[1102] Kamavacara dhamma na kamavacara dhamma rupavacara
dhamma na rupavacara dhamma arupavacara dhamma na arupavacara
dhamma pariyapanna dhamma apariyapanna dhamma.
[1103] Katame dhamma kamavacara hetthato avicinirayam
pariyantam karitva uparito paranimmitavasavatti deve anto karitva
yam etasmim antare etthavacara ettha pariyapanna khandhadhatuayatana
rupam vedana sanna sankhara vinnanam ime dhamma kamavacara .
Katame dhamma na kamavacara rupavacara arupavacara apariyapanna
ime dhamma na kamavacara . katame dhamma rupavacara hetthato
brahmalokam pariyantam karitva uparito akanitthe deve anto karitva
yam etasmim antare etthavacara ettha pariyapanna samapannassa
va upapannassa va ditthadhammasukhaviharissa va cittacetasika
dhamma ime dhamma rupavacara . katame dhamma na rupavacara
kamavacara arupavacara apariyapanna ime dhamma na rupavacara .
Katame dhamma arupavacara hetthato akasanancayatanupage
Deve pariyantam karitva uparito nevasannanasannayatanupage
deve anto karitva yam etasmim antare etthavacara ettha pariyapanna
samapannassa va upapannassa va ditthadhammasukhaviharissa va
cittacetasika dhamma ime dhamma arupavacara . katame dhamma na
arupavacara kamavacara rupavacara apariyapanna ime dhamma na
arupavacara . katame dhamma pariyapanna sasava kusalakusalabyakata
dhamma kamavacara rupavacara arupavacara rupakkhandho vedanakkhandho
sannakkhandho sankharakkhandho vinnanakkhandho ime dhamma
pariyapanna . katame dhamma apariyapanna magga ca maggaphalani
ca asankhata ca dhatu ime dhamma apariyapanna.
----------
The Pali Tipitaka in Roman Character Volume 35 page 566-567.
http://84000.org/tipitaka/pitaka_item/roman_item_s.php?book=35&item=1102&items=2&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=35&item=1102&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=35&item=1102&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=35&item=1102&items=2&modeTY=2
Study Atthakatha :-
http://84000.org/tipitaka/attha/attha.php?b=35&i=1102
Contents of The Tipitaka Volume 35
http://84000.org/tipitaka/read/?index_35
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
