Dutiyam kisagotamitheriyapadanam (22)
[162] |162.55| Padumuttaro nama jino sabbadhammana paragu
ito satasahassamhi kappe uppajji nayako.
@Footnote: 1 Yu. yassa catthaya. ito param idisameva. 2 Ma. Yu. sabbattha vimalam.
|162.56| Tadaham hamsavatiyam jata annatare kule
upetva tam naravaram saranam samupagamim.
|162.57| Dhammanca tassa assosim catusaccupasanhitam
madhuram paramassadam cittasantisukhavaham 1-.
|162.58| Tadapi 2- bhikkhunim dhiro lukhacivaradharikam 3-
thapento etadaggamhi vannayi purisuttamo.
|162.59| Janetvanappakam pitim sutva bhikkhuniya gunam 4-
karam katvana buddhassa yathasatti 5- yathabalam.
|162.60| Nipacca munidhirantam tam thanam abhipatthayim
tadanumodi sambuddho thanalabhaya nayako.
|162.61| Satasahasse ito kappe okkakakulasambhavo
gotamo nama namena sattha loke bhavissati.
|162.62| Tassa dhammesu dayada orasa dhammanimmita
kisagotami nama namena hessati satthusavika.
|162.63| Tam sutva mudita hutva yavajivam tada jinam
mettacitta paricarim paccayehi vinayakam.
|162.64| Tehi 6- kammehi sukatehi cetanapanidhihi ca
jahitva manusam deham tavatimsam aganchaham.
|162.65| Imamhi bhaddake kappe brahmabandhu mahayaso
kassapo nama namena uppajji vadatam varo.
@Footnote: 1 Ma. vattasantisukhavaham. 2 Ma. tada ca. Yu. kadaci. 3 Ma. ...dharinim.
@4 Ma. gune. 5 Yu. yathasattim. 6 Ma. Yu. tena kammena sukatena.
|162.66| Upatthako mahesissa tada asi narissaro
kasiraja kiki nama baranasipuruttame.
|162.67| Pancami tassa dhitaham 1- dhamma namena vissuta
dhammam sutva jinaggassa pabbajjam samarocayim.
|162.68| Anujani na no tato agareva tada mayam
visavassasahassani vicarimha atandita.
|162.69| Komaribrahmacariyam rajakanna sukhe thita
buddhopatthananirata mudita satta dhitaro.
|162.70| Samani samanagutta ca bhikkhuni bhikkhudasika
dhamma ceva sudhamma ca sattami sanghadasika.
|162.71| Khema uppalavanna ca patacara ca kundala
ahanca dhammadinna ca visakha hoti sattami.
|162.72| Tehi kammehi sukatehi cetanapanidhihi ca
jahitva manusam deham tavatimsam aganchaham.
|162.73| Pacchime ca bhave dani jata setthikule aham
duggate adhane nice 2- gata ca sadhanam kulam.
|162.74| Patitthapetvana 3- sesa me dissanti 4- adhana iti
yada ca pasuta 5- asim sabbesam dayita tada.
|162.75| Yada so taruno putto 6- komarako 7- sukhetthito
sapanamiva kanto me tada 8- yamavasam gato.
@Footnote: 1 Ma. Yu. dhitasim. 2 Ma. natthe. Yu. nitthe. 3 Ma. Yu. patim thapetva.
@4 Ma. dessanti. 5 Yu. sasuta. 6 Ma. Yu. bhaddo. 7 Ma. komalako.
@Yu. komalango. 8 Yu. tadayam parasangato.
|162.76| Sokatta dinavadana assunetta rudamukha
matam 1- kunapamadaya vilapanti gamamaham.
|162.77| Tada ekena sandittha upetva bhisakkuttamam 2-
avocam dehi bhesajjam puttasanjivananti bho.
|162.78| Na vijjante mata yasmim gehe siddhatthakam tato
aharati jino aha vinayopayakovido.
|162.79| Tada gamitva savatthim na 3- labhim tadisam gharam
kuto siddhatthakam tasma tato laddha satim aham.
|162.80| Kunapam chaddayitvana upesim lokanayakam
durato ca 4- mamam disva avoca madhurassaro.
|162.81| Yo ca vassasatam jive apassam udayabbayam
ekaham jivitam seyyo passato udayabbayam.
|162.82| Na gamadhammo nigamassa dhammo
na capiyam ekakulassa dhammo
sabbassa lokassa sadevakassa
esova 5- dhammo yadidam aniccata.
|162.83| Saham 6- sutvanima gatha dhammacakkhum visodhayim
tato vinnatasaddhamma pabbajim anagariyam.
|162.84| Tathapi pabbajita santi yunjanti jinasasane
na cireneva kalena arahattam apapunim.
@Footnote: 1 Yu. evam. 2 Yu. bhisamuttamam. 3 Yu. na labhitvadisam gharam. 4 Ma. Yu. va.
@5 Ma. eseva. 6 Yu. saha sutvanima gatha.
|162.85| Iddhisu ca vasi homi dibbaya sotadhatuya
paracittani janami satthusasanakarika.
|162.86| Pubbenivasam janami dibbacakkhum visodhitam
khepetva asave sabbe visuddhasim sunimmala.
|162.87| Paricinno maya sattha katam buddhassa sasanam
ohito garuko bharo bhavanetti samuhata.
|162.88| Yassatthaya pabbajita agarasma anagariyam
so me attho anuppatto sabbasamyojanakkhayo.
|162.89| Atthadhammaniruttisu patibhane tatheva ca
jhanam me vipulam suddham buddhasetthassa vahasa.
|162.90| Sankarakuta aharitva susana rathiyapica
tato sanghatikam katva lukham dharemi civaram.
|162.91| Jino tasmim gune tuttho lukhacivaradharane
thapesi etadaggamhi parisasu vinayako.
|162.92| Kilesa jhapita mayham bhava sabbe samuhata
nagiva bandhanam chetva viharami anasava.
|162.93| Svagatam vata me asi buddhasetthassa santike
tisso vijja anuppatta katam buddhassa sasanam.
|162.94| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam kisagotami bhikkhuni ima gathayo abhasitthati.
Kisagotamitheriya apadanam samattam.
The Pali Tipitaka in Roman Character Volume 33 page 330-335.
http://84000.org/tipitaka/pitaka_item/roman_item_s.php?book=33&item=162&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=33&item=162&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=162&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=162&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=162
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
