บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu
Rūpaṃ sārammaṇantikathā [1321] Rūpaṃ sārammaṇanti . āmantā . atthi tassa āvajjanā ābhogo samannāhāro manasikāro cetanā patthanā paṇidhīti . na hevaṃ vattabbe .pe. nanu natthi tassa āvajjanā ābhogo .pe. paṇidhīti . āmantā . hañci natthi tassa āvajjanā ābhogo .pe. paṇidhi no vata re vattabbe rūpaṃ sārammaṇanti. [1322] Phasso sārammaṇo atthi tassa āvajjanā ābhogo .pe. paṇidhīti . āmantā . rūpaṃ sārammaṇaṃ atthi tassa āvajjanā ābhogo .pe. Paṇidhīti. Na hevaṃ vattabbe .pe. [1323] Vedanā .pe. saññā cetanā cittaṃ saddhā viriyaṃ sati samādhi paññā rāgo doso moho māno diṭṭhi vicikicchā thīnaṃ uddhaccaṃ ahirikaṃ .pe. anottappaṃ sārammaṇaṃ atthi tassa āvajjanā ābhogo .pe. paṇidhīti . āmantā . rūpaṃ sārammaṇaṃ atthi tassa āvajjanā ābhogo .pe. paṇidhīti . na hevaṃ vattabbe .pe. [1324] Rūpaṃ sārammaṇaṃ natthi tassa āvajjanā ābhogo .pe. paṇidhīti . āmantā . phasso sārammaṇo natthi tassa āvajjanā ābhogo .pe. Paṇidhīti. Na hevaṃ vattabbe .pe. [1325] Rūpaṃ sārammaṇaṃ natthi tassa āvajjanā ābhogo .pe. paṇidhīti . āmantā . vedanā saññā .pe. anottappaṃ sārammaṇaṃ natthi tassa āvajjanā ābhogo .pe. paṇidhīti . Na hevaṃ vattabbe .pe. [1326] Na vattabbaṃ rūpaṃ sārammaṇanti . āmantā . nanu rūpaṃ sapaccayanti . āmantā . hañci rūpaṃ sapaccayaṃ tena vata re vattabbe rūpaṃ sārammaṇanti. Rūpaṃ sārammaṇantikathā. -------------The Pali Tipitaka in Roman Character Volume 37 page 434-435. http://84000.org/tipitaka/pitaka_item/roman_item_s.php?book=37&item=1321&items=6 Classified by [Item Number] :- http://84000.org/tipitaka/pitaka_item/roman_item_s.php?book=37&item=1321&items=6&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=37&item=1321&items=6 Compare with The Royal Version of Thai Tipitaka :- http://84000.org/tipitaka/read/byitem_s.php?book=37&item=1321&items=6 Study Atthakatha :- http://84000.org/tipitaka/attha/attha.php?b=37&i=1321 The Pali Atthakatha in Thai :- http://84000.org/tipitaka/atthapali/read_th.php?B=55&A=5486 The Pali Atthakatha in Roman :- http://84000.org/tipitaka/atthapali/read_rm.php?B=55&A=5486 Contents of The Tipitaka Volume 37 http://84000.org/tipitaka/read/?index_37
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]