ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
                             Tatiyam mettaguttherapadanam (403)
     [405] |405.45| Himavantassa avidure    asoko nama pabbato
                       tatthapi assamo mayham       visukammena 1- mapito.
      |405.46| Sumedho nama sambuddho      aggo karuniko muni
                       nivasayitva pubbanhe     pindaya me upagami.
      |405.47| Upagatam mahaviram               sumedham lokanayakam
                       paggayha sugatapattam 2-      sappitelam apurayim.
      |405.48| Datvanaham buddhasetthe     sumedhe lokanayake
                       anjalim paggahetvana       bhiyyo hasam janesaham.
      |405.49| Imina sappidanena          cetanapanidhihi ca
                       devabhuto manusso va         labhami vipulam sukham.
      |405.50| Vinipatam vivajjetva           samsarami bhavabhave
                       tattha cittam panidhitva        labhami acalam padam.
      |405.51| Labha tuyham suladdhante      yam mam addakkhi brahmana 3-
                       mama dassanamagamma           arahattam gamissati 4-.
      |405.52| Vissattho hohi ma bhayi     adhigantva mahayasam
                       mamam hi sappim datvana         parimokkhasi jatiya.
      |405.53| Imina sappidanena          cetanapanidhihi ca
                       devabhuto manusso va         labhami vipulam sukham.
@Footnote: 1 Ma. visakammena. 2 Yu. subhakam pattam. 3 Yu. brahmano.
@4 Ma. bhavissati. Yu. bhavissasi.
      |405.54| Imina adhikarena 1-         mettacittavataya ca
                       attharase kappasate          devaloke ramissati 2-.
      |405.55| Attharasa ca tikkhattum          devaraja bhavissati 3-
                       padesarajjam vipulam                gananato asankhayam.
      |405.56| Ekapannasakkhattunca     cakkavatti bhavissati
                       caturanto vijitavi             jambumandassa issaro.
      |405.57| Mahasamuddo vakkhobbho     buddharo pathavi yatha
                       evameva ca me bhoga          appameyya bhavissare
      |405.58| satthikotim hirannassa         datvana 4- pabbajim aham.
                       Kim kusalam gavesanto             bavarim upasankamim.
      |405.59| Tattha mante adhiyami          chalangam nama lakkhanam
                       tamandhakaram vidhamam               uppajji tvam mahamuni.
      |405.60| Tava dassanakamoham             agatomhi mahamuni
                       tava dhammam sunitvana          pattomhi acalam padam.
      |405.61| Timsakappasahassamhi            sappim buddhassadasaham
                       etthantare nabhijane       sappi vinnapitam maya.
      |405.62| Mama sankappamannaya        uppajjati yathicchakam
                       cittamannaya nibbattam     sabbe santappayamaham.
      |405.63| Aho buddha aho dhamma     aho no satthusampada
                       thokanhi sappim datvana      appameyyam labhamaham.
@Footnote: 1 Ma. sappidanena. 2 Ma. Yu. ramissasi. 3 Ma. Yu. bhavissasi. ito param idisameva.
@4 Ma. cajitva.
      |405.64| Mahasamudde udakam             yavata nerupassato
                       mama sappim upadaya          kalabhagam na hissati.
      |405.65| Yavata cakkavalassa         karayantassa rasito
                       mama nibbattavatthanam        okaso so na sammati.
      |405.66| Pabbataraja himava           pavaropi siluccayo
                       mamanulittagandhassa          upanidham 1- na hissati.
      |405.67| Vattham gandhanca sappinca    annam va ditthadhammikam
                       asankhatanca nibbanam        sappidanassidam phalam.
      |405.68| Satipatthanasayano             samadhijhanagocaro
                       bojjhangajanano 2- ajja   sappidanassidam phalam.
      |405.69| Kilesa jhapita mayham       bhava sabbe samuhata
                       nagova bandhanam chetva      viharami anasavo.
      |405.70| Svagatam vata me asi          mama buddhassa santike
                       tisso vijja anuppatta   katam buddhassa sasanam.
      |405.71| Patisambhida catasso          vimokkhapica atthime
                       chalabhinna sacchikata        katam buddhassa sasananti.
        Ittham sudam ayasma mettagu thero ima gathayo
abhasitthati.
                             Mettaguttherassa apadanam samattam.
@Footnote: 1 Ma. upanidhim. Yu. upaniyam. 2 Ma. Yu. bojjhangabhojano.



             The Pali Tipitaka in Roman Character Volume 32 page 538-540. http://84000.org/tipitaka/pitaka_item/roman_item_s.php?book=32&item=405&items=1&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=32&item=405&items=1&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=405&items=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=405&items=1&modeTY=2              Study Atthakatha :- http://84000.org/tipitaka/attha/attha.php?b=32&i=405              The Pali Atthakatha in Thai :- http://84000.org/tipitaka/atthapali/read_th.php?B=50&A=5416              The Pali Atthakatha in Roman :- http://84000.org/tipitaka/atthapali/read_rm.php?B=50&A=5416              Contents of The Tipitaka Volume 32 http://84000.org/tipitaka/read/?index_32

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :