Ekunavisatimo kutajapupphiyavaggo
pathamam kutajapupphiyattherapadanam (181)
[183] |183.1| Suvannavannam sambuddham sataramsiva uttamam 1-
disam anuvilokentam gacchantam anilanjase.
|183.2| Kutajam pupphitam disva samvitthakasamotthakam 2-
rukkhato ocinitvana phussassa abhiropayim.
|183.3| Dvenavute ito kappe yam puppham abhiropayim
duggatim nabhijanami buddhapujayidam phalam.
|183.4| Ito sattarase kappe tayo asimsu 3- pupphita
sattaratanasampanna cakkavatti mahabbala.
|183.5| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma kutajapupphiyo thero ima gathayo
abhasitthati.
Kutajapupphiyattherassa apadanam samattam.
Dutiyam bandhujivakattherapadanam (182)
[184] |184.6| Sobhito 4- nama sambuddho sayambhu sabbhivannito
samadhim so samapanno nisidi pabbatantare.
@Footnote: 1 Ma. Yu. uggatam. 2 Ma. samvitathatasamotthatam. Yu. ham vitthatasamotthatam.
@3 Ma. tayo asum supupphita. 4 Ma. Yu. siddhattho.
|184.7| Jatassare gavesanto dakajam pupphamuttamam
bandhujivakapupphani addasam samanantaram.
|184.8| Ubhohatthehi paggayha upagacchim mahamunim
pasannacitto sumano sobhitassabhiropayim 1-.
|184.9| Catunavute ito kappe yam pupphamabhiropayim
duggatim nabhijanami buddhapujayidam phalam.
|184.10| Ito catuddase kappe eko asim janadhipo
samuddakappo namena cakkavatti mahabbalo.
|184.11| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma bandhujivako thero ima gathayo
abhasitthati.
Bandhujivakattherassa apadanam samattam.
Tatiyam kotumbariyattherapadanam (183)
[185] |185.12| Kanikaramva jotantam nisinnam pabbatantare
appameyyamva udadhim uddhatam 2- dharanim yatha.
|185.13| Puretam 3- devasanghena nisabhajaniyam yatha.
Hattho hatthena cittena upaganchim naruttamam.
@Footnote: 1 Ma. Yu. siddhatthassabhiropayim. 2 Ma. vitthatam. 3 Ma. pujitam. Yu. paretam.
|185.14| Satta pupphani paggayha kotumbaram samakulam
buddhassa abhiropesim sikhino lokabandhuno.
|185.15| Ekattimse ito kappe yam pupphamabhiropayim
duggatim nabhijanami buddhapujayidam phalam.
|185.16| Ito visatikappamhi mahanelasanamako
eko asim mahatejo cakkavatti mahabbalo.
|185.17| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma kotumbariyo thero ima gathayo
abhasitthati.
Kotumbariyattherassa apadanam samattam.
Catuttham pancahatthiyattherapadanam (184)
[186] |186.18| Tisso namasi bhagava lokajettho narasabho
purakkhato savakehi rathiyam patipajjatha.
|186.19| Panca uppalahattha ca catuotthapita 1- maya
ahutim datukamoham puttomhi 2- hitasiddhiya.
|186.20| Suvannavannam sambuddham gacchantam antarapane
buddharamsihi 3- phutthomhi 4- pujesim dipaduttamam.
@Footnote: 1 Ma. catura thapita maya. Yu. caturotthapita maya. 2 Ma. pagganhim vatasiddhiya.
@Yu. mugomhi .... 3 Yu. buddharamsabhi ghutthomhi. 4 Ma. phutthosmi.
|186.21| Dvenavute ito kappe yam pupphamabhiropayim
duggatim nabhijanami buddhapujayidam phalam.
|186.22| Ito terasakappamhi panca sulabhasammata 1-
sattaratanasampanna cakkavatti mahabbala.
|186.23| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma pancahatthiyo thero ima gathayo
abhasitthati.
Pancahatthiyattherassa apadanam samattam.
Pancamam isimuggadayakattherapadanam (185)
[187] |187.24| Udentam sataramsiva pitaramsiva 2- bhanumam
kakudham vilasantamva padumuttaranayakam.
|187.25| Isimuggam 3- nimantetva madhukhudde anilake
pasadepi 4- thito santo adasim lokabandhuno.
|187.26| Atthasatasahassani ahesum buddhasavaka
sabbesam patta purentam tato vapi 5- bahutaram.
|187.27| Tena cittappasadena sukkamulena codito
kappanam satasahassam duggatim nupapajjaham.
@Footnote: 1 Ma. panca susabhasammata. Yu. pancasu sabhasammata. 2 Yu. uggatam iva ....
@3 Ma. isimuggani pisitva. Yu. isimugga nisandetva. 4 Ma. Yu. ... va.
@5 Ma. Yu. capi.
|187.28| Cattalisamhi sahasse kappanam atthatimsate
mahisamantanama 1- te cakkavatti mahabbala.
|187.29| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma isimuggadayako thero ima gathayo
abhasitthati.
Isimuggadayakattherassa apadanam samattam.
Chattham bodhiupatthayakattherapadanam (186)
[188] |188.30| Nagare rammavatiya asim murajavadako 2-
niccupatthanayuttomhi gatoham bodhimuttamam.
|188.31| Sayam patam upatthitva sukkamulena codito
attharase kappasate duggatim nupapajjaham.
|188.32| Pancadase kappasate itohosim 3- janadhipo
damatho 4- nama namena cakkavatti mahabbalo.
|188.33| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma bodhiupatthayako 5- thero ima gathayo
abhasitthati.
Bodhiupatthayakattherassa apadanam samattam.
@Footnote: 1 Ma. isimuggasanama te. 2 Yu. murajanamako. 3 Yu. rajahosim.
@4 Ma. murajo .... 5 Ma. bodhiupatthako.
Sattamam ekacintikattherapadanam (187)
[189] |189.34| Yada devo devakaya cavate ayusankhaya
tayo sadda niccharanti devanam anumodatam.
|189.35| Ito bho sugatim gaccha manussanam sahabyatam
manussabhuto saddhamme labha saddham anuttaram.
|189.36| Sa te saddha nivitthassa 1- mulajata patitthita
yavajivam asamhira saddhamme supavedite.
|189.37| Kayena kusalam katva vacaya kusalam bahum
manasa kusalam katva abyapajjham nirupadhim.
|189.38| Tato upacitam punnam katva danena tam bahum
annepi macce saddhamme brahmacariye nivesaya.
|189.39| Imaya anukampaya devadevam 2- yathavidu
bhavantam anumodanti ehi deva punappunam.
|189.40| Samviggoham 3- tada asim devasanghe samagate
kamsu nama aham yonim gamissami ito cuto.
|189.41| Mama samvegamannaya samano bhavitindriyo
mamuddharitukamo so agacchi mama santike.
|189.42| Sumano nama namena padumuttarasavako
atthadhammanusasitva samvejesi mamam tada.
@Footnote: 1 Ma. nivitthassa. Yu. navitthaya. 2 Ma. devadevam. 3 Ma. samvego me tada asi.
@Yu. samviggomhi tada asim.
|189.43| Tassaham vacanam sutva buddhe cittam pasadayim
abhivadetvapi 1- sambuddham tattha kalam kato aham.
|189.44| Upapajjim sa tattheva sukkamulena codito
kappanam satasahassam duggatim nupapajjaham.
|189.45| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma ekacintiko thero ima gathayo
abhasitthati.
Ekacintikattherassa apadanam samattam.
Atthamam tikannipupphiyattherapadanam (188)
[190] |190.46| Devabhuto aham santo accharahi purakkhato
pubbakammam saritvana buddhasettham anussarim.
|190.47| Tikannipuppham paggayha sakam cittam pasadayim
buddhamhi 2- abhiropesim vipassimhi narasabhe.
|190.48| Ekanavute ito kappe yam puppham abhiropayim
duggatim nabhijanami buddhapujayidam phalam.
|190.49| Tesattatimhito kappe caturosum 3- ramuttama
sattaratanasampanna cakkavatti mahabbala.
@Footnote: 1 Ma. Yu. tam dhiram abhivadetva. 2 Yu. buddhassa. 3 Yu. caturasum naruttama.
@Ma. caturasum ramuttama.
|190.50| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma tikannipupphiyo thero ima gathayo
abhasitthati.
Tikannipupphiyattherassa apadanam samattam.
Navamam ekacariyattherapadanam (189)
[191] |191.51| Tavatimsesu devesu mahaghoso tada ahu
buddho ca loke nibbati mayancamha saragino.
|191.52| Tesam samvegajatanam sokasallasamanginam
sabalena upatthaddho agamam buddhasantike.
|191.53| Mandaravam gahetvana sangiti 1- abhinimmitam
parinibbanakalamhi 2- buddhassa abhiropayim.
|191.54| Sabbe devanumodimsu accharayo ca me tada
kappanam satasahassam duggatim nupapajjaham.
|191.55| Satthikappasahassamhi ito solasa te jana
mahamallajana nama cakkavatti mahabbala.
|191.56| Patisambhida catasso vimokkhapica atthime
chalabhinna sacchikata katam buddhassa sasananti.
@Footnote: 1 Yu. samhitam. 2 Ma. parinibbutakalamhi.
Ittham sudam ayasma ekacariyo thero ima gathayo
abhasitthati.
Ekacariyattherassa apadanam samattam.
Dasamam tivantipupphiyattherapadanam (190)
[192] |192.57| Abhibhum 1- theram panijjhama sabbe sangamma te mayam 2-
tesam nijjhayamananam parilaho ajayatha.
|192.58| Sunando nama namena buddhassa savako tada
dhammadassissa munino aganchi mama santike.
|192.59| Ye me patthacara asum te me puppham adum tada
taham puppham gahetvana savake abhiropayim .
|192.60| Soham kalam kato tattha punapi upapajjaham
attharase kappasate vinipatam na ganchaham.
|192.61| Teraseto kappasate atthasum dhumaketuno
sattaratanasampanna cakkavatti mahabbala.
|192.62| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma tivantipupphiyo thero ima gathayo
abhasitthati.
Tivantipupphiyattherassa apadanam samattam.
@Footnote: 1 Ma. abhibhutam panijjhanti. Yu. abhibhum vo panijjhanti. 2 Ma. ... mamam.
Uddanam
kutaja 1- bandhujivi ca kotumbarikahatthiyo
isimuggo ca bodhi ca ekacinti tikanniko
ekacari tivanti ca gatha satthi 2- pakittitati.
Kutajapupphiyavaggo ekunavisatimo.
------------------
The Pali Tipitaka in Roman Character Volume 32 page 282-291.
http://84000.org/tipitaka/pitaka_item/roman_item_s.php?book=32&item=183&items=10&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=32&item=183&items=10&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=183&items=10&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=183&items=10&modeTY=2
Study Atthakatha :-
http://84000.org/tipitaka/attha/attha.php?b=32&i=183
The Pali Atthakatha in Thai :-
http://84000.org/tipitaka/atthapali/read_th.php?B=50&A=4829
The Pali Atthakatha in Roman :-
http://84000.org/tipitaka/atthapali/read_rm.php?B=50&A=4829
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
