TIPITAKA Volume 27 : PALI ROMAN
Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ

                  6 Pabbajitaviheṭhakajātakaṃ 4-
     [937] Dubbaṇṇarūpaṃ tvamariyavaṇṇī
                    purakkhitvā 5- pañjaliko namassasi
                    seyyo nu te so udāhu 6- sarikkho
                    nāmaṃ parassattano cāpi brūhi.
     [938] Na nāmagottaṃ gaṇhanti rāja
                    samaggatānujjugatāna 7- devā
                    ahañca te nāmadheyyaṃ vadāmi
                    sakkohamasmī tidasānamindo.
     [939] Yo disvā bhikkhuṃ caraṇūpapannaṃ
                    purakkhitvā 5- pañjaliko namassati
                    pucchāmi taṃ devarājetamatthaṃ
@Footnote: 1 Ma. anubhoti .  2 Ma. yeva .  3 Sī. Yu. sagge ca modatīti.
@4 Ma. vijjādharajātakaṃ. Sī. Yu. dhajaviheṭhakajātakaṃ .  5 Ma. purakkhatvā.
@6 Ma. udā. 7 Ma. sammaggatā...
                    Ito cuto kiṃ labhate sukhaṃ so.
     [940] Yo disvā bhikkhuṃ caraṇūpapannaṃ
                    purakkhitvā pañjaliko namassati
                    diṭṭheva dhamme labhate pasaṃsaṃ
                    saggañca so yāti sarīrabhedā.
     [941] Lakkhī vata me udapādi ajja
                    yaṃ vāsavaṃ bhūtipatiddasāma 1-
                    bhikkhuñca disvāna tuvañca sakka
                    kāhāmi puññāni anappakāni.
     [942] Addhā have sevitabbā sapaññā
                    bahussutā ye bahuṭhānacintino
                    bhikkhuñca disvāna mamañca rāja
                    karohi puññāni anappakāni.
     [943] Akkodhano niccapasannacitto
                    sabbātithīyācayogo bhavitvā
                    nihañña 2- mānaṃ abhivādayissaṃ
                    sutvāna devinda subhāsitānīti.
                      Pabbajitaviheṭhakajātakaṃ chaṭṭhaṃ.
                      -----------
@Footnote: 1 Ma. bhūtapatiddasāma .  2 Ma. nihacca.


             The Pali Tipitaka in Roman Character Volume 27 page 205-206.
http://84000.org/tipitaka/pitaka_item/roman_item_s.php?book=27&item=937&items=7
             Classified by [Item Number] :-
http://84000.org/tipitaka/pitaka_item/roman_item_s.php?book=27&item=937&items=7&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=27&item=937&items=7
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=27&item=937&items=7
             Study Atthakatha :-
http://84000.org/tipitaka/attha/attha.php?b=27&i=937
             The Pali Atthakatha in Thai :-
http://84000.org/tipitaka/atthapali/read_th.php?B=39&A=1988
             The Pali Atthakatha in Roman :-
http://84000.org/tipitaka/atthapali/read_rm.php?B=39&A=1988
             Contents of The Tipitaka Volume 27
http://84000.org/tipitaka/read/?index_27