[403] |403.1| Pabbharakutam nissaya sobhito nama tapaso
pavattaphalam bhunjitva vasati pabbatantare.
|403.2| Aggidarum aharitva ujjalesim aham tada
uttamattham gavesanto brahmalokupapattiya.
|403.3| Padumuttaro lokavidu ahutinam patiggaho
mamuddharitukamo so aganchi mama santike.
|403.4| Kim karosi mahapunna dehi me aggidarukam
aham aggim paricare tato me suddhi hohiti 1-.
|403.5| Subhaddako tvam manuja devate tvam pajanasi
tuvam aggim paricara handa te aggidarukam.
|403.6| Tato kattham gahetvana aggim ujjalayi jino
na tattha kattham pajjhayi patiheram mahesino.
|403.7| Na te aggi pajjalati ahuti te na vijjati
niratthakam ca 2- tam tuyham aggim paricarassu me.
|403.8| Kidiso te 3- mahavira aggi tava pavuccati
mayhampi kathayassetam ubho paricaramase.
@Footnote: 1 Po. Yu. hehiti. 2 Ma. Yu. va. 3 Ma. Yu. so.
|403.9| Hetudhammanirodhaya kilesajhapanaya ca
issamacchariyam hitva tayo ete mamahuti.
|403.10| Kidiso tvam mahavira kathamgottosi marisa
acarapatipatti te balham kho mama ruccati.
|403.11| Khattiyamhi kule jato abhinnaparamim gato
sabbasavaparikkhino natthi dani punabbhavo.
|403.12| Yadi buddhosi sabbannu pabhankara tamonuda
namassissami tam deva dukkhassantam karo tuvam.
|403.13| Pattharitva jinacammam nisidanamadasaham
nisida tattha 1- sabbannu upatthissamaham tuvam.
|403.14| Nisidi bhagava tattha ajinamhi suvitthate
nimantayitva sambuddham pabbatam agamasaham.
|403.15| Kharibharanca puretva tindukaphalamaharim
madhuna yojayitvana phalam buddhassadasaham.
|403.16| Mama nijjhayamanassa paribhunji tada jino
tattha cittam pasadesi 2- pekkhanto lokanayakam.
|403.17| Padumuttaro lokavidu ahutinam patiggaho
mamassame nisiditva ima gatha abhasatha.
|403.18| Yo me 3- phalena tappesi pasanno sehi panibhi
tamaham kittayissami sunatha mama bhasato.
@Footnote: 1 Ma. ... natha sabbannu. 2 Ma. Yu. pasadesim. 3 Ma. mam.
|403.19| Pancavisatikkhattum so devarajjam karissati
sahassakkhattum raja ca cakkavatti bhavissati.
|403.20| Tassa sankappamannaya pubbakammasamangino
annapananca vatthanca sayananca maharaham.
|403.21| Punnakammena samyutta nibbattissanti tavade
sada sammudito 1- cayam bhavissati anamayo.
|403.22| Upapajjati yam yonim devattam atha manusam
sabbattha sukhito hutva manussattam bhavissati.
|403.23| Ajjhayako mantadharo tinnam vedana paragu
sambuddham upagantvana araha so bhavissati.
|403.24| Yato sarami attanam yato pattosmi vinnutam
bhoge me unata natthi phaladanassidam phalam.
|403.25| Varadhammamanuppatto ragadose samuhanim
sabbasavaparikkhino natthi dani punabbhavo.
|403.26| Kilesa jhapita mayham bhava sabbe samuhata
nagova bandhanam chetva viharami anasavo.
|403.27| Svagatam vata me asi mama buddhassa santike
tisso vijja anuppatta katam buddhassa sasanam.
|403.28| Patisambhida catasso vimokkhapica atthime
chalabhinna sacchikata katam buddhassa sasananti.
@Footnote: 1 Ma. Yu. pamudito.
Ittham sudam ayasma tissametteyyo thero ima gathayo
abhasitthati.
Tissametteyyattherassa apadanam samattam.
Dutiyam punnakattherapadanam (402)
The Pali Tipitaka in Roman Character Volume 32 page 533-536.
http://84000.org/tipitaka/pitaka_item/roman_item_s.php?book=32&item=403&items=1&modeTY=2&mode=bracket
Classified by content :-
http://84000.org/tipitaka/pitaka_item/roman_item_s.php?book=32&item=403&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=403&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=403&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=32&i=403
The Pali Atthakatha in Thai :-
http://84000.org/tipitaka/atthapali/read_th.php?B=50&A=5404
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5404
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
