9 Sambulajatakam
[2406] Ka vedhamana girikandarayam
eka tuvam titthasi sancituru 3-
putthasi me panipameyyamajjhe
akkhahi me namanca bandhave ca.
Obhasayam vanam rammam sihabyagghanisevitam
ka va tvamasi kalyani kassa va tvam sumajjhime
abhivademi tam bhadde danavaham namatthu te.
[2407] Yo putto kasirajassa sotthisenoti tam vidu
tassaham sambula bhariya evam janahi danava
@Footnote: 1 Ma. -jatikosi . 2 Ma. hisaddo natthi . 3 Ma. samhituru. Si. Yu. sannaturu.
Abhivademi bhaddante 1- sambulaham namatthu te.
Vedehaputto bhaddante vane vasati aturo
tamaham rogasammattam eka ekam upatthaham 2-.
Ahanca vanamunchaya madhumamsam migabilam
yadaharami tambhakkho tassa nunajja nadhati.
[2408] Kim vane rajaputtena aturena karissasi
sambule paricinnena aham bhatta bhavami te.
Sokattaya durattaya kim rupam vijjate mama
annam pariyesa bhaddante abhirupataram maya.
Ehimam girimaruyha bhariya mayham 3- catussata
tasam tvam pavara hoti sabbakamasamiddhini.
Nanu tarakavannabhe 4- yankinci manasicchasi
sabbantam pacuram mayham ramassujja 5- maya saha.
No ce tuvam maheseyyam sambule karayissasi
alam tvam patarasaya panhe bhakkha bhavissasi.
Tanca sattajato luddo kalaro purisadako
vane natham apassantim sambulam aggahi bhuje.
Adhipanna pisacena luddenamisacakkhuna
sa ca sattuvasampatta patimevanusocati.
Na me idam tatha dukkham yam mam khadeyya rakkhaso
@Footnote: 1 Ma. tam bhante . 2 Si. upatthahim . 3 Ma. me . 4 Yu. hatakavannabhe.
@5 Ma. ramassuvajja.
Yanca me ayyaputtassa mano hessati annatha.
Na santi deva pavasanti nuna
na hi nuna santi idha lokapala
sahasa karontanamasannatanam
na hi nuna santi patisedhitaro.
[2409] Itthinamesa pavara yasassini
santa sama aggirivuggateja
tance tuvam rakkhasadesi kannam
muddha ca hi sattadha te phaleyya
ma tvam dahi munca patibbataya 1-.
[2410] Sa ca assamamagacchi pamutta purisadaka
niddam phalinasakuniva 2- gatasingamva alayam
sa tattha paridevesi rajaputti yasassini
sambula utumattakkha vane natham apassanti.
Samane brahmane vande sampannacarane ise
rajaputtam apassanti tumhamhi saranam gata.
Vande sihe ca byagghe ca ye ca anne vane miga
rajaputtam apassanti tumhamhi saranam gata.
Tinalatani osadhyo pabbatani vanani ca
rajaputtam apassanti tumhamhi saranam gata.
@Footnote: 1 Si. patibbata sa. Yu. patibbata ya . 2 Ma. nilam palinam sakuniva.
Vande indivarisamam rattinakkhattamalinim
rajaputtam apassanti tumhamhi saranam gata.
Vande bhagirathim gangam savantinam patiggaham
rajaputtam apassanti tumhamhi saranam gata.
Vande aham pabbataraja (settham) himavantam siluccayam
rajaputtam apassanti tumhamhi saranam gata.
[2411] Atisayam vatagacchi rajaputti yasassini
kena nujja samagacchi ko te piyataro maya.
[2412] Idam khoham tadavocam gahita tena sattuna
na me idam tatha dukkham yam mam khadeyya rakkhaso
yanca me ayyaputtassa mano hessati annatha.
[2413] Corinam bahubuddhinam yasu saccam sudullabham
thinam bhavo durajano macchassevodake gatam.
[2414] Tatha mam saccam paletu palayissati ce mamam
yathaham nabhijanami annam piyataram taya
etena saccavajjena byadhi te vupasammatu.
[2415] Ye kunjara sattasata ulara
rakkhanti rattindivamuyyutavudha
dhanuggahananca satani solasa
kathamvidhe passasi bhadde sattavo.
[2416] Alankatayo padumuttarattaca
viragita passati hamsagaggara
tasam sunitva mitagitavaditam
nadani me tata tatha yatha pure.
Suvannasankaccadhara suviggaha
alankata manusiyaccharupama
senopiya 1- tata aninditangiyo
khattiyakanna patilobhayanti 2- nam.
Sace aham tata tatha yatha pure
patim tamunchaya puna vane bhare
sammanaye mam na ca mam vimanaye
itopi me tata tato varam siya.
Yamannapane vipulasmi ohite
nari vimatthabharana alankata
sabbangupeta patino ca appiya
avajjha 3- tassa maranam tato varam.
Api ce dalidda kapana analiya 4-
katadutiya patino ca sa piya
sabbangupetayapi appiyaya
@Footnote: 1 Yu. senupiya . 2 Yu. patilabhayanti . 3 Ma. abajjha. Yu. abajjha.
@4 Ma. Yu. analhiya.
Ayameva seyyo 1- kapanapi ya piya.
[2417] Sudullabhitthi purisassa ya hita
bhattitthiya dullabho yo hito ca
hita ca te silavati [2]- bhariya
janinda dhammam cara sambulaya.
[2418] Sace tuvam vipule laddhabhoge
issavatinna maranam upesi
ahanca te bhadde ima rajakanna
sabbeva 3- te vacanakara bhavamati.
Sambulajatakam navamam.
-------------
The Pali Tipitaka in Roman Character Volume 27 page 519-524.
http://84000.org/tipitaka/pitaka_item/roman_item_s.php?book=27&item=2406&items=13&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=27&item=2406&items=13&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=27&item=2406&items=13&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=27&item=2406&items=13&modeTY=2
Study Atthakatha :-
http://84000.org/tipitaka/attha/attha.php?b=27&i=2406
The Pali Atthakatha in Thai :-
http://84000.org/tipitaka/atthapali/read_th.php?B=41&A=6207
The Pali Atthakatha in Roman :-
http://84000.org/tipitaka/atthapali/read_rm.php?B=41&A=6207
Contents of The Tipitaka Volume 27
http://84000.org/tipitaka/read/?index_27
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
