paliTIPITAKA Volume 32 - Sutta Pitaka 24

Dutiyam sonakotiyavessattherapadanam (42) [44] |44.25| Anomadassissa munino lokajetthassa tadino sudhaya lepanam katva cankamam karayim aham. |44.26| Nanavannehi pupphehi cankamam santharim aham akase vitanam katva bhojayim buddhamuttamam. |44.27| Anjalim paggahetvana abhivadetvana subbatam dighasalam bhagavato niyyadesimahantada. |44.28| Mama sankappamannaya sattha loke anuttaro patiggahesi bhagava anukampaya cakkhuma. |44.29| Patiggahetvana sambuddho dakkhineyyo sadevake bhikkhusanghe nisiditva ima gatha abhasatha. |44.30| Yo so hatthena cittena dighasalam adasi me tamaham kittayissami sunatha mama bhasato. |44.31| Imassa maccukalamhi punnakammasamangino sahassayuttassaratho upatthissati tavade. |44.32| Tena yanenayam poso devalokam gamissati anumodissare deva sampatte kusale bhave. |44.33| Maharaham byamham settham ratanamattikalepanam kutagaravarupetam byamham ajjhavasissati. |44.34| Timsakappasahassani devaloke ramissati pancavisatikappani devaraja bhavissati. |44.35| Sattasattatikkhattunca cakkavatti bhavissati yasodharasanama te sabbepi ekanamaka. |44.36| Dve sampatti anubhotva cinitva ^1- punnasancayam atthavisatikappamhi cakkavatti bhavissati. @Footnote: ¹ Ma. vaddhetva. Yu. viditva. |44.37| Tatthapi byamham pavaram visukammena mapitam dasasaddavivittantam puram ajjhavasissati. |44.38| Aparimeyye ito kappe bhumipalo mahiddhiko okkako nama namena raja ratthe bhavissati. |44.39| Solasitthisahassanam sabbasam pavaravaya ^1- abhijata khattiyani nava putte janissati. |44.40| Nava putte janitvana khattiyani marissati taruni ca piya kanna mahesittam karissati. |44.41| Okkakam tosayitvana varam kanna labhissati varam laddha ca sa kanna putte pabbajayissati. |44.42| Pabbajita ^2- ca te sabbe gamissanti naguttamam jatibhedabhaya sabbe bhaginihi vasissare ^3-. |44.43| Eka ca kanna byadhihi bhavissati purakkhata ^4- ma no jati pabhijjati nikhanissanti khattiya. |44.44| Khattiyo niharitvana taya saddhim vasissati bhavissati tada bhedo okkakakulasambhavo. |44.45| Tesam paja bhavissanti koliya nama jatiya tattha manusakam bhogam anubhossantinappakam. |44.46| Tamha kaya cavitvana devalokam gamissati tatrapi pavaram byamham labhissati manoramam. @Footnote: ¹ Ma. pavara ca sa. Yu. pavara maya. ² Yu. pabbajitva. ³ Yu. samvasissare. @⁴ Ma. parikkhata. |44.47| Devaloka cavitvana sukkamulena codito agantvana manussattam sono nama bhavissati. |44.48| Araddhaviriyo pahitatto padaham satthu sasane sabbasave parinnaya nibbayissatyanasavo. |44.49| Anantadassi bhagava gotamo sakyapungavo visesannu mahaviro aggatthane thapessati. |44.50| Vutthamhi deve caturangulamhi tine anileritaangulamhi ^1- thapetvana yogassa payuttatadino tatottari paramata na vijjati. |44.51| Uttame damathe danto cittam me suppanihitam bharo me ohito sabbo nibbutomhi anasavo. |44.52| Angiraso mahanago abhijatova kesari bhikkhusanghe nisiditva etadagge thapesi mam. |44.53| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma sono kotiyavesso ^2- thero ima gathayo abhasitthati. Sonakotiyavessattherassa apadanam samattam. @Footnote: ¹ Ma. ... anganamhi. ² Ma. koliviso. Yu. koliyavesso.

The Pali Tipitaka in Roman Character Volume 32 page 133-136. http://84000.org/tipitaka/pitaka_item/roman_item_s.php?book=32&item=44&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=32&item=44&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=44&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=44&items=1&modeTY=2 Study Atthakatha :- http://84000.org/tipitaka/attha/attha.php?b=32&i=44 The Pali Atthakatha in Thai :- http://84000.org/tipitaka/atthapali/read_th.php?B=50&A=1782 The Pali Atthakatha in Roman :- http://84000.org/tipitaka/atthapali/read_rm.php?B=50&A=1782 Contents of The Tipitaka Volume 32 http://84000.org/tipitaka/read/?index_32