paliTIPITAKA Volume 27 - Sutta Pitaka 19

² Juṇhajātakaṃ [1504] Suṇohi mayhaṃ vacanaṃ janinda atthena juṇhamhi idhānupatto na brāhmaṇe addhike tiṭṭhamāne gantabbamāhu dvipadānaseṭṭha ^4-. @Footnote: ¹ Sī. mutto dāmātu kuñjaro . Ma. muttamādāya kuñjaro . ² Sī. vissamitvāna. @Ma. assāsayitvā . ³ Sī. Ma. naliniṃ . ⁴ Ma. dvipadinda seṭṭha. [1505] Suṇomi tiṭṭhāmi vadehi brahme yenāpi ^1- atthena idhānupatto kaṃ vā tvamatthaṃ mayi patthayāno idhāgamā brahme tadiṅgha brūhi. [1506] Dadāhi me gāmavarāni pañca dāsīsataṃ satta gavaṃsatāni parosahassañca suvaṇṇanikkhe bhariyā ca me sādisī dve dadāhi. [1507] Tapo nu te brāhmaṇa bhiṃsarūpo mantā nu te brāhmaṇa cittarūpā yakkhā nu ^2- te assavā santi keci atthaṃ vā me abhijānāsi kattaṃ. [1508] Na me tapo atthi na cāpi mantā yakkhāpi me assavā natthi keci atthaṃpi te nābhijānāmi kattaṃ pubbeva kho ^3- saṅgatimattamāsi. [1509] Paṭhamaṃ idaṃ dassanaṃ jānato me na tābhijānāmi ito puratthā akkhāhi me pucchito etamatthaṃ kadā kuhiṃ vā ahu saṅgamo no. @Footnote: ¹ Ma. yenāsi . ² Sī. Yu. yakkhāva . ³ Ma. pubbe ca kho. [1510] Gandhārarājassa puramhi ramme avasimhase takkasilāya deva tatthandhakāramhi timissakāyaṃ ^1- aṃsena aṃsaṃ samaghaṭṭayimhā te tattha ṭhatvāna ubho janinda sārāṇiyaṃ vītisārimha ^2- tattha sāyeva no saṅgatimattamāsi tato na pacchā na pure kadāci ^3-. [1511] Yadākadāci manujesu brahme samāgamo sappurisena hoti na paṇḍitā saṅgatisanthavāni pubbe kataṃ vāpi vināsayanti. [1512] Bālā ca kho saṅgatisanthavāni pubbe kataṃ vāpi vināsayanti bahuṃpi bālesu kataṃ vinassati tathāhi bālā akataññurūpā. [1513] Dhīrā ca kho saṅgatisanthavāni pubbe kataṃ vāpi na nāsayanti appaṃpi dhīresu kataṃ na nassati tathāhi dhīrā sukataññurūpā @Footnote: ¹ Ma. timīsikāyaṃ . ² Ma. vītisārayimha . ³ Ma. ahosi. Dadāmi te gāmavarāni pañca dāsīsataṃ satta gavaṃsatāni parosahassañca suvaṇṇanikkhe bhariyā ca te sādisī dve dadāmi. [1514] Evaṃ sataṃ hoti samecca rāja nakkhattarājāriva tārakānaṃ āpūratī kāsipatī yathā ahaṃ ^1- tayā hi ^2- me saṅgamo ajja laddhoti. Juṇhajātakaṃ dutiyaṃ. --------

The Pali Tipitaka in Roman Character Volume 27 page 304-307. http://84000.org/tipitaka/pitaka_item/roman_item_s.php?book=27&item=1504&items=11 Classified by [Item Number] :- http://84000.org/tipitaka/pitaka_item/roman_item_s.php?book=27&item=1504&items=11&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=1504&items=11 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=1504&items=11 Study Atthakatha :- http://84000.org/tipitaka/attha/attha.php?b=27&i=1504 The Pali Atthakatha in Thai :- http://84000.org/tipitaka/atthapali/read_th.php?B=40&A=151 The Pali Atthakatha in Roman :- http://84000.org/tipitaka/atthapali/read_rm.php?B=40&A=151 Contents of The Tipitaka Volume 27 http://84000.org/tipitaka/read/?index_27