TIPITAKA Volume 32 : PALI ROMAN
Sutta Pitaka Vol 24 : Sutta. Khu. Apa(1)

page439.
                                 Chattiṃso saddasaññikavaggo
                            paṭhamaṃ saddasaññikattherāpadānaṃ (351)
     [353] |353.1| Migaluddho pure āsiṃ      araññe kānane ahaṃ
                      tatthaddasāsiṃ sambuddhaṃ       dvesaṅghapurakkhataṃ.
      |353.2| Catusaccaṃ pakāsentaṃ              uddharantaṃ mahājanaṃ
                     assosiṃ madhuraṃ vācaṃ               karavikarudopamaṃ.
      |353.3| Brahmasarassa munino             sikhino lokabandhuno
                     ghose cittaṃ pasādetvā        pattomhi āsavakkhayaṃ.
      |353.4| Ekattiṃse ito kappe           yaṃ kammamakariṃ tadā
                     duggatiṃ nābhijānāmi            pasādassa idaṃ phalaṃ.
      |353.5| Paṭisambhidā catasso             vimokkhāpica aṭṭhime
                     chaḷabhiññā sacchikatā          kataṃ buddhassa sāsananti.
        Itthaṃ sudaṃ āyasmā saddasaññiko thero imā gāthāyo
abhāsitthāti .
                            Saddasaññikattherassa apadānaṃ samattaṃ.


             The Pali Tipitaka in Roman Character Volume 32 page 439.
http://84000.org/tipitaka/pitaka_item/roman_item_s.php?book=32&item=353&items=1&pagebreak=1
             Classified by [Item Number] :-
http://84000.org/tipitaka/pitaka_item/roman_item_s.php?book=32&item=353&items=1&pagebreak=1&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=353&items=1&pagebreak=1
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=353&items=1&pagebreak=1
             Study Atthakatha :-
http://84000.org/tipitaka/attha/attha.php?b=32&i=353
             Contents of The Tipitaka Volume 32
http://84000.org/tipitaka/read/?index_32