บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Chattham padapujakattherapadanam (296) [298] |298.27| Pabbate himavantamhi ahosim kinnaro tada addasam virajam buddham pitaramsiva bhanumam. |298.28| Upetopi 1- tada buddham vipassim lokanayakam candanam tagaram vapi pade osincaham tada. |298.29| Ekanavute ito kappe yam padam 2- abhipujayim duggatim nabhijanami padapujayidam phalam. |298.30| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma padapujako 3- thero ima gathayo abhasitthati. Padapujakattherassa apadanam samattam. @Footnote: 1 Ma. upetam tamaham buddham. Yu. upetam mam tada buddham. 2 Ma. Yu. --- padam ---. @3 Ma. Yu. padapujako. Sattamam desakittikattherapadanam (297) [299] |299.31| Upasalhakanamoham 1- ahosim brahmano tada kananam vanamogayh2- lokanatham 3- narasabham. |299.32| Disvana vandi 4- padesu lokahutipatiggaham pasannacittam mam natva buddho antaradhayatha. |299.33| Kanana abhinikkhamma buddhasettham anussarim tandesam kittayitvana kappam saggamhi modaham. |299.34| Dvenavute ito kappe yam desamabhikittayim duggatim nabhijanami kittanaya idam phalam. |299.35| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma desakittiko thero ima gathayo abhasitthati. Desakittikattherassa apadanam samattam. Atthamam saranagamaniyattherapadanam (298) [300] |300.36| Pabbate himavantamhi ahosim luddako tada vipassim addasam buddham lokajettham narasabham. @Footnote: 1 Ma. Yu. upasalakanamoham. 2 Ma. Yu. vanamogalham. 3 Ma. Yu. lokajettham. @4 Po. Ma. Yu. vandim. |300.37| Upasitvana sambuddham veyyavaccamakasaham sarananca upaganchim dipadindassa tadino. |300.38| Ekanavute ito kappe yam saranam aganchaham duggatim nabhijanami saranaya 1- idam phalam. |300.39| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma saranagamaniyo thero ima gathayo abhasitthati. Saranagamaniyattherassa apadanam samattam. Navamam ambapindiyattherapadanam (299) [301] |301.40| Romaso nama namena danavo iti vissuto ambapindo 2- maya dinno vipassissa mahesino. |301.41| Ekanavute ito kappe yam ambamadadim tada duggatim nabhijanami ambadanassidam phalam. |301.42| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma ambapindiyo thero ima gathayo abhasitthati. Ambapindiyattherassa apadanam samattam. @Footnote: 1 Ma. Yu. saranagamanapphalam. 2 Ma. Yu. ambapindi maya dinna. Dasamam anusamsavakattherapadanam (300) [302] |302.43| Pindaya caramanaham vipassim addasam jinam ulunkabhikkham adasim 1- dipadindassa tadino. |302.44| Pasannacitto sumano abhivadesaham tada anusamsavayim buddham uttamatthassa pattiya. |302.45| Ekanavute ito kappe anusamsavayim aham duggatim nabhijanami anusamsavanaphalam. |302.46| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma anusamsavako thero ima gathayo abhasitthati. Anusamsavakattherassa apadanam samattam. Uddanam citakam parichattanca saddam gosisasantharam padam padesam saranam ambo samsavakopica sattatalisagathayo 2- ganitayo vibhavihi. Citakapujakavaggo timso. @Footnote: 1 Ma. Yu. padasim. 2 Ma. atthatalisagathayo. Atha vagguddanam kanikaro hatthidado alambanudakasanam tuvaram thomako ceva ukkhepam sisupadhanam. Pannado citapuji ca gathayo ceva sabbaso cattari ca sataniha ekapannasameva ca. Pancavisa sata sabba dvasattati taduttari timsa 1- satanam padanam ganita atthadassibhi. Tatiyam satakam samattam. --------------The Pali Tipitaka in Roman Character Volume 32 page 375-379. http://84000.org/tipitaka/pitaka_item/roman_item_s.php?book=32&item=298&items=5&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=32&item=298&items=5&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=298&items=5&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=298&items=5&modeTY=2 Study Atthakatha :- http://84000.org/tipitaka/attha/attha.php?b=32&i=298 The Pali Atthakatha in Thai :- http://84000.org/tipitaka/atthapali/read_th.php?B=50&A=5151 The Pali Atthakatha in Roman :- http://84000.org/tipitaka/atthapali/read_rm.php?B=50&A=5151 Contents of The Tipitaka Volume 32 http://84000.org/tipitaka/read/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]