paliTIPITAKA Volume 27 - Sutta Pitaka 19

⁵ Rohanamigajatakam ^1- [2104] Ete yutha patiyanti bhita marana ^2- cittaka gaccha tuvampi ma kankhi jivissanti taya saha. [2105] Naham rohana ^3- gacchami hadayam me avakassati na tam aham jahissami idha hessami ^4- jivitam. Te hi nuna marissanti andha aparinayaka gaccha tuvampi ma kankhi jivissanti taya saha. Naham rohana gacchami hadayam me avakassati na tam bandham jahissami idha hessami jivitam. [2106] Gaccha bhiru palayassu kute bandhosmi ayase gaccha tuvampi ma kankhi jivissanti taya saha. [2107] Naham rohana gacchami hadayam me avakassati na tam aham jahissami idha hessami jivitam. Te hi nuna marissanti andha aparinayaka gaccha tuvampi ma kankhi jivissanti taya saha. Naham rohana gacchami hadayam me avakassati @Footnote: ¹ Ma. rohanamigajatakam Si. Yu. rohantamigajatakam . ² Ma. maranassa . ³ Ma. rohana. @Si. Yu. rohanta . ⁴ Ma. hissami. evamuparipi. Na tam bandham jahissami idha hessami jivitam. [2108] Ayam so luddako eti luddarupo ^1- sahavudho yo no vadhissati ajja usuna sattiyamapi ^2-. [2109] Sa muhuttam palayitva bhayatta ^3- bhayatajjita sudukkaram akara bhiru maranayupanivattatha. [2110] Kinnu teme miga honti mutta bandham upasare na tam cajitumicchanti jivitassapi karana. [2111] Bhataro honti me ludda sodariya ekamatuka na mam cajitumicchanti jivitassapi karana. [2112] Te hi nuna marissanti andha aparinayaka pancannam jivitam dehi bhataram munca luddaka. [2113] So vo aham pamokkhami matapetibharam migam nandantu matapitaro muttam disva mahamigam. [2114] Evam luddaka nandassu saha sabbehi natibhi yathahamajja nandami muttam disva mahamigam. [2115] Katham tvam pamokkho asi upanitasmi jivite katham putta amocesi kutapasamha luddako. [2116] Bhanam kannasukham vacam hadayangam hadayassitam subhasitahi vacahi cittako mam amocayi. Bhanam kannasukham vacam hadayangam hadayassitam @Footnote: ¹ Si. Yu. ruddarupo . ² Ma. sattiya api . ³ Yu. bhayattha. Subhasitahi vacahi sutana mam amocayi. Sutva kannasukham vacam hadayangam hadayassitam subhasitani sutvana luddako mam amocayi. [2117] Evam anandito hotu saha darehi luddako yatha mayajja nandama disva rohanamagatam. [2118] Nanu tvam avaca ludda migacammani aharim atha kena nu vannena migacammani nahari. [2119] Agamanceva ^1- hatthattham kutapasanca so migo abajjhi tam ^2- migarajam tanca mutta upasare. Tassa me ahu samvego abbhuto lomahamsano imancaham migam hanne ajja hissami jivitam. [2120] Kidisa te miga ludda kidisa dhammika miga kathamvanna kathamsila balham kho ne pasamsasi. [2121] Odatasinga sucivala jatarupatacupama pada lohitaka tesam anjitakkha manorama. [2122] Edisa te miga deva edisa dhammika miga matapetibhara deva na te so abhiharayim ^3-. [2123] Dammi nikkhasatam ludda thulanca manikundalam caturassanca ^4- pallankam ummapupphasirinnibham. @Footnote: ¹ Ma. agamaceva . ² Yu. tanca . ³ Si. abhiharayum. Ma. abhiharitum. @Yu. abhiharayam . ⁴ Ma. catussadanca. Dve ca sadisiyo bhariya usabhanca gavamsatam dhammena rajjam karessam bahukaro mesa luddaka. Kasivanijja ^1- inadanam unchacariya ca luddaka etena daram posehi ma papam akari punati ^2-. Rohanamigajatakam pancamam. ----------

The Pali Tipitaka in Roman Character Volume 27 page 429-432. http://84000.org/tipitaka/pitaka_item/roman_item_s.php?book=27&item=2104&items=20&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=27&item=2104&items=20&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=27&item=2104&items=20&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=27&item=2104&items=20&modeTY=2 Study Atthakatha :- http://84000.org/tipitaka/attha/attha.php?b=27&i=2104 The Pali Atthakatha in Thai :- http://84000.org/tipitaka/atthapali/read_th.php?B=41&A=1059 The Pali Atthakatha in Roman :- http://84000.org/tipitaka/atthapali/read_rm.php?B=41&A=1059 Contents of The Tipitaka Volume 27 http://84000.org/tipitaka/read/?index_27