pakkhimā. |400.1155| Passa cittakataṃ bimbaṃ arukāyaṃ samussitaṃ āturaṃ bahusaṅkappaṃ yassa natthi dhuvaṃ ṭhiti. |400.1156| Tadāsi yaṃ bhiṃsanakaṃ tadāsi lomahaṃsanaṃ anekākārasampanne sārīputtamhi nibbute. @Footnote: 1 Ma. Yu. dhunāma . 2 Ma. duggandhakaraṃ paribandhaṃ . 3 Ma. haliddiyā.

--------------------------------------------------------------------------------------------- page427.

|400.1157| Aniccā vata saṅkhārā uppādavayadhammino uppajjitvā nirujjhanti tesaṃ vūpasamo sukho. |400.1158| Sukhumaṃ te paṭivijjhanti vālaggaṃ usunā yathā ye pañcakkhandhe passanti parato no ca attato. |400.1159| Ye ca passanti saṅkhāre parato no ca attato paccabyādhiṃsu nipuṇaṃ vālaggaṃ usunā yathā. |400.1160| Sattiyā viya omaṭṭho ḍayhamāneva matthake kāmarāgappahānāya sato bhikkhu paribbaje. |400.1161| Sattiyā viya omaṭṭho ḍayhamāneva matthake bhavarāgappahānāya sato bhikkhu paribbaje. |400.1162| Codito bhāvitattena sarīrantimadhārinā migāramātu pāsādaṃ pādaṅguṭṭhena kampayiṃ. |400.1163| Na yidaṃ sithilamārabbha na yidaṃ appena thāmasā nibbānamadhigantabbaṃ sabbaganthapamocanaṃ. |400.1164| Ayañca daharo bhikkhu ayamuttamaporiso dhāreti antimaṃ dehaṃ jetvā māraṃ savāhanaṃ. |400.1165| Vivaramanupatanti vijjutā vebhārassa ca paṇḍavassa ca nagavivaragato ca jhāyati putto appaṭimassa tādino. |400.1166| Upasanto uparato pantasenāsano muni

--------------------------------------------------------------------------------------------- page428.

Dāyādo buddhaseṭṭhassa brahmunā abhivandito. |400.1167| Upasantaṃ uparataṃ pantasenāsanaṃ muniṃ dāyādaṃ buddhaseṭṭhassa vanda brāhmaṇa kassapaṃ. |400.1168| Yo ca jātisataṃ gacche sabbā brāhmaṇajātiyo sotthiyo vedasampanno manussesu punappunaṃ. |400.1169| Ajjhāyakopi ce assa tiṇṇaṃ vedāna pāragū etassa vandanāyekaṃ 1- kalaṃ nāgghati soḷasiṃ. |400.1170| Yo so aṭṭha vimokkhāni purebhattaṃ aphussayi 2- anulomaṃ paṭilomaṃ tato piṇḍāya gacchati |400.1171| tādisaṃ bhikkhuṃ māsādi māttānaṃ khaṇi brāhmaṇa abhippasādehi manaṃ arahantamhi tādine khippaṃ pañjaliko vanda mā te vijaṭi matthakaṃ. |400.1172| Na so passati saddhammaṃ saṃsārena purakkhato acaṅkamaṃ 3- jimhapathaṃ kumaggamanudhāvati. |400.1173| Kimīva mīḷhapalitto 4- saṅkhāre adhimucchito pagāḷho lābhasakkāre tuccho gacchati poṭṭhilo. |400.1174| Imañca passa āyantaṃ sārīputtaṃ sudassanaṃ. Vimuttaṃ ubhatobhāge ajjhattaṃ susamāhitaṃ. |400.1175| Visallaṃ khīṇasaṃyogaṃ tevijjaṃ maccuhāyinaṃ @Footnote: 1 Ma. vandanāyetaṃ . 2 Ma. aphassayi. Yu. apassayi . 3 Ma. adhogamaṃ. @4 Ma. Yu. sallitto.

--------------------------------------------------------------------------------------------- page429.

Dakkhiṇeyyaṃ manussānaṃ puññakkhettamanuttaraṃ. |400.1176| Ete sambahulā devā iddhimanto yasassino dasa devasahassāni sabbe brahmapurohitā moggallānaṃ namassantā tiṭṭhanti pañjalīkatā |400.1177| namo te purisājañña namo te purisuttama yassa te āsavā khīṇā dakkhiṇeyyosi 1- mārisa. |400.1178| Pūjito naradevena uppanno maraṇābhibhū puṇḍarīkaṃva toyena saṅkhārenopalimpati 2-. |400.1179| Yassa muhuttena sahassadhā loko saṃvidito sabrahmakappo vasī iddhiguṇe cutūpapāte kāle passati devatā sa bhikkhu. |400.1180| Sārīputtova paññāya sīlena upasamena ca yopi pāraṅgato bhikkhu etāvaparamo siyā. |400.1181| Koṭisatasahassassa attabhāvaṃ khaṇena nimmine ahaṃ vikubbanāsu kusalo vasībhūtomhi iddhiyā. |400.1182| Samādhivijjāvasī pāramīgato moggallānagotto asitassa sāsane dhīro samucchindi samāhitindriyo @Footnote: 1 Ma. dakkhiṇeyyāsi . 2 Ma. Yu. -palippati.

--------------------------------------------------------------------------------------------- page430.

Nāgo yathā pūtilataṃva bandhanaṃ. |400.1183| Pariciṇṇo mayā satthā .pe. bhavanetti samūhatā. |400.1184| Yassa catthāya pabbajito agārasmā anagāriyaṃ so me attho anuppatto sabbasaṃyojanakkhayo. |400.1185| Kīdiso nirayo āsi yattha dussī apaccatha vidhuraṃ sāvakamāsajja kakusandhañca brāhmaṇaṃ. |400.1186| Sataṃ āsi ayosaṅkū sabbe paccattavedanā īdiso nirayo āsi yattha dussī apaccatha vidhuraṃ sāvakamāsajja kakusandhañca brāhmaṇaṃ. |400.1187| Yo etamabhijānāti bhikkhu buddhassa sāvako tādisaṃ bhikkhumāsajja kaṇha dukkhaṃ nigacchasi. |400.1188| Majjhe sāgarasmiṃ tiṭṭhanti vimānā kappaṭṭhāyino veḷuriyavaṇṇā rucirā accimanto pabhassarā accharā tattha naccanti puthū nānattavaṇṇiyo |400.1189| yo etamabhijānāti .pe. kaṇha dukkhaṃ nigacchasi. |400.1190| Yo ca 1- buddhena codito bhikkhusaṅghassa pekkhato migāramātu pāsādaṃ pādaṅguṭṭhena kampayi. |400.1191| Yo etamabhijānāti .pe. kaṇha dukkhaṃ nigacchasi. |400.1192| Yo vejayantapāsādaṃ pādaṅguṭṭhena kampayi iddhibalenupatthaddho saṃvejesi ca devatā. @Footnote: 1 Ma. Yu. ve.

--------------------------------------------------------------------------------------------- page431.

|400.1193| Yo etamabhijānāti .pe. kaṇha dukkhaṃ nigacchasi. |400.1194| Yo vejayantapāsāde sakkaṃ so paripucchati api āvuso jānāsi taṇhakkhayavimuttiyo tassa sakko viyākāsi pañhaṃ puṭṭho yathātathaṃ |400.1195| yo etamabhijānāti .pe. kaṇha dukkhaṃ nigacchasi. |400.1196| Yo brahmānaṃ paripucchati sudhammāyaṃ abhitosabhaṃ ajjāpi te āvuso sā diṭṭhi yā te diṭṭhi pure ahū passasi vītivattantaṃ brahmaloke pabhassaraṃ |400.1197| tassa brahmā viyākāsi pañhaṃ puṭṭho yathātathaṃ na me mārisa sā diṭṭhi yā me diṭṭhi pure ahū. |400.1198| Passāmi vītivattantaṃ brahmaloke pabhassaraṃ sohamajja kathaṃ vajjaṃ ahaṃ niccomhi passato 1-. |400.1199| Yo etamabhijānāti .pe. kaṇha dukkhaṃ nigacchasi. |400.1200| Yo mahāneruno kūṭaṃ vimokkhena apassayi 2- vanaṃ pubbavidehānaṃ ye ca bhūmisayā narā |400.1201| yo etamabhijānāti .pe. kaṇha dukkhaṃ nigacchasi. |400.1202| Na ve aggi cetayati ahaṃ bālaṃ ḍahāmīti bālo ca jalitamaggiṃ āsajja naṃ paḍayhati |400.1203| evameva tuvaṃ māra āsajja naṃ tathāgataṃ sayaṃ ḍahissati attānaṃ bālo aggiṃva samphusaṃ. @Footnote: 1 Ma. Yu. sassato . 2 Ma. aphassayi.

--------------------------------------------------------------------------------------------- page432.

|400.1204| Apuññaṃ pasavī māro āsajja naṃ tathāgataṃ kinnu maññasi pāpima na me pāpaṃ vipaccati. |400.1205| Karato te miyyate 1- pāpaṃ cirarattāya antaka māra nibbinda buddhamhā āsaṃ mākāsi bhikkhusu. |400.1206| Iti māraṃ atajjesi bhikkhu bhesakaḷāvane tato so dummano yakkho tatthevantaradhāyatīti. Itthaṃ sudaṃ āyasmā mahāmoggallāno thero gāthāyo abhāsitthāti. Uddānaṃ bhavati saṭṭhikamhi nipātamhi moggallāno mahiddhiko ekova thero gāthāyo aṭṭhasaṭṭhī bhavanti tāti. Saṭṭhiko nipāto niṭṭhito. ---------------


             The Pali Tipitaka in Roman Character Volume 26 page 425-432. http://84000.org/tipitaka/pitaka_item/roman_item_s.php?book=26&item=400&items=1&pagebreak=1              Classified by [Item Number] :- http://84000.org/tipitaka/pitaka_item/roman_item_s.php?book=26&item=400&items=1&pagebreak=1&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=26&item=400&items=1&pagebreak=1              Compare with The Royal Version of Thai Tipitaka :- http://84000.org/tipitaka/read/byitem_s.php?book=26&item=400&items=1&pagebreak=1              Study Atthakatha :- http://84000.org/tipitaka/attha/attha.php?b=26&i=400              The Pali Atthakatha in Thai :- http://84000.org/tipitaka/atthapali/read_th.php?B=33&A=12299              The Pali Atthakatha in Roman :- http://84000.org/tipitaka/atthapali/read_rm.php?B=33&A=12299              Contents of The Tipitaka Volume 26 http://84000.org/tipitaka/read/?index_26

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ENGLISH letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :