paliTIPITAKA Volume 37 - Abhidhamma Pitaka 4

Sukhanuppadanakatha [1654] Paro parassa sukham anuppadetiti . amanta . paro parassa dukkham anuppadetiti . na hevam vattabbe .pe. paro parassa dukkham na anuppadetiti . amanta . paro parassa sukham Na anuppadetiti . na hevam vattabbe .pe. paro parassa sukham anuppadetiti . amanta . paro parassa attano sukham anuppadeti annesam sukham anuppadeti tassa sukham anuppadetiti . na hevam vattabbe .pe. paro parassa neva attano na annesam na tassa sukham anuppadetiti . amanta . hanci paro parassa neva attano na annesam na tassa sukham anuppadeti no vata re vattabbe paro parassa sukham anuppadetiti. [1655] Paro parassa sukham anuppadetiti . amanta . Anno annassa karako parakatam sukhadukkham anno karoti anno patisamvedetiti. Na hevam vattabbe .pe. [1656] Na vattabbam paro parassa sukham anuppadetiti . Amanta . nanu ayasma udayi etadavoca bahunnam vata no bhagava dukkhadhammanam apahatta bahunnam vata no bhagava sukhadhammanam upahatta bahunnam vata no bhagava akusalanam dhammanam apahatta bahunnam vata no bhagava kusalanam dhammanam upahattati ^1- attheva suttantoti. Amanta. Tena hi paro parassa sukham anuppadetiti. Sukhanuppadanakatha. @Footnote: ¹ Ma. Ma. 185.

The Pali Tipitaka in Roman Character Volume 37 page 559-560. http://84000.org/tipitaka/pitaka_item/roman_item_s.php?book=37&item=1654&items=3&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=37&item=1654&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=37&item=1654&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=37&item=1654&items=3&modeTY=2 Study Atthakatha :- http://84000.org/tipitaka/attha/attha.php?b=37&i=1654 The Pali Atthakatha in Thai :- http://84000.org/tipitaka/atthapali/read_th.php?B=55&A=6419 The Pali Atthakatha in Roman :- http://84000.org/tipitaka/atthapali/read_rm.php?B=55&A=6419 Contents of The Tipitaka Volume 37 http://84000.org/tipitaka/read/?index_37