2 Mahajanakajatakam
[442] Koyam majjhe samuddasmim apassantiramayuhe
kim 2- tvam atthavasam natva evam vayamase bhusam.
[443] Nisamma vattam lokassa vayamassa ca devate
tasma majjhe samuddasmim apassantiramayuhe.
[444] Gambhire appameyyasmim tiram yassa na dissati
mogho te purisavayamo appatvava marissasi.
@Footnote: 1 Si. Yu. soham . 2 Ma. kam.
[445] Anano natinam hoti devanam pitunanca so
karam purisakiccani na ca pacchanutappati.
[446] Aparaneyyam yam kammam aphalam kilamathuddayam
tattha ko vayamenattho maccu yassabhinipphatam 1-.
[447] |447.1| Aparaneyyamaccantam yo viditvana devate
na rakkhe attano panam janna so yadi hapaye.
|447.2| Adhippayaphalam eke asmim lokasmi devate
payojayanti kammani tani ijjhanti va na va.
|447.3| Sanditthikam kammaphalam nanu passasi devate
sanna anne taramaham tanca passami santike.
|447.4| So aham vayamissami yathasatti yathabalam
gaccham param samuddassa kassam purisakariyam.
[448] Yo tvam evam gate oghe appameyye mahannave
dhammavayamasampanno kammuna navasidati
so tvam tattheva gacchahi yattha te nirato mano.
[449] Suriyuggamane nidhi atho oggamane nidhi
anto nidhi bahi nidhi na anto na bahi nidhi
arohane mahanidhi atho orohane nidhi
catusu mahasalesu samanta yojane nidhi
dantaggesu mahanidhi balaggesu ca kepuke 2-
@Footnote: 1 Ma. ...nippatam . 2 kebuketipi.
Rukkhaggesu mahanidhi solasete mahanidhi
sahassathamo pallanko sivalaradhanena ca.
[450] |450.1| Asimsetheva 1- puriso na nibbindeyya pandito
passami voham attanam yatha icchim tatha ahu.
|450.2| Asimsetheva 1- puriso na nibbindeyya pandito
passami voham attanam udaka thalamubbhatam.
|450.3| Vayametheva puriso na nibbindeyya pandito
passami voham attanam yatha icchim tatha ahu.
|450.4| Vayametheva puriso na nibbindeyya pandito
passami voham attanam udaka thalamubbhatam.
|450.5| Dukkhupanitopi naro sapanno
asam na chindeyya sukhagamaya
bahu hi phassa ahita hita ca
avitakkitaro maccumuppajjanti 2-.
|450.6| Acintitampi bhavati cintitampi vinassati
na hi cintamaya bhoga itthiya purisassa va.
[451] |451.1| Aporanam 3- vata bho raja sabbabhummo disampati
najja nacce nisameti na gite kurute mano.
|451.2| Na mige napi uyyane napi hamse udikkhati
mugova tunhimasino na atthamanusasati.
@Footnote: 1 Ma. asisetheva . 2 Ma. avitakkita maccumupabbajanti . 3 Si. Yu. apuranam.
[452] |452.1| Sukhakama rahosila vaggabandha aparuta 1-
kassa 2- nu ajja arame dahara vuddha ca acchare
|452.2| atikkantavanatha dhira namo tesam mahesinam
ye ussukkamhi lokamhi viharanti anussuka
|452.3| te chetva maccuno jalam tantam 3- mayavino dalham
sandalayanta 4- gacchanti ko tesam gatimapaye.
[453] |453.1| Kadaham mithilam phitam vibhattam bhagaso mitam
pahaya pabbajissami tam kada 5- su bhavissati.
|453.2| Kadaham mithilam phitam visalam sabbato pabham
pahaya pabbajissami tam kada su bhavissati.
|453.3| Kadaham mithilam phitam bahupakaratoranam
pahaya pabbajissami tam kada su bhavissati.
|453.4| Kadaham mithilam phitam dalhamattalakotthakam
pahaya pabbajissami tam kada su bhavissati.
|453.5| Kadaham mithilam phitam suvibhattam mahapatham
pahaya pabbajissami tam kada su bhavissati.
|453.6| Kadaham mithilam phitam suvibhattantarapanam
pahaya pabbajissami tam kada su bhavissati.
|453.7| Kadaham mithilam phitam gavassarathapilitam
pahaya pabbajissami tam kada su bhavissati.
@Footnote: 1 Ma. vadhabandha aparata . 2 Si. Yu. kesam . 3 Ma. tatam . 4 Ma. chinnalayatta.
@5 Ma. kudassu. ito param idisameva.
|453.8| Kadaham mithilam phitam aramavanamalinim
pahaya pabbajissami tam kada su bhavissati.
|453.9| Kadaham mithilam phitam uyyanavanamalinim
pahaya pabbajissami tam kada su bhavissati.
|453.10| Kadaham mithilam phitam pasadavaramalinim
pahaya pabbajissami tam kada su bhavissati.
|453.11| Kadaham mithilam phitam tipuram rajabandhunim
mapitam somanassena vedehena yasassina
pahaya pabbajissami tam kada su bhavissati.
|453.12| Kadaham videhe 1- phite nicite dhammarakkhite
pahaya pabbajissami tam kada su bhavissati.
|453.13| Kadaham videhe phite ajeyye dhammarakkhite
pahaya pabbajissami tam kada su bhavissati.
|453.14| Kadaham antepuram rammam vibhattam bhagaso mitam
pahaya pabbajissami tam kada su bhavissati.
|453.15| Kadaham antepuram rammam sudhamattikalepanam
pahaya pabbajissami tam kada su bhavissati.
|453.16| Kadaham antepuram rammam sucigandham manoramam
pahaya pabbajissami tam kada su bhavissati.
|453.17| Kadaham kutagare ca vibhatte bhagaso mite
@Footnote: 1 Ma. vedehe. ito param idisameva.
Pahaya pabbajissami tam kada su bhavissati.
|453.18| Kadaham kutagare ca sudhamattikalepane
pahaya pabbajissami tam kada su bhavissati.
|453.19| Kadaham kutagare ca sucigandhe manorame
pahaya pabbajissami tam kada su bhavissati.
|453.20| Kadaham kutagare ca litte candanaphosite
pahaya pabbajissami tam kada su bhavissati.
|453.21| Kadaham suvannapallanke gonake cittasanthate
pahaya pabbajissami tam kada su bhavissati.
|453.22| Kadaham manipallanke gonake cittasanthate
pahaya pabbajissami tam kada su bhavissati.
|453.23| Kadaham kappasakoseyyam khomakodumbarani ca
pahaya pabbajissami tam kada su bhavissati.
|453.24| Kadaham pokkharani ramma cakavakapakujita 1-
mandalakehi sanchanna padumuppalakehi ca
pahaya pabbajissami tam kada su bhavissati.
|453.25| Kadaham hatthigumbe ca sabbalankarabhusite
suvannakacche matange hemakappanivasase
|453.26| arulhe gamaniyebhi tomarankusapanibhi
pahaya pabbajissami tam kada su bhavissati.
@Footnote: 1 Ma. cakkavakapakujita.
|453.27| Kadaham assagumbe ca sabbalankarabhusite
ajaniyeva jatiya sindhave sighavahane
|453.28| arulhe gamaniyebhi indiyacapadharibhi 1-
pahaya pabbajissami tam kada su bhavissati.
|453.29| Kadaham rathaseniyo sannaddhe ussitaddhaje
dipe athopi veyyagghe sabbalankarabhusite
|453.30| arulhe gamaniyebhi capahatthehi cammibhi 2-
pahaya pabbajissami tam kada su bhavissati.
|453.31| Kadaham sovannarathe sannaddhe ussitaddhaje
dipe athopi veyyagghe sabbalankarabhusite
|453.32| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.33| Kadaham sajjhurathe ca sannaddhe ussitaddhaje
dipe athopi veyyagghe sabbalankarabhusite
|453.34| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.35| Kadaham assarathe ca sannaddhe ussitaddhaje
dipe athopi veyyagghe sabbalankarabhusite
|453.36| arulhe gamaniyebhi capahatthehi cammibhi
pahaya pabbajissami tam kada su bhavissati.
@Footnote: 1 Ma. illiyacapadharibhi . 2 Ma. vammibhi. ito param idisameva.
|453.37| Kadaham ottharathe ca sannaddhe ussitaddhaje
dipe athopi veyyagghe sabbalankarabhusite
|453.38| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.39| Kadaham gonarathe ca sannaddhe ussitaddhaje
dipe athopi veyyagghe sabbalankarabhusite
|453.40| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.41| Kadaham ajarathe ca sannaddhe ussitaddhaje
dipe athopi veyyagghe sabbalankarabhusite
|453.42| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.43| Kadaham mendarathe ca sannaddhe ussitaddhaje
dipe athopi veyyagghe sabbalankarabhusite
|453.44| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.45| Kadaham migarathe ca sannaddhe ussitaddhaje
dipe athopi veyyagghe sabbalankarabhusite
|453.46| arulhe gamaniyebhi capahatthehi cammibhi
pahaya pabbajissami tam kada su bhavissati.
|453.47| Kadaham hattharohe ca sabbalankarabhusite
nilacammadhare sure tomarankusapanino
pahaya pabbajissami tam kada su bhavissati.
|453.48| Kadaham assarohe ca sabbalankarabhusite
nilacammadhare sure indiyacapadharino 1-
pahaya pabbajissami tam kada su bhavissati.
|453.49| Kadaham ratharohe ca sabbalankarabhusite
nilacammadhare sure capahatthe kalapino 2-
pahaya pabbajissami tam kada su bhavissati.
|453.50| Kadaham dhanuggahe ca sabbalankarabhusite
nilacammadhare sure capahatthe kalapino 2-
pahaya pabbajissami tam kada su bhavissati.
|453.51| Kadaham rajaputte ca sabbalankarabhusite
citracammadhare 3- sure kancanaveludharino 4-
pahaya pabbajissami tam kada su bhavissati.
|453.52| Kadaham ariyagane vatthavante 5- alankate
haricandanalittange kasikuttamadharino 6-
pahaya pabbajissami tam kada su bhavissati.
|453.53| Kadaham amaccagane sabbalankarabhusite
pitacammadhare sure purato gacchamalino 7-
@Footnote: 1 Ma. illiyacapadharine . 2 Ma. kalapine . 3 Ma. citravammadhare . 4-6 Ma. ...
@dharine . 5 Ma. vatavante . 7 Ma. gacchamaline.
Pahaya pabbajissami tam kada su bhavissati.
|453.54| Kadaham sattasata bhariya sabbalankarabhusita
pahaya pabbajissami tam kada su bhavissati.
|453.55| Kadaham sattasata bhariya susanna tanumajjhima
pahaya pabbajissami tam kada su bhavissati.
|453.56| Kadaham sattasata bhariya assava piyabhanini
pahaya pabbajissami tam kada su bhavissati.
|453.57| Kadaham satapalakamsam sovannam satarajikam
pahaya pabbajissami tam kada su bhavissati.
|453.58| Kada su mam hatthigumba sabbalankarabhusita
suvannakaccha matanga hemakappanivasasa
|453.59| arulha gamaniyebhi tomarankusapanibhi
yantam mam nanuyissanti tam kada su bhavissati.
|453.60| Kada su mam assagumba sabbalankarabhusita
ajaniyava jatiya sindhava sighavahana
|453.61| arulha gamaniyebhi indiyacapadharibhi
yantam mam nanuyissanti tam kada su bhavissati.
|453.62| Kada su mam rathaseniyo sannaddha ussitaddhaja
dipa athopi veyyaggha sabbalankarabhusita
|453.63| arulha gamaniyebhi capahatthehi cammibhi
Yantam mam nanuyissanti tam kada su bhavissati.
|453.64| Kada su mam suvannaratha sannaddha ussitaddhaja
dipa athopi veyyaggha sabbalankarabhusita
|453.65| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.66| Kada su mam sajjhuratha sannaddha ussitaddhaja
dipa athopi veyyaggha sabbalankarabhusita
|453.67| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.68| Kada su mam assaratha sannaddha ussitaddhaja
dipa athopi veyyaggha sabbalankarabhusita
|453.69| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.70| Kada su mam ottharatha sannaddha ussitaddhaja
dipa athopi veyyaggha sabbalankarabhusita
|453.71| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.72| Kada su mam gonaratha sannaddha ussitaddhaja
dipa athopi veyyaggha sabbalankarabhusita
|453.73| arulha gamaniyebhi capahatthehi cammibhi
Yantam mam nanuyissanti tam kada su bhavissati.
|453.74| Kada su mam ajaratha sannaddha ussitaddhaja
dipa athopi veyyaggha sabbalankarabhusita
|453.75| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.76| Kada su mam mendaratha sannaddha ussitaddhaja
dipa athopi veyyaggha sabbalankarabhusita
|453.77| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.78| Kada su mam migaratha sannaddha ussitaddhaja
dipa athopi veyyaggha sabbalankarabhusita
|453.79| arulha gamaniyebhi capahatthehi cammibhi
yantam mam nanuyissanti tam kada su bhavissati.
|453.80| Kada su mam hattharoha sabbalankarabhusita
nilacammadhara sura tomarankusapanino
yantam mam nanuyissanti tam kada su bhavissati.
|453.81| Kada su mam assaroha sabbalankarabhusita
nilacammadhara sura indiyacapadharino
yantam mam nanuyissanti tam kada su bhavissati.
|453.82| Kada su mam ratharoha sabbalankarabhusita
Nilacammadhara sura capahattha kalapino
yantam mam nanuyissanti tam kada su bhavissati.
|453.83| Kada su mam dhanuggaha sabbalankarabhusita
nilacammadhara sura capahattha kalapino
yantam mam nanuyissanti tam kada su bhavissati.
|453.84| Kada su mam rajaputta sabbalankarabhusita
citracammadhara sura kancanaveladharino
yantam mam nanuyissanti tam kada su bhavissati.
|453.85| Kada su mam ariyagana vatthavanta 1- alankata
haricandanalittanga kasikuttamadharino
yantam mam nanuyissanti tam kada su bhavissati.
|453.86| Kada su mam amaccagana sabbalankarabhusita
pitacammadhara sura purato gacchamalini 2-
yantam mam nanuyissanti tam kada su bhavissati.
|453.87| Kada su mam sattasata bhariya sabbalankarabhusita
yantam mam nanuyissanti tam kada su bhavissati.
|453.88| Kada su mam sattasata bhariya susanna tanumajjhima
yantam mam nanuyissanti tam kada su bhavissati.
|453.89| Kada su mam sattasata bhariya assava piyabhanini
yantam mam nanuyissanti tam kada su bhavissati.
@Footnote: 1 Ma. vatavanta . 2 Ma. gacchamalino.
|453.90| Kadaham pattam gahetvana mundo sanghatiparuto
pindikaya carissami tam kada su bhavissati.
|453.91| Kadaham pamsukulanam ujjhitanam mahapathe
sanghatim dharayissami tam kada su bhavissati.
|453.92| Kadaham sattaham meghe 1- ovutthe allacivaro
pindikaya carissami tam kada su bhavissati.
|453.93| Kadaham sabbanham 2- gantva rukkha rukkham vana vanam
anapekkho carissami 3- tam kada su bhavissati.
|453.94| Kadaham giriduggesu pahinabhayabheravo
adutiyo gamissami 4- tam kada su bhavissati.
|453.95| Kadaham vinarujjakova 5- sattatantim manoramam
cittam ujum karissami tam kada su bhavissati.
|453.96| Kadaham rathakarova parikantam upahanam
kamasamyojane checcham ye dibbe ye ca manuse.
[454] |454.1| Ta ca sattasata bhariya sabbalankarabhusita
baha paggayha pakkandum kasma no vijahissasi.
|454.2| Ta ca sattasata bhariya susanna tanumajjhima
baha paggayha pakkandum kasma no vijahissasi.
|454.3| Ta ca sattasata bhariya assava piyabhanini
baha paggayha pakkandum kasma no vijahissasi.
@Footnote: 1 Ma. sattahasammeghe . 2 Si. Ma. sabbaham thanam. Yu. sabbaham thanam.
@3 Ma. gamissami. Si. Yu. viharissami . 4 Si. Yu. viharissami.
@5 Ma. vinamva rujjako.
|454.4| Ta ca sattasata bhariya sabbalankarabhusita
hitva sampadavi 1- raja pabbajjaya purakkhito.
|454.5| Ta ca sattasata bhariya susanna tanumajjhima
hitva sampadavi 1- raja pabbajjaya purakkhito.
|454.6| Ta ca sattasata bhariya assava piyabhanini
hitva sampadavi 1- raja pabbajjaya purakkhito.
|454.7| Hitva satapallakamsam sovannam satarajikam
aggahi mattikapattam tam dutiyabhisecanam.
[455] |455.1| Bhesma aggisama jala kosa dayhanti bhagaso
rajatam jatarupanca mutta veluriya bahu
|455.2| manayo sankhamutta ca vatthakam 2- haricandanam
ajinam dantabhandanca loham kalayasam bahum
ehi raja nivattassu ma te tam vinassa 3- dhanam.
[456] Susukham vata jivama yesanno natthi kincanam
mithilaya dayhamanaya na me kinci adayhatha.
[457] Ataviyo samuppanna rattham viddhamsayanti te
ehi raja nivattassu ma rattham vinassa 3- idam.
[458] |458.1| Susukham vata jivama yesanno natthi kincanam
ratthe vilumpamanamhi na me kinci aharatha
@Footnote: 1 Si. sampaddayi. Ma. sampaddavi . 2 Ma. vatthikam . 3 Ma. vinasa.
|458.2| Susukham vata jivama yesanno natthi kincanam
pitibhakkha bhavissama deva abhassara yatha.
[459] Kimheso mahato ghoso ka nu gameva kiliya
samana tveva pucchami katthesobhisato jano.
[460] Mamam ohaya gacchantam etthesobhisato jano
simatikkamanam yantam munimonassa pattiya
missam nandihi gacchantam kim janamanupucchasi.
[461] Massu tinno amannittho 1- sariram dharayam imam
atiraneyyamidam kammam bahu hi paripanthayo.
[462] Ko nu me paripanthassa mama evamviharino
yo neva ditthe naditthe kamanamabhipatthaye.
[463] Nidda tandi vijambhita arati bhattasammado
avasanti sarirattha bahu hi paripanthayo.
[464] Kalyanam vata mam bhavam brahmana anusasasi
brahmana tveva pucchami ko nu tvamasi marisa.
[465] |465.1| Narado iti namena kassapo iti mam vidu
bhoto sankase agacchim sadhu sabbhi samagamo.
|465.2| Tassa te sabbo anando viharo upavattatu
yadunam tam paripurehi khantiya upasamena ca.
|465.3| Pasaraya sannatanca unnatanca paharaya 2-
@Footnote: 1 Ma. amannittha . 2 Ma. pasarayu.
Kammam vijjanca dhammanca sakkatvana paribbaja.
[466] |466.1| Bahu hatthi ca asse ca nagare janapadani ca
hitva janaka pabbajito kapale 1- ratimajjhaga
|466.2| kacci nu te janapada mittamacca ca nataka
dubhim akamsu janaka kasma te tam aruccatha.
[467] Na migajina jatucche aham kinci kudacanam
adhammena jine natim na capi natayo mamam.
[468] Disvana lokavattantam khajjantam kaddamikatam
hannare vajjhare cettha yattha sanno 2- puthujjano
etaham upamam katva bhikkhakosmi migajina.
[469] Ko nu te bhagava sattha kassetam vacanam sucim 3-
na hi kappam va vijjam va paccakkhaya rathesabha
samanamahu vattantam yatha dukkhassatikkamo.
[470] |470.1| Na migajana jatucche aham kinci kudacanam
samanam brahmanam vapi sakkatva anupavisim.
|470.2| Mahata canubhavena gacchanto siriya jalam
giyamanesu gitesu vajjamanesu vaggusu
|470.3| turiyatalitasanghutthe 4- sammatalasamahite
sa migajina maddakkhim phalim ambam tirocchadam
tudamanam 5- manussehi phalakamehi jantubhi
@Footnote: 1 Si. Yu. kapalle . 2 Si. satto . 3 Ma. suci . 4 Ma. turiyatalasanghutthe.
@5 Si. tujjamanam. Ma. hannamanam. Yu. taddamanam.
|470.4| So khohatam sirim hitva orohitva migajina
mulam ambassupaganchim phalino nipphalassa ca
|470.5| phalim ambam hatam disva viddhastam vinalikatam 1-
athekam itaram ambam nilobhasam manoramam
|470.6| evameva nunamhepi issare bahukantake
amitta no vadhissanti yatha ambo phali hato
|470.7| ajinamhi hannate dipi nago dantehi hannati
dhanamhi dhanino hanti aniketamasanthavam
phali ambo aphalo ca te sattharo ubho mama.
[471] |471.1| Sabbo jano sabyadhito 2- raja pabbajito iti
hattharoha anikattha rathika pattikaraka
|471.2| assasayitva janatam thapayitva paticchadam
puttam rajje thapetvana atha paccha pabbajissasi.
[472] Catta maya janapada mittamacca ca nataka
santi putta videhanam dighavu ratthavaddhano
te rajjam karayissanti mithilayam pajapati.
[473] |473.1| Ehi tam anusikkhami yam vakyam mama ruccati
rajjam tuvam karayanti 3- papam duccaritam bahum
kayena vaca manasa yena gacchasi duggatim
|473.2| paradinnakena paranitthitena
pindena yapeti 4- sa dhiradhammo.
@Footnote: 1 Ma. vinalikatam . 2 Ma. pabyadhito . 3 Ma. karayasi . 4 Ma. yapehi.
[474] Yopi catutthe bhattakale na bhunje
ajjhutthamariva 1- khudaya miyye
na tveva pindam lulitam anariyam
kulaputtarupo sappuriso nu seve
tayidam na sadhu tayidam na sutthu
sunakhucchitthakam janaka bhunjase tuvam.
[475] Na capi me sivali so abhakkho
yam hoti cattam gihino sunakhassa va
yekeci bhoga idha dhammaladdha
sabbo so bhakkho anavayoti 2- vutto.
[476] Kumarike upaseniye niccam niggalamandite
kasma te eko bhujo janati 3- eko te na janati 3- bhujo.
[477] |477.1| Imasmim me samana hatthe patimukka dunivara 4-
sanghatta jayate saddo dutiyasseva sa gati
|477.2| imasmim me samana hatthe patimukko ekanivaro 5-
so adutiyo na janati munibhutova titthati
|477.3| vivadappatto dutiyo keneko vivadissati
tassa te saggakamassa ekattamuparocatam.
[478] |478.1| Sunasi sivali gatha kumariya pavedita
pesiya mam garahittho dutiyasseva sa gati
@Footnote: 1 Si. ajaddhumariva. Ma. ajtthamariva. Yu. ajaddhumariva . 2 Si. Yu. anavajjoti.
@3 sanati ... sanati itipi . 4 Si. Yu. dunidhura . 5 Si. Yu. ekanidhuro.
|478.2| Ayam dvedha patho bhadde anucinno pathavihi
tesam tvam ekam ganhahi ahamekam punaparam
|478.3| ma ca 1- mam tvam pati meti naham bhariyati tam puna 2-.
Imameva kathayanta thunam nagaramupagamum.
|478.4| Kotthake usukarassa bhattakale upatthite
tatra ca so usukaro ekam dandam ujum katam
ekanca cakkhum niggayha jimhamekena pekkhati.
[479] Evanno sadhu passasi usukara sunohi me
yadekam cakkhum niggayha jimhamekena pekkhasi.
[480] |480.1| Dvihi samana cakkhuhi visalam viya khayati
appatva 3- paramam 4- lingam nujubhavaya kappati.
|480.2| Ekanca cakkhum niggayha jimhamekena pekkhato
sampatva paramam lingam ujubhavaya kappati.
|480.3| Vivadappatto dutiyo keneko vivadissati
tassa te saggakamassa ekattamuparocatam.
[481] |481.1| Sunasi sivali gatha usukarena vedita
pesiya mam garahittho dutiyasseva sa gati
|481.2| ayam dvedha patho bhadde anucinno pathavihi
tesam tvam ekam ganhahi ahamekam punaparam
|481.3| neva mam 5- tvam pati meti naham bhariyati tam puna 6-
@Footnote: 1-5 Ma. ma vaca . 2-6 Ma. va puna . 3 Ma. asampatva . 4 Si. Yu. param.
Munja isaka pabyulha 1- eka vihara sivaliti.
Mahajanakajatakam dutiyam.
---------
The Pali Tipitaka in Roman Character Volume 28 page 165-185.
http://84000.org/tipitaka/pitaka_item/roman_item_s.php?book=28&item=442&items=40&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=28&item=442&items=40&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=28&item=442&items=40&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=28&item=442&items=40&modeTY=2
Study Atthakatha :-
http://84000.org/tipitaka/attha/attha.php?b=28&i=442
The Pali Atthakatha in Thai :-
http://84000.org/tipitaka/atthapali/read_th.php?B=43&A=1078
The Pali Atthakatha in Roman :-
http://84000.org/tipitaka/atthapali/read_rm.php?B=43&A=1078
Contents of The Tipitaka Volume 28
http://84000.org/tipitaka/read/?index_28
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
