Dasamam attharasatherisahassanamapadanam (30)
[170] |170.420| Attharasasahassani bhikkhuni sakiyasambhava
yasodharipamukhani sambuddham upasankamum.
|170.421| Attharasasahassani 1- sabba honti mahiddhika
vandanti munino pade arocenti yathabalam.
|170.422| Jati khina jara byadhi marananca mahamune 2-
anasavam padam santam amatam yama nayakam 3-.
|170.423| Khalitanca pure atthi sabbasampi mahamuni
aparadham pajananti khama amham vinayaka.
|170.424| Iddhincapi nidassetha mama sasanakarika
parisananca sabbasam kankham chindatha yavata.
|170.425| Yasodhara 4- mahavira manapa piyadassana
@Footnote: 1 Po. yasodharasahassani. Yu. yasodhariyasahassani. 2 Ma. Yu. mahamuni.
@3 Ma. Yu. nayaka. 4 Yu. yasodhari.
Sabba tuyham mahavira agarasmim pajapati.
|170.426| Thinam satasahassanam navutinam chaluttari
agare te mayam vira pamokkha sabbaissara.
|170.427| Rupacaragunupeta yobbanattha piyamvada
sabbayo 1- apacayanti 2- devata viya manusa.
|170.428| Attharasasahassani sabba sakiyasambhava
yasodhari 3- sahassani pamokkha issara tada.
|170.429| Kamadhatumatikkanta 4- santhita rupadhatuya
rupena sadisa natthi sahassanam mahamune 5-.
|170.430| Sambuddham abhivadetva iddhim desesu satthuno
neka nanavidhakara mahaiddhipi 6- dassayum.
|170.431| Cakkavalasamam kayam sisam uttarato kuru
ubho pakkha duve dipa jambudipam sarirato.
|170.432| Dakkhinanca saram 7- pincham nanasakha tu pattaka
candanca suriyancakkhi merupabbatato sikham.
|170.433| Cakkavalagirim tundam jamburukkham samulakam
vijamana 8- upagantva vandante 9- lokanayakam.
|170.434| Hatthivannam tathevassam pabbatam jalajantada 10-
candanca suriyam merum sakkavannanca dassayum.
@Footnote: 1 Ma. Yu. sabba no. 2 Po. apasahanti. 3 Ma. yasodhara. Yu. yasovati.
@4 Ma. ...matikkamma. 5 Ma. Yu. mahamuni. ito param idisameva. 6 Yu. mahaiddhim
@vidassayum. 7 Po. sasiranca. 8 Po. Yu. vijamanam. 9 Ma. Yu. vandanti.
@10 Ma. jaladhim tatha.
|170.435| Yasodhara 1- mayam vira pade vandama cakkhuma
tava cirappabhavena 2- nipphanna naranayaka.
|170.436| Iddhisu ca vasi homa dibbaya sotadhatuya
cetopariyananassa vasi homa mahamune.
|170.437| Pubbenivasam janama dibbacakkhum visodhitam
sabbasavaparikkhina natthi dani punabbhavo.
|170.438| Atthadhammaniruttisu patibhane tatheva ca
nanam amham mahavira uppannam tava santike.
|170.439| Buddhanam 3- lokanathanam sangamam no nidassitam
adhikara bahu amhe tuyhatthaya mahamune.
|170.440| Yam amham purimam kammam kusalam sarase mune
tuyhatthaya mahavira punnanupacitani 4- no.
|170.441| Abhabbatthane vajjetva varayimha 5- anacaram
tuyhatthaya mahavira sancattam 6- jivitampi no.
|170.442| Nekakotisahassani bhiriyatthayadasi no
na tattha vimana homa tuyhatthaya mahamune.
|170.443| Nekakotisahassani upakarayadasi no
na tattha vimana homa tuyhatthaya mahamune.
|170.444| Nekakotisahassani bhojanatthayadasi no
na tattha vimana homa tuyhatthaya mahamune.
@Footnote: 1 Yu. yasovanna. 2 Yu. virappabhavena. 3 Ma. Yu. pubbanam. ito param idisameva.
@4 Po. punnam upacitam maya. 5 Yu. pacayimha anavaram. 6 Ma. Yu. cattani jivitani
@no.
|170.445| Nekakotisahassani jivitani cajimhase 1-
bhayamokkham karissama jivitani cajimhase 2-.
|170.446| Angagate alankare vatthe nanavidhe bahu
itthibhande na guyhama tuyhatthaya mahamune.
|170.447| Dhanadhannapariccagam gamani nigamani ca
khettam puttanca 3- dhitanca paricattam mahamune.
|170.448| Hatthiassam 4- gavancapi dasiyo paricarika
tuyhatthaya mahavira paricattam asankhayam.
|170.449| Yam amhe patimantesi danam dassama yacake
vimanam no na passama dadato danamuttamam.
|170.450| Nanavidham bahum dukkham samsare ca bahubbidhe
tuyhatthaya mahavira anubhuttam 5- asankhayam.
|170.451| Sukham pattanumodama na ca dukkhesu dummana
sabbattha tusita homa tuyhatthaya mahamune.
|170.452| Anumaggena sambuddho yam 6- dhammam abhinihari
anubhotva sukhadukkham patto bodhim mahamune.
|170.453| Brahmadevanca sambuddham gotamam lokanayakam
annesam lokanathanam sangamantehi no bahu 7-.
|170.454| Adhikaram bahu amham 8- tuyhatthaya mahamune
gavesato 9- buddhadhammam 10- mayante paricarika.
@Footnote: 1-2 Yu. cajimha no. 3 Ma. putta ca jita ca paricatta .... 4 Ma. hatthiassa
@gavacapi. 5 Yu. paricattam. 6 Yu. saddhammam. 7 Ma. bahu. Yu. bahum.
@8 Ma. Yu. amhe. 9 Yu. gavesanta. 10 Ma. buddhadhamme.
|170.455| Kappe ca satasahasse caturo ca asankhaye
dipankaro mahaviro uppajji lokanayako.
|170.456| Paccantadesavisaye nimantetva tathagatam
tassa agamanam maggam sodhenti tutthamanasa.
|170.457| Tena kalena so asi sumedho nama brahmano
magganca patiyadesi ayato sabbadassino.
|170.458| Tena kalena ahumha 1- sabba brahmanasambhava
phalukajatipupphani aharimha samagamam.
|170.459| Tasmim so samaye buddho dipankaro mahayaso
viyakasi mahaviro isimuggatamanasam.
|170.460| Calati ravati pathavi 2- sankampati sadevake
tassa kammam pakittento isimuggatamanasam.
|170.461| Devakanna manussa ca mayancapi 3- sadevaka
nanapujaniyam bhandam pujayitvana patthayum.
|170.462| Tesam buddho viyakasi jotidipasanamako
ajja ye patthita atthi te bhavissanti sammukha.
|170.463| Aparimeyye ito kappe yam no buddho viyakari
tam vacam anumodanti 4- evamkari ahumha no.
|170.464| Tassa kammassa sukatassa tattha cittam pasadayum
devamanusakam yonim anubhotva asankhayam.
@Footnote: 1 Po. asumha. Yu. asimha. 2 Ma. Yu. puthavi. 3 Po. amhevapi sadevata.
@Yu. amhecapi. 4 Po. Yu. anumodanta. ma anumodenta.
|170.465| Sukhadukkhe anubhotvana devesu manusesu ca
pacchime bhavasampatte jatamha sakiye kule.
|170.466| Rupavati bhogavati yasasilavati tato
sabbangasampada homa kulesu atisakkata.
|170.467| Labhasilokasakkaram lokadhammasamagamam
cittanca dukkhitam natthi vasama akutobhaya.
|170.468| Vuttam hetam bhagavata ranno antepure tada
khattiyanam pure tasam 1- upakaranca niddisi.
|170.469| Upakara ca ya nari ya ca nari sukhe dukkhe
atthakkhayi ca ya nari ya ca narinukampika.
|170.470| Dhammancare sucaritam na tam duccaritam care
dhammacari sukham seti asmim loke paramhi ca.
|170.471| Agaram pajahitvana 2- pabbajimhanagariyam
addhamase asampatte catusaccam phusimha no.
|170.472| Civaram pindapatanca paccayam sayanasanam
upanenti bahu amhe sagarasseva ummiyo.
|170.473| Kilesa jhapita mayham bhava sabbe samuhata
nagiva bandhanam chetva viharama anasava.
|170.474| Svagatam vata no asi buddhasetthassa santike
tisso vijja anuppatta katam buddhassa sasanam.
@Footnote: 1 Ma. Yu. vira. 2 Ma. Yu. vijahitvana.
|170.475| Patisambhida catasso vimokkhapica atthime
chalabhinna sacchikata katam buddhassa sasanam.
|170.476| Evam bahuvidham dukkham sampattinca 1- bahubbidham
visuddhabhavam sampatta labhama sabbasampada.
|170.477| Ya dadanti sakattanam punnatthaya mahesino
sahayasampada honti nibbanam 2- padamasankhatam.
|170.478| Parikkhinam atitanca paccuppannam anagatam
sabbakammampi 3- no khinam pade vandama cakkhuma.
|170.479| Nibbanaya vadantinam kim vo vakkhama uttarim
sattasankhatadaso 4- yo pappotha amatampadanti.
Ittham sudam yasodharapamukhani attharasa bhikkhunisahassani bhagavato sammukha
ima gathayo abhasitthati.
Attharasatherisahassanam apadanam samattam.
Uddanam
kundala gotami ceva dhammadinna ca sakula
varananda ca sona ca kapilani yasodhara.
Dasasahassabhikkhuni attharasasahassaka
satani ceva cattari atthasattatimeva ca.
Kundalakesavaggo 5- tatiyo.
----------------------
@Footnote: 1 Po. Ma. Yu. sampatti ca bahubidha. 2 Ma. nibbanapadamasankhatam. Yu.
@nibbanamatasankhatam. 3 Yu. saccam kammampi .... 4 Ma. sattasangatadosam hi. Yu.
@santasankhatadoso yo. 5 Ma. kundalakesivaggo.
The Pali Tipitaka in Roman Character Volume 33 page 369-375.
http://84000.org/tipitaka/pitaka_item/roman_item_s.php?book=33&item=170&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=33&item=170&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=170&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=170&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=170
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
