[825] Nibbanamanaso naroti idhekacco danam dento silam
samadiyanto uposathakammam karonto paniyam paribhojaniyam upatthapento
parivenam sammajjanto cetiyam vandanto cetiye gandhamalam
aropento cetiyam padakkhinam karonto yankinci tedhatukam
kusalabhisankharam abhisankharonto na gatihetu na upapattihetu na
patisandhihetu na bhavahetu na samsarahetu na vattahetu sabbantam
visamyogadhippayo nibbananinno nibbanapono nibbanapabbharo
abhisankharotiti evampi nibbanamanaso naro . athava sabbasankharadhatuya
cittam pativapetva amataya dhatuya cittam upasamharati etam
Santam etam panitam yadidam sabbasankharasamatho sabbupadhipatinissaggo
tanhakkhayo virago nirodho nibbananti evampi nibbanamanaso
naro.
Na pandita upadhisukhassa hetu
dadanti danani punabbhavaya
kamanca te upadhiparikkhayaya
dadanti danam apunabbhavaya.
Na pandita upadhisukhassa hetu
bhaventi jhanani punabbhavaya
kamanca te upadhiparikkhayaya
bhaventi jhanani apunabbhavaya.
Te nibbutim abhimana 1- dadanti
tanninnacitta tadadhimuttata 2-
najjo yatha sagaramajjhagata 3-
bhavanti nibbanaparayana teti.
Nibbanamanaso naro. Tenaha bhagava
niddam tandim sahe thinam pamadena na samvase
atimane na tittheyya nibbanamanaso naroti.
[826] Mosavajjena niyyetha rupe sneham na kubbaye
mananca parijaneyya sahasa virato care.
@Footnote: 1 Ma. asisamanasa. 2 Ma. tadadhimutta. 3 Ma. sagaramajjhupeta.
[827] Mosavajjena niyyethati mosavajjam vuccati musavado .
Idhekacco sabhaggato va parisaggato va natimajjhagato va
pugamajjhagato va rajakulamajjhagato va abhinito sakkhiputtho
ehi bho purisa yam janasi tam vadehiti so ajanam va aha janamiti
janam va aha na janamiti apassam va aha passamiti passam
va aha na passamiti iti attahetu va parahetu va amisakincikkhahetu
va sampajanamusa bhasita 1- hoti idam 2- vuccati mosavajjam .
Apica tihakarehi catupancachasattaatthahakarehi .pe. imehi
atthahakarehi musavado hoti . mosavajjena niyyethati
mosavajjena na yayeyya [3]- na vuyheyya 4- na samhareyya mosavajjam
pajaheyya vinodeyya byantikareyya anabhavangameyya mosavajja
arato assa virato pativirato nikkhanto nissattho vippamutto
visannutto vimariyadikatena cetasa vihareyyati mosavajjena niyyetha.
[828] Rupe sneham na kubbayeti rupanti cattaro ca mahabhuta
catunnanca mahabhutanam upadayarupam . rupe sneham na kubbayeti
rupe sneham na kareyya chandam na kareyya pemam na kareyya ragam na
kareyya na janeyya na sanjaneyya na nibbatteyya nabhinibbatteyyati
rupe sneham na kubbaye.
[829] Mananca parijaneyyati manoti ekavidhena mano
@Footnote: 1 Po. Yu. bhasitati. 2 Po. Yu. iti. 3 Ma. na niyyayeyya. 4 Ma. na vaheyya.
[1]- Cittassa unnati . duvidhena mano attukkamsanamano
paravambhanamano . tividhena mano seyyohamasmiti mano sadisohamasmiti
mano hinohamasmiti mano . catubbidhena mano labhena manam
janeti yasena manam janeti pasamsaya manam janeti sukhena manam
janeti . pancavidhena mano labhimhi manapikanam rupananti
manam janeti [2]- manapikanam saddanam gandhanam rasanam
photthabbananti manam janeti . chabbidhena mano cakkhusampadaya
manam janeti sotasampadaya ghanasampadaya jivhasampadaya
kayasampadaya manosampadaya manam janeti.
{829.1} Sattavidhena mano mano atimano manatimano
omano [3]- adhimano asmimano micchamano . atthavidhena
mano labhena manam janeti alabhena omanam janeti yasena manam
janeti ayasena omanam janeti pasamsaya manam janeti nindaya
omanam janeti sukhena manam janeti dukkhena omanam janeti. Navavidhena
mano seyyassa seyyohamasmiti mano seyyassa sadisohamasmiti
mano seyyassa hinohamasmiti mano sadisassa seyyohamasmiti
mano sadisassa sadisohamasmiti mano sadisassa hinohamasmiti
mano hinassa seyyohamasmiti mano hinassa sadisohamasmiti mano
hinassa hinohamasmiti mano . dasavidhena mano idhekacco manam janeti
jatiya va gottena va .pe. annatarannatarena va vatthuna
@Footnote: 1 Ma. ya. 2 Ma. labhimhi. 3 Po. Ma. sadisamano.
Yo evarupo mano mannana mannitattam unnati unnamo
dhajo sampaggaho ketukamyata cittassa ayam vuccati mano.
{829.2} Mananca parijaneyyati manam tihi parinnahi
parijaneyya nataparinnaya tiranaparinnaya pahanaparinnaya .
Katama nataparinna . manam janati ayam ekavidhena mano cittassa
unnati ayam duvidhena mano attukkamsanamano paravambhanamano
.pe. ayam dasavidhena mano idhekacco manam janeti jatiya va
gottena va .pe. annatarannatarena va vatthunati janati
passati ayam nataparinna . katama tiranaparinna . evam
natva 1- manam tireti aniccato dukkhato .pe. anissaranato tireti
ayam tiranaparinna . katama pahanaparinna . evam tiretva manam
pajahati vinodeti byantikaroti anabhavangameti ayam pahanaparinna .
Mananca parijaneyyati manam imahi tihi parinnahi parijaneyyati
mananca parijaneyya.
[830] Sahasa virato careti katama sahasacariya . Rattassa
ragacariya sahasacariya dutthassa dosacariya sahasacariya mulhassa
mohacariya sahasacariya vinibandhassa manacariya sahasacariya
paramatthassa ditthicariya sahasacariya vikkhepagatassa uddhaccacariya
sahasacariya anitthangatassa vicikicchacariya sahasacariya
thamagatassa anusayacariya sahasacariya ayam sahasacariya . sahasa
@Footnote: 1 Po. etam katva. Ma. etam nattam katva.
Virato careti sahasacariyaya arato assa virato pativirato nikkhanto
nissattho vippamutto visannutto vimariyadikatena cetasa
vihareyya careyya vicareyya iriyeyya vatteyya paleyya yapeyya
yapeyyati sahasa virato care. Tenaha bhagava
mosavajjena niyyetha rupe sneham na kubbaye
mananca parijaneyya sahasa virato careti.
[831] Puranam nabhinandeyya nave khantimakubbaye
hiyamane na soceyya akassam 1- na sito siya.
[832] Puranam nabhinandeyyati purana vuccanti atita
rupa vedana sanna sankhara vinnanam [2]- . atite sankhare
tanhavasena ditthivasena nabhinandeyya nabhivadeyya na ajjhoseyya
abhinandanam abhivadanam ajjhosanam gaham paramasam abhinivesam pajaheyya
vinodeyya byantikareyya anabhavangameyyati puranam nabhinandeyya.
[833] Nave khantimakubbayeti nava vuccanti paccuppanna rupa
vedana sanna sankhara vinnanam . paccuppanne sankhare
tanhavasena ditthivasena khantim na kareyya chandam na kareyya
pemam na kareyya ragam na kareyya na janeyya na sanjaneyya na
nibbatteyya nabhinibbatteyyati nave khantimakubbaye.
[834] Hiyamane na soceyyati hiyamane hayamane
@Footnote: 1 Ma. Yu. akasam. 2 Ma. puranam vuccati.
Parihayamane vemane vigacchamane antaradhayamane na soceyya na
kilameyya na paramaseyya na parideveyya na urattalim kandeyya
na sammoham apajjeyya cakkhusmim hiyamane hayamane parihayamane
vemane vigacchamane antaradhayamane sotasmim ghanasmim jivhaya
kayasmim rupasmim saddasmim gandhasmim rasasmim photthabbasmim kulasmim
ganasmim avasasmim labhasmim yasasmim pasamsaya sukhasmim civarasmim
pindapatasmim senasanasmim gilanapaccayabhesajjaparikkharasmim
hiyamane hayamane parihayamane vemane vigacchamane
antaradhayamane na soceyya na kilameyya na paramaseyya na
parideveyya na urattalim kandeyya na sammoham apajjeyyati
hiyamane na soceyya.
[835] Akassam na sito siyati akassam vuccati tanha yo
rago sarago .pe. abhijjha lobho akusalamulam . kimkarana
akassam vuccati tanha . yaya tanhaya rupam akassati
samakassati ganhati paramasati abhinivisati vedanam sannam
sankhare vinnanam gatim upapattim patisandhim bhavam samsaram vattam
akassati samakassati ganhati paramasati abhinivisati
tamkarana akassam vuccati tanha . akassam na sito siyati
tanham na sito siya 1- tanham pajaheyya vinodeyya byantikareyya
anabhavangameyya tanhaya arato assa virato pativirato nikkhanto
@Footnote: 1 Ma. tanha nissito na siya.
Nissattho vippamutto visannutto vimariyadikatena cetasa
vihareyyati akassam na sito siya. Tenaha bhagava
puranam nabhinandeyya nave khantimakubbaye
hiyamane na soceyya akassam na sito siyati.
[836] Gedham brumi mahoghoti acamam 1- brumi jappanam
arammanam pakappanam kamapanko duraccayo.
[837] Gedham brumi mahoghoti 2- gedho vuccati tanha yo
rago sarago .pe. abhijjha lobho akusalamulam . mahogho
vuccati tanha yo rago sarago .pe. abhijjha lobho
akusalamulam . gedham brumi mahoghoti gedham mahoghoti brumi acikkhami
desemi pannapemi patthapemi vivarami vibhajami uttanikaromi
pakasemiti gedham brumi mahoghoti.
[838] Acamam brumi jappananti acama vuccati tanha yo
rago sarago .pe. abhijjha lobho akusalamulam . jappanapi
vuccati tanha yo rago sarago .pe. abhijjha lobho akusalamulam.
Acamam brumi jappananti acamam jappanati brumi acikkhami desemi
pannapemi patthapemi vivarami vibhajami uttanikaromi pakasemiti
acamam brumi jappanam.
[839] Arammanam pakappananti arammana 3- vuccati tanha
@Footnote: 1 Ma. Yu. ajavam. 2 Ma. Yu. mahoghotiti. 3 Ma. arammanampi.
Yo rago sarago .pe. abhijjha lobho akusalamulam . pakappanapi
vuccati tanha yo rago sarago .pe. abhijjha lobho akusalamulanti
arammanam pakappanam.
[840] Kamapanko duraccayoti kamapanko kamakaddamo kamakileso
kamapalipo kamapalibodho duraccayo durativatto duttaro
duppataro dussamatikkamo dubbitivattoti kamapanko duraccayo .
Tenaha bhagava
gedham brumi mahoghoti acamam brumi jappanam
arammanam pakappanam kamapanko duraccayoti.
[841] Sacca avokkamam muni thale titthati brahmano
sabbam so patinissajja save santoti vuccati.
[842] Sacca avokkamam muniti saccavacaya avokkamanto
sammaditthiya avokkamanto ariya atthangika magga
avokkamanto . muniti monam vuccati nanam ya panna pajanana
.pe. Sangajalamaticca so muniti sacca avokkamam muni.
[843] Thale titthati brahmanoti thalam vuccati amatam nibbanam
yo so sabbasankharasamatho sabbupadhipatinissaggo tanhakkhayo virago
nirodho nibbanam . brahmanoti sattannam dhammanam vahitatta
brahmano .pe. anissito tadi pavuccate sa brahma .
Thale titthati brahmanoti brahmano thale titthati dipe titthati
Tane titthati lene titthati sarane titthati abhaye titthati
accute titthati amate titthati nibbane titthatiti thale titthati
brahmano.
[844] Sabbam so patinissajjati sabbam vuccati dvadasayatanani
cakkhunceva rupa ca .pe. manoceva dhamma ca. Yato ajjhattikabahiresu
ayatanesu chandarago pahino hoti ucchinnamulo talavatthukato
anabhavangato ayatim anuppadadhammo ettavatapi sabbam
cattam hoti vantam muttam pahinam patinissattham . yato tanha ca
ditthi ca mano ca pahina honti ucchinnamula talavatthukata
anabhavangata 1- ayatim anuppadadhamma ettavatapi sabbam cattam
hoti vantam muttam pahinam patinissattham . yato punnabhisankharo
ca apunnabhisankharo ca anenjabhisankharo ca pahina honti
ucchinnamula talavatthukata anabhavangata ayatim anuppadadhamma
ettavatapi sabbam cattam hoti vantam muttam pahinam patinissatthanti
sabbam so patinissajja.
[845] Save santoti vuccatiti so santo upasanto vupasanto
nibbuto patippassaddhoti vuccati kathiyati bhaniyati dipiyati vohariyatiti
save santoti vuccati. Tenaha bhagava
sacca avokkamam muni thale titthati brahmano
sabbam so patinissajja save santoti vuccatiti.
@Footnote: 1 Ma. anabhavankata. Po. Yu. abhavangata.
[846] Sa ve viddha 1- sa vedagu natva dhammam anissito
samma so loke iriyano nappihetidha kassaci.
[847] Sa ve viddha sa vedaguti viddhati viddha vijjagato
nani buddhima vibhavi medhavi . vedaguti vedo vuccati 2- catusu
maggesu nanam .pe. sabbavedanasu vitarago sabbavedamaticca
vedagu soti sa ve viddha sa vedagu.
[848] Natva dhammam anissitoti [3]- natva janitva tulayitva
tirayitva vibhavayitva vibhutam katva sabbe sankhara aniccati
natva janitva tulayitva tirayitva vibhavayitva vibhutam katva
sabbe sankhara dukkhati .pe. yankinci samudayadhammam sabbantam
nirodhadhammanti natva janitva tulayitva tirayitva vibhavayitva
vibhutam katva . anissitoti dve nissaya tanhanissayo ca
ditthinissayo ca .pe. ayam tanhanissayo .pe. ayam ditthinissayo .
Tanhanissayam pahaya ditthinissayam patinissajjitva cakkhum anissito
sotam anissito ghanam anissito .pe. ditthasutamutavinnatabbe
dhamme anissito anallino anupagato anajjhosito anadhimutto
nikkhanto nissattho vippamutto visannutto vimariyadikatena
cetasa viharatiti natva dhammam anissito.
[849] Samma so loke iriyanoti yato ajjhattikabahiresu
ayatanesu chandarago pahino hoti ucchinnamulo talavatthukato
@Footnote: 1 Ma. Yu. vidva. 2 Ma. veda vuccanti. Yu. veda vuccati. 3 Ma. natvati.
Anabhavangato ayatim anuppadadhammo ettavatapi samma so
loke carati viharati iriyati vattati paleti yapeti yapeti . yato
punnabhisankharo ca apunnabhisankharo ca anenjabhisankharo
ca pahina honti ucchinnamula talavatthukata anabhavangata
ayatim anuppadadhamma ettavatapi samma so loke carati viharati
iriyati vattati paleti yapeti yapetiti samma so loke iriyano.
[850] Nappihetidha kassaciti piha vuccati tanha yo rago
sarago .pe. abhijjha lobho akusalamulam . yassesa piha
tanha pahina samucchinna vupasanta patippassaddha abhabbuppattika
nanaggina daddha so kassaci nappiheti khattiyassa va
brahmanassa va vessassa va suddassa va gahatthassa va
pabbajitassa va devassa va manussassa vati nappihetidha
kassaci. Tenaha bhagava
sa ve viddha sa vedagu natva dhammam anissito
samma so loke iriyano nappihetidha kassaciti.
[851] Yo ca 1- kame accatari sangam loke duraccayam
na so socati najjheti chinnasoto abandhano.
[852] Yo ca kame accatari sangam loke duraccayanti yoti
yo yadiso yathayutto yathavihito yathapakaro yanthanappatto
@Footnote: 1 Ma. yodha.
Yamdhammasamannagato khattiyo va brahmano va vesso va suddo
va gahattho va pabbajito va devo va manusso va . Kamati
uddanato dve kama vatthukama ca kilesakama ca .pe.
Ime vuccanti vatthukama .pe. ime vuccanti kilesakama .
Sangati satta sanga ragasango dosasango mohasango manasango
ditthisango kilesasango duccaritasango . loketi apayaloke
manussaloke devaloke khandhaloke dhatuloke ayatanaloke .
Duraccayanti yo kame ca sange ca loke duraccaye durativatte
duttare duppatare dussamatikkame dubbitivatte attari uttari
pattari samatikkami vitivattayiti yo ca kame accatari sangam
loke duraccayam.
[853] Na so socati najjhetiti viparinatam va vatthum na
socati viparinatasmim va vatthusmim na socati cakkhu me viparinatanti
na socati sotam me ghanam me jivha me kayo me rupa me sadda
me gandha me rasa me photthabba me kulam me gano me
avaso me labho me yaso me pasamsa me sukham me civaram me
pindapato me senasanam me gilanapaccayabhesajjaparikkhara
me mata me pita me bhata me bhagini me putto me dhita
me mitta me amacca me natisalohita me viparinatati
na socati na kilamati na paridevati na urattalim kandati
Na sammoham apajjatiti na socati . najjhetiti najjheti na
ajjheti na upanijjhayati na nijjhayati na pajjhayati . athava
na jayati na jiyati na miyati na cavati na upapajjatiti [1]- na so
socati najjheti.
[854] Chinnasoto abandhanoti sota vuccati tanha yo
rago sarago .pe. abhijjha lobho akusalamulam . yassesa
sota tanha pahina samucchinna vupasanta patippassaddha
abhabbuppattika nanaggina daddha so vuccati chinnasoto .
Abandhanoti satta bandhanani ragabandhanam dosabandhanam mohabandhanam
manabandhanam ditthibandhanam kilesabandhanam duccaritabandhanam . yassetani
bandhanani pahinani samucchinnani vupasantani patippassaddhani
abhabbuppattikani nanaggina daddhani so vuccati abandhanoti
chinnasoto abandhano. Tenaha bhagava
yo ca kame accatari sangam loke duraccayam
na so socati najjheti chinnasoto abandhanoti.
[855] Yam pubbe tam visosehi paccha te mahu kincanam
majjhe ce no gahessasi upasanto carissasi.
[856] Yam pubbe tam visosehiti atite sankhare arabbha ye
kilesa uppajjeyyum te kilese sosehi visosehi sukkhapehi [2]-
pajahehi vinodehi byantikarohi anabhavangamehiti evampi yam pubbe
@Footnote: 1 Ma. najjhetiti. 2 Ma. visukkhapehi abijam karohi.
Tam visosehi . athava ye atita kammabhisankhara avipakkavipaka
te kammabhisankhare sosehi visosehi sukkhapehi abijam karohi
pajahehi vinodehi byantikarohi anabhavangamehiti evampi yam
pubbe tam visosehi.
[857] Paccha te mahu kincananti paccha vuccati anagatam .
Anagate sankhare arabbha yani uppajjeyyum ragakincanam dosakincanam
mohakincanam manakincanam ditthikincanam kilesakincanam duccaritakincanam
imani kincanani tuyham ma ahu ma patumakasi ma janesi ma
sanjanesi ma nibbattesi ma abhinibbattesi pajahehi vinodehi
byantikarohi anabhavangamehiti paccha te mahu kincanam.
[858] Majjhe ce no gahessasiti majjham vuccanti paccuppanna
rupa vedana sanna sankhara vinnanam 1- . paccuppanne
sankhare tanhavasena ditthivasena na gahessasi na uggahessasi na
ganhissasi na paramasissasi nabhinandissasi nabhivadissasi 2- na
ajjhosissasi abhinandanam abhivadanam ajjhosanam gaham paramasam abhinivesam
pajahissasi vinodissasi byantikarissasi anabhavangamissasiti majjhe
ce no gahessasi.
[859] Upasanto carissasiti ragassa santatta santo 3- dosassa
santatta santo 4- .pe. sabbakusalabhisankharanam santatta
samitatta [5]- vupasamitatta vijjhatatta nibbutatta vigatatta
@Footnote: 1 Ma. majnam vuccati paccuppanna rupavedana .. vinnana. 2 Ma. nabhicarissasi.
@3-4 Ma. samitatta upasamitatta. 5 Ma. upasamitatta.
Patippassaddhatta santo upasanto vupasanto nibbuto patippassaddho
carissasi viharissasi iriyissasi vattissasi palissasi yapissasi yapissasiti
upasanto carissasi. Tenaha bhagava
yam pubbe tam visosehi paccha te mahu kincanam
majjhe ce no gahessasi upasanto carissasiti.
[860] Sabbaso namarupasmim yassa natthi mamayitam
asata ca na socati sa ve loke na jiyyati.
[861] Sabbaso namarupasmim yassa natthi mamayitanti sabbasoti
sabbena sabbam sabbatha sabbam asesam nissesam pariyadayavacanametam
sabbasoti . namanti cattaro arupino khandha . rupanti cattaro ca
mahabhuta catunnanca mahabhutanam upadayarupam . yassati arahato
khinasavassa . mamattanti dve mamatta tanhamamattanca
ditthimamattanca .pe. idam tanhamamattam .pe. idam ditthimamattam .
Sabbaso namarupasmim yassa natthi mamayitanti sabbaso namarupasmim
mamatta yassa natthi [1]- na samvijjanti nupalabbhanti pahina
samucchinna vupasanta patippassaddha abhabbuppattika
nanaggina daddhati sabbaso namarupasmim yassa natthi mamayitam.
[862] Asata ca na socatiti viparinatam va vatthum na socati
viparinatasmim va vatthusmim na socati cakkhu me viparinatanti na
socati sotam me ghanam me jivha me kayo me rupa me
@Footnote: 1 Ma. na santi.
Sadda me gandha me rasa me photthabba me kulam me gano me
avaso me labho me .pe. natisalohita me viparinatati
na socati na kilamati na paridevati na urattalim kandati na sammoham
apajjatiti evampi asata ca na socati . athava asataya
dukkhaya vedanaya phuttho pareto samohito samannagato na
socati na kilamati na paridevati na urattalim kandati na sammoham
apajjatiti evampi asata ca na socati . athava cakkhurogena
phuttho pareto .pe. damsamakasavatatapasirimsapasamphassehi
phuttho pareto samohito samannagato na socati na kilamati na
paridevati na urattalim kandati na sammoham apajjatiti evampi
asata ca na socati . athava asante asamvijjamane anupalabbhiyamane
ahu vata me tam vata me natthi siya vata me tam vataham na labhamiti
na socati na kilamati na paridevati na urattalim kandati na sammoham
apajjatiti evampi asata ca na socati.
[863] Sa ve loke na jiyyatiti yassa mayham va idam paresam
va idanti kinci rupagatam vedanagatam sannagatam sankharagatam
vinnanagatam gahitam paramattham abhinivittham ajjhositam adhimuttam
atthi tassa jani atthi. Bhasitampi hetam
jinno rathassamanikundale 1- ca
putte ca dare ca tatheva jinno
@Footnote: 1 Ma. rathassam manikundale.
Sabbesu bhogesu asevitesu
kasma na santappasi sokakale.
Pubbeva maccam vijahanti bhoga
maccova ne pubbataram jahati 1-
assaka 2- bhogino 3- kamakami
tasma na socamaham sokakale.
Udeti apurati veti cando
attham gametvana paleti suriyo 4-
vidita maya attha 5- lokadhamma
tasma na socamaham sokakaleti.
{863.1} Yassa mayham va idam paresam va idanti kinci rupagatam
vedanagatam sannagatam sankharagatam vinnanagatam gahitam paramattham
abhinivittham ajjhositam adhimuttam natthi tassa jani natthi . bhasitampi
hetam nandasi samanati kim laddha avusoti tenahi samana socasiti
kim jiyittha avusoti tenahi samana neva nandasi na socasiti
evamavusoti.
Cirassam vata passama brahmanam parinibbutam
anandim anigham bhikkhum tinnam loke visattikanti.
Sa ve loke na jiyyati. Tenaha bhagava
@Footnote: 1 Ma. jahasi. 2 Ma. Yu. asassata. 3 Ma. bhavino. 4 Ma. andham tapetvana
@paleti suriyo. 5 Ma. Yu. sattuka. idam alapanam.
Sabbaso namarupasmim yassa natthi mamayitam
asata ca na socati sa ve loke na jiyyatiti.
[864] Yassa natthi idam meti paresam vapi kincanam
mamattam so asamvindam natthi meti na socati.
[865] Yassa natthi idam meti paresam vapi kincananti yassati
arahato khinasavassa . yassa mayham va idam paresam va idanti kinci
rupagatam vedanagatam sannagatam sankharagatam vinnanagatam gahitam
paramattham abhinivittham ajjhositam adhimuttam natthi [1]- na samvijjati
nupalabbhati pahinam samucchinnam vupasantam patippassaddham abhabbuppattikam
nanaggina daddhanti evampi yassa natthi idam meti paresam vapi
kincanam.
{865.1} Vuttam hetam bhagavata nayam bhikkhave kayo tumhakam napi
annesam puranamidam bhikkhave kammam abhisankhatam abhisancetayitam
vedaniyam datthabbam tatra bhikkhave sutava ariyasavako paticcasamuppadamyeva
sadhukam yoniso manasikaroti iti imasmim sati idam hoti imassuppada
idam uppajjati imasmim asati idam na hoti imassa nirodha idam nirujjhati
yadidam avijjapaccaya sankhara sankharapaccaya vinnanam .pe.
Evametassa kevalassa dukkhakkhandhassa samudayo hoti avijjayatveva
asesaviraganirodha sankharanirodho .pe. evametassa kevalassa
dukkhakkhandhassa nirodho hotiti . evampi yassa natthi idam meti
paresam vapi kincanam.
@Footnote: 1 Po. Ma. na santi.
{865.2} Vuttam hetam bhagavata
sunnato lokam avekkhassu mogharaja sada sato
attanuditthim uhacca evam maccuttaro siya
evam lokam avekkhantam maccuraja na passatiti.
Evampi [1]- yassa natthi idam me paresam vapi kincanam.
{865.3} Vuttam hetam bhagavata yam bhikkhave na tumhakam tam pajahatha
tam vo pahinam digharattam hitaya sukhaya bhavissatiti . kinca bhikkhave
na tumhakam rupam bhikkhave na tumhakam tam pajahatha tam vo pahinam
digharattam hitaya sukhaya bhavissati vedana sanna sankhara
vinnanam na tumhakam tam pajahatha tam vo pahinam digharattam hitaya
sukhaya bhavissati tam kim mannatha bhikkhave yam imasmim jetavane
tinakatthasakhapalasam tam jano hareyya va daheyya va
yathapaccayam va kareyya apinu tumhakam evamassa amhe jano
harati va dahati va yathapaccayam va karotiti . nohetam bhante .
Tam kissa hetu . na hi no etam bhante atta va attaniyam
va . evam 2- kho bhikkhave yam na tumhakam tam pajahatha tam vo
pahinam digharattam hitaya sukhaya bhavissatiti . kinca bhikkhave na
tumhakam rupam bhikkhave na tumhakam tam pajahatha tam vo pahinam
digharattam hitaya sukhaya bhavissati vedana sanna sankhara
vinnanam na tumhakam tam pajahatha tam vo pahinam digharattam hitaya
@Footnote: 1 Po. bhikkhave. 2 Ma. Yu. evameva.
Sukhaya bhavissatiti . evampi yassa natthi idam meti paresam vapi
kincanam.
{865.4} Bhasitampi hetam
suddhagamasamuppadam suddhasankharasantatim
passantassa yathabhutam na bhayam hoti gamani
tinakatthasamam lokam yada pannaya passati
nannam patthayate kinci annatra appatisandhiyati.
[1]- Vajira bhikkhuni maram papimantam etadavoca
kannu sattoti paccesi mara ditthigatam nu te
suddhasankharapunjoyam nayidha sattupalabbhati
yathapi 2- angasambhara hoti saddo ratho iti
evam khandhesu santesu hoti sattoti sammati
dukkhameva hi sambhoti dukkham titthati veti ca
nannatra dukkha sambhoti nannam dukkha nirujjhatiti.
Evampi yassa natthi idam meti paresam vapi kincanam.
{865.5} Evameva kho bhikkhave bhikkhu rupam samannesati yavata
rupassa gati vedanam sannam sankhare vinnanam samannesati yavata
vinnanassa gati tassa rupam samannesato yavata rupassa
gati vedanam sannam sankhare vinnanam samannesato yavata
vinnanassa gati yampi 3- yassa hoti ahanti va mamanti va
@Footnote: 1 Po. Ma. evampi yassa natthi idam meti paresam vapi kincanam. 2 Ma. yathahi.
@3 Ma. yampissa.
Asmiti va tampi tassa na hotiti . evampi yassa natthi idam
meti paresam vapi kincanam.
{865.6} Ayasma anando bhagavantam etadavoca sunno loko
sunno lokoti bhante vuccati kittavata nu kho bhante sunno lokoti
vuccatiti . yasma kho ananda sunnam attena va attaniyena
va tasma sunno lokoti vuccatiti . kincananda sunnam
attena va attaniyena va cakkhu kho ananda sunnam attena
va attaniyena va rupa sunna cakkhuvinnanam sunnam
cakkhusamphasso sunno yadidam cakkhusamphassapaccaya uppajjati
vedayitam sukham va dukkham va adukkhamasukham va tampi sunnam sotam
sunnam saddam sunnam ghanam sunnam gandham sunnam jivha
sunna rasa sunna kayo sunno photthabba sunna
mano sunno dhammo sunno manovinnanam sunnam
manosamphasso sunno yadidam manosamphassapaccaya uppajjati
vedayitam sukham va dukkham va adukkhamasukham va tampi sunnam attena va
attaniyena va yasma kho ananda sunnam attena va attaniyena
va tasma sunno lokoti vuccatiti . evampi yassa natthi
idam meti paresam vapi kincanam.
[866] Mamattam so asamvindanti mamattati dve mamatta
tanhamamattanca ditthimamattanca .pe. idam tanhamamattam .pe.
@Footnote: 1 Ma. itisaddo na dissati.
Idam ditthimamattam . tanhamamattam pahaya ditthimamattam
patinissajjitva mamattam avindanto asamvindanto anadhigacchanto
appatilabhantoti mamattam so asamvindam.
[867] Natthi meti na socatiti viparinatam va vatthum na socati
viparinatasmim va vatthusmim na socati cakkhu me viparinatanti na
socati sotam me .pe. salohita me viparinatati na socati
na kilamati na paridevati na urattalim kandati na sammoham apajjatiti
natthi meti na socati. Tenaha bhagava
yassa natthi idam meti paresam vapi kincanam
mamattam so asamvindam natthi meti na socatiti.
[868] Anitthuri ananugiddho anejo sabbadhi samo
tamanisamsam pabrumi pucchito avikampinam.
[869] Anitthuri ananugiddhoti 1- katamam nitthuriyam . Idhekacco
nitthuri hoti paralabhasakkaragarukaramananavandanapujanasu issati ussuyati
issam bandhati yam evarupam nitthuriyam nitthuriyakammam issa issayana
issayitattam ussuya ussuyana ussuyitattam idam vuccati nitthuriyam .
Yassetam nitthuriyam pahinam samucchinnam vupasantam patippassaddham
abhabbuppattikam nanaggina daddham so vuccati anitthuriti anitthuri .
Ananugiddhoti gedho vuccati tanha yo rago sarago .pe.
Abhijjha lobho akusalamulam . yasseso gedho pahino samucchinno
@Footnote: 1 Po. Ma. Yu. ... samoti.
Vupasanto patippassaddho abhabbuppattiko nanaggina daddho
so vuccati ananugiddho . so rupe agiddho .pe. dittha sutamuta
vinnatabbesu dhammesu agiddho agadhito amucchito anajjhopanno
vitagedho vigatagedho cattagedho vantagedho muttagedho pahinagedho
patinissatthagedho vitarago vigatarago cattarago vantarago
muttarago pahinarago patinissattharago nicchato nibbuto sitibhuto
sukhapatisamvedi brahmabhutena attana viharatiti anitthuri ananugiddho.
[870] Anejo sabbadhi samoti eja vuccati tanha yo rago
sarago .pe. abhijjha lobho akusalamulam . yassesa eja
tanha pahina samucchinna vupasanta patippassaddha
abhabbuppattika nanaggina daddha so vuccati anejo . ejaya
pahinatta anejo so labhepi na injati alabhepi na injati
yasepi na injati ayasepi na injati pasamsayapi na injati
nindayapi na injati sukhepi na injati dukkhepi na injati
na calati na vedhati nappavedhati na sampavedhatiti anejo . sabbadhi
samoti sabbam vuccati dvadasayatanani cakkhu ceva rupa ca .pe.
Mano ceva dhamma ca . yato ajjhattikabahiresu ayatanesu
chandarago pahino hoti ucchinnamulo talavatthukato anabhavangato
ayatim anuppadadhammo so vuccati sabbattha samo sabbattha tadi
sabbattha majjhatto sabbattha upekkhakoti anejo sabbadhi samo.
[871] Tamanisamsam pabrumi pucchito avikampinanti avikampinam
puggalanam 1- puttho pucchito yacito ajjhesito pasadito ime
cattaro anisamse pabrumi yo so anitthuri ananugiddho anejo
sabbadhi samoti brumi acikkhami .pe. pakasemiti tamanisamsam
pabrumi pucchito avikampinam. Tenaha bhagava
anitthuri ananugiddho anejo sabbadhi samo
tamanisamsam pabrumi pucchito avikampinanti.
[872] Anejassa vijanato natthi kaci nisankhiti 2-
virato so viyarambha 3- khemam passati sabbadhi.
[873] Anejassa vijanatoti eja vuccati tanha yo rago
sarago .pe. abhijjha lobho akusalamulam . yassesa eja tanha
pahina samucchinna vupasanta patippassaddha abhabbuppattika
nanaggina daddha so vuccati anejo . ejaya pahinatta
anejo so labhepi na injati alabhepi na injati yasepi
na injati ayasepi na injati pasamsayapi na injati
nindayapi na injati sukhepi na injati dukkhepi na injati
na calati na vedhati nappavedhati na sampavedhatiti anejassa .
Vijanatoti janato ajanato vijanato pativijanato pativijjhato
sabbe sankhara aniccati janato ajanato vijanato pativijanato
pativijjhato sabbe sankhara dukkhati .pe. yankinci samudayadhammam
@Footnote: 1 Ma. puggalam . 2 Ma. nisankhati . 3 Ma. viyarabbha.
Sabbantam nirodhadhammanti janato ajanato vijanato pativijanato
pativijjhatoti anejassa vijanato.
[874] Natthi kaci nisankhititi nisankhitiyo vuccanti punnabhisankharo
apunnabhisankharo anenjabhisankharo . yato punnabhisankharo
ca apunnabhisankharo ca anenjabhisankharo ca pahina honti
ucchinnamula talavatthukata anabhavangata ayatim anuppadadhamma
ettavata nisankhitiyo natthi na samvijjanti nupalabbhanti pahina
samucchinna vupasanta patippassaddha abhabbuppattika
nanaggina daddhati natthi kaci nisankhiti.
[875] Virato so viyarambhati viyarambho vuccati punnabhisankharo
apunnabhisankharo anenjabhisankharo . yato punnabhisankharo
ca apunnabhisankharo ca anenjabhisankharo ca pahina honti
ucchinnamula talavatthukata anabhavangata ayatim anuppadadhamma
ettavata viyarambha arato assa virato pativirato nikkhanto
nissattho vippamutto visannutto vimariyadikatena cetasa
viharatiti 1- virato so viyarambha.
[876] Khemam passati sabbadhiti bhayakaro rago bhayakaro doso
bhayakaro moho .pe. bhayakara kilesa . bhayakarassa ragassa
pahinatta .pe. bhayakaranam kilesanam pahinatta sabbattha khemam
passati sabbattha abhayam passati sabbattha anitikam passati
@Footnote: 1 Yu. vihareyyati.
Sabbattha anupaddavam passati sabbattha anupasaggam passati sabbattha
passaddham 1- passatiti khemam passati sabbadhi. Tenaha bhagava
anejassa vijanato natthi kaci nisankhiti
virato so viyarambha khemam passati sabbadhiti.
[877] Na samesu na omesu na ussesu vadate muni
santo so vitamaccharo nadeti na nirassatiti (bhagava).
[878] Na samesu na omesu na ussesu vadate muniti [2]- monam
vuccati nanam ya panna pajanana .pe. sangajalamaticca so
muniti . muni seyyohamasmiti va sadisohamasmiti va hinohamasmiti
va na vadati na katheti na bhanati na dipayati na voharatiti na samesu na
omesu na ussesu vadate muni.
[879] Santo so vitamaccharoti santoti ragassa santatta 3-
santo dosassa mohassa .pe. sabbakusalabhisankharanam santatta
samitatta vupasamitatta vijjhatatta nibbutatta vigatatta
patippassaddhatta santo upasanto vupasanto nibbuto patippassaddhoti
santo so . vitamaccharoti panca macchariyani avasamacchariyam .pe.
Gaho idam vuccati macchariyam . yassetam macchariyam pahinam samucchinnam
vupasantam patippassaddham abhabbuppattikam nanaggina daddham so
vuccati vitamaccharo vigatamaccharo cattamaccharo vantamaccharo muttamaccharo
pahinamaccharo patinissatthamaccharoti santo so vitamaccharo.
@Footnote: 1 Ma. anupasatthattam. 2 Ma. muniti. 3 Po. Ma. samitatta.
[880] Nadeti na nirassatiti bhagavati nadetiti rupam nadeti 1-
nadiyati na upadiyati na ganhati na paramasati nabhinivisati
vedanam sannam sankhare vinnanam gatim upapattim patisandhim
bhavam samsaram vattam nadeti 2- nadiyati na upadiyati na ganhati
na paramasati nabhinivisatiti nadeti . na nirassatiti rupam na
pajahati na vinodeti na byantikaroti na anabhavangameti vedanam
sannam sankhare vinnanam gatim upapattim patisandhim bhavam
samsaram vattam na pajahati na vinodeti na byantikaroti na
anabhavangametiti na nirassati . bhagavati garavadhivacanam .pe.
Sacchika pannatti yadidam bhagavati. Tenaha bhagava
na samesu na omesu na ussesu vadate muni
santo so vitamaccharo nadeti na nirassatiti (bhagava).
Pannarasamo attadandasuttaniddeso nitthito.
--------------------
@Footnote: 1-2 Ma. ayam patho natthi.
The Pali Tipitaka in Roman Character Volume 29 page 516-543.
http://84000.org/tipitaka/pitaka_item/roman_item_s.php?book=29&item=825&items=56&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=29&item=825&items=56&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=29&item=825&items=56&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=29&item=825&items=56&modeTY=2
Study Atthakatha :-
http://84000.org/tipitaka/attha/attha.php?b=29&i=825
The Pali Atthakatha in Thai :-
http://84000.org/tipitaka/atthapali/read_th.php?B=45&A=9860
The Pali Atthakatha in Roman :-
http://84000.org/tipitaka/atthapali/read_rm.php?B=45&A=9860
Contents of The Tipitaka Volume 29
http://84000.org/tipitaka/read/?index_29
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
