paliTIPITAKA Volume 27 - Sutta Pitaka 19

[2001] Rājā avoca vidhūraṃ ^1- dhammakāmo yudhiṭṭhilo. Brāhmaṇe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2002] Dullabhā brāhmaṇā deva sīlavanto bahussutā viratā methunā dhammā ye te bhuñjeyyu bhojanaṃ. Dasa khalu mahārāja yā tā brāhmaṇajātiyo tesaṃ vibhaṅgavicayaṃ vitthārena suṇohi me. Pasibbake gahetvāna puṇṇe mūlassa saṃvute osadhikāye ^2- ganthenti nhāpayanti ^3- japanti ca. Tikicchakasamā rāja tepi vuccanti brāhmaṇā akkhātā te mahārāja tādise nipatāmase. [2003] Apetā te ca brāhmaññā (iti rājā ca ^4- korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2004] Kiṅkiṇiyo gahetvāna ^5- ghosenti puratopi te pesanānipi gacchanti rathacariyāsu sikkhare. @Footnote: ¹ Ma. vidhura. evamuparipi . ² Ma. osadhikāyo. ³ Sī. Yu. nahāyanti. @⁴ Ma. sabbattha casaddo natthi . ⁵ Ma. kiṅkikikāyo gahetvā. Paricārikasamā rāja tepi vuccanti brāhmaṇā akkhātā te mahārāja tādise nipatāmase. [2005] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2006] Kamaṇḍaluṃ gahetvāna vaṅkadaṇḍañca ^1- brāhmaṇā paccupessanti rājāno gāmesu nigamesu ca nādinne vuṭṭhahessāma gāmamhi nigamamhi ^2- vā niggāhakasamā rāja tepi vuccanti brāhmaṇā akkhātā te mahārāja tādise nipatāmase. [2007] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2008] Parūḷhakacchanakhalomā paṅkadantā rajassirā okiṇṇā rajareṇūhi yācakā vicaranti te @Footnote: ¹ paṅkadaṇḍañcātipi pāṭho . ² Ma. gāmamhi vā vanamhi vā. Sī. Yu. gāmamhi @ca vanamhi ca. Khāṇughātasamā rāja tepi vuccanti brāhmaṇā akkhātā te mahārāja tādise nipatāmase. [2009] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2010] Harītakaṃ āmalakaṃ ambaṃ jambuṃ vibhedakaṃ ^1- labujaṃ dantapoṇāni veluvā badarāni ca rājāyatanaṃ ucchupūṭaṃ dhūmanettaṃ madhuñjanaṃ uccāvacāni paṇīyāni vikīṇanti ^2- janādhipa vāṇijakasamā rāja tepi vuccanti brāhmaṇā akkhātā te mahārāja tādise nipatāmase. [2011] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2012] Kasivaṇijjaṃ ^3- kārenti posayanti ajeḷake @Footnote: ¹ Ma. vibhītakaṃ. Sī. Yu. ambajambuvibhīṭakaṃ . ² Sī. Ma. vipaṇenti. @³ Ma. kāsivāṇijjaṃ. Sī. Yu. kāsiṃ vaṇijjaṃ. Kumāriyo pavecchanti vivāhantāvahanti ca samā ambaṭṭhavesehi tepi vuccanti brāhmaṇā akkhāte te mahārāja tādise nipatāmase. [2013] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2014] Nikkhittabhikkhaṃ bhuñjanti gāmesveke purohitā bahū ne paripucchanti aṇḍacchedā nilañcakā ^1- pasūpi tattha haññanti mahiṃsā sūkarā ajā goghātakasamā rāja tepi vuccanti brāhmaṇā akkhātā te mahārāja tādise nipatāmase. [2015] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2016] Asicammaṃ gahetvāna khaggaṃ paggayha brāhmaṇā vessapathesu tiṭṭhanti satthaṃ abbāhayantipi @Footnote: ¹ Ma. nilañchakā. Yu. tilañchakā. Samā gopanisādehi tepi vuccanti brāhmaṇā akkhātā te mahārāja tādise nipatāmase. [2017] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2018] Araññe kuṭikaṃ katvā kūṭāni kārayanti te sasaviḷāre bādhenti āgodhā macchakacchapaṃ te luddakasamā rāja ^1- tepi vuccanti brāhmaṇā akkhātā te mahārāja tādise nipatāmase. [2019] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2020] Aññe dhanassa kāmā hi heṭṭhā mañce pasakkhitā ^2- rājāno upari nhāyanti somayāge upaṭṭhite malamajjasamā ^3- rāja tepi vuccanti brāhmaṇā akkhātā te mahārāja tādise nipatāmase. @Footnote: ¹ Sī. Yu. luddakā te mahārāja . ² Ma. pasakkitā . ³ malamajjana-malamajjaka-itipi. [2021] Apetā te ca brāhmaññā (iti rājā ca korabyo) na te vuccanti brāhmaṇā aññe vidhūra pariyesa sīlavante bahussute virate methunā dhammā ye me bhuñjeyyu bhojanaṃ dakkhiṇaṃ samma dassāma yattha dinnaṃ mahapphalaṃ. [2022] Atthi kho brāhmaṇā deva sīlavanto bahussutā viratā methunā dhammā ye te bhuñjeyyu bhojanaṃ. Ekañca bhattaṃ bhuñjanti na ca majjaṃ pivanti te akkhātā te mahārāja tādise nipatāmase. [2023] Ete kho brāhmaṇā vidhūra sīlavanto bahussutā ete vidhūra pariyesa khippañca ne nimantayāti. Dasabrāhmaṇajātakaṃ dvādasamaṃ. ---------------- ¹³ Bhikkhāparamparajātakaṃ

The Pali Tipitaka in Roman Character Volume 27 page 400-405. http://84000.org/tipitaka/pitaka_item/roman_item_s.php?book=27&item=2001&items=23&mode=bracket Classified by content :- http://84000.org/tipitaka/pitaka_item/roman_item_s.php?book=27&item=2001&items=23 Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=2001&items=23&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=2001&items=23&mode=bracket Study Atthakatha :- http://84000.org/tipitaka/attha/attha.php?b=27&i=2001 The Pali Atthakatha in Thai :- http://84000.org/tipitaka/atthapali/read_th.php?B=40&A=7403 The Pali Atthakatha in Roman :- http://84000.org/tipitaka/atthapali/read_rm.php?B=40&A=7403 Contents of The Tipitaka Volume 27 http://84000.org/tipitaka/read/?index_27