ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
     [135]   Tena  kho  pana  samayena  bhagavato  kayo  dosabhisanno
hoti    .    athakho    bhagava    ayasmantam    anandam    amantesi
dosabhisanno  kho  ananda  tathagatassa  kayo  icchati  tathagato virecanam
patunti   .   athakho   ayasma  anando  yena  jivako  komarabhacco
tenupasankami     upasankamitva     jivakam     komarabhaccam     etadavoca
dosabhisanno   kho  avuso  jivaka  tathagatassa  kayo  icchati  tathagato
virecanam   patunti   .  tenahi  bhante  ananda  bhagavato  kayam  katipaham
sinehethati.
     {135.1}   Athakho   ayasma  anando  bhagavato  kayam  katipaham
sinehetva   yena   jivako   komarabhacco   tenupasankami  upasankamitva
jivakam   komarabhaccam  etadavoca  siniddho  kho  avuso  jivaka  tathagatassa
kayo   yassadani   kalam   mannasiti  .  athakho  jivakassa  komarabhaccassa
etadahosi   na  kho  me  tam  patirupam  yoham  bhagavato  olarikam  virecanam
dadeyyam   2-   yannunaham   3-   tini   uppalahatthani   nanabhesajjehi
paribhavetva          tathagatassa         upanameyyanti        .
@Footnote: 1 Ma. Yu. ayam patho na dissati. 2 Ma. Yu. dadeyyanti.
@3 Ma. Yu. yannunaham .pe. komarabhaccoti na dissati.
Athakho    jivako   komarabhacco   tini   uppalahatthani   nanabhesajjehi
paribhavetva    yena    bhagava    tenupasankami    upasankamitva   ekam
uppalahattham    bhagavato    upanamesi    imam    bhante    bhagava   pathamam
uppalahattham    upasinghatu    idam    bhagavantam    dasakkhattum    virecessatiti
dutiyam   uppalahattham   bhagavato   upanamesi   imam   bhante   bhagava  dutiyam
uppalahattham    upasinghatu    idam    bhagavantam    dasakkhattum    virecessatiti
tatiyam   uppalahattham   bhagavato   upanamesi   imam   bhante   bhagava  tatiyam
uppalahattham   upasinghatu   idam   bhagavantam   dasakkhattum   virecessati   evam
bhagavato samatimsaya virecanam bhavissatiti.
     {135.2}   Athakho   jivako   komarabhacco   bhagavato   samatimsaya
virecanam   datva   bhagavantam   abhivadetva  padakkhinam  katva  pakkami .
Athakho     jivakassa    komarabhaccassa    bahidvarakotthaka    nikkhantassa
etadahosi   maya  kho  bhagavato  samatimsaya  virecanam  dinnam  dosabhisanno
tathagatassa  kayo  na  bhagavantam  samatimsakkhattum  virecessati  ekunatimsakkhattum
bhagavantam  virecessati  apica  bhagava  viritto  nahayissati  nahatam  bhagavantam
sakim virecessati evam bhagavato samatimsaya virecanam bhavissatiti.
     {135.3}   Atha   kho   bhagava  jivakassa  komarabhaccassa  cetasa
cetoparivitakkamannaya    ayasmantam    anandam    amantesi   idhananda
jivakassa    komarabhaccassa    bahidvarakotthaka   nikkhantassa   etadahosi
maya   kho  bhagavato  samatimsaya  virecanam  dinnam  dosabhisanno  tathagatassa
Kayo    na    bhagavantam    samatimsakkhattum    virecessati   ekunatimsakkhattum
bhagavantam    virecessati   apica   bhagava   viritto   nahayissati   nahatam
bhagavantam   sakim  virecessati  evam  bhagavato  samatimsaya  virecanam  bhavissatiti
tenahananda  unhodakam  patiyadehiti  1-  .  evam  bhanteti kho ayasma
anando bhagavato patissunitva unhodakam patiyadesi.
     {135.4}  Athakho  jivako  komarabhacco  yena  bhagava tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinno  kho  jivako  komarabhacco  bhagavantam  etadavoca  viritto  bhante
bhagavati  .  virittomhi  jivakati  .  idha  mayham  bhante bahidvarakotthaka
nikkhantassa   etadahosi   maya   kho  bhagavato  samatimsaya  virecanam  dinnam
dosabhisanno     tathagatassa    kayo    na    bhagavantam    samatimsakkhattum
virecessati    ekunatimsakkhattum    bhagavantam   virecessati   apica   bhagava
viritto    nahayissati    nahatam    bhagavantam   sakim   virecessati   evam
bhagavato    samatimsaya    virecanam   bhavissatiti   nahayatu   bhante   bhagava
nahayatu    sugatoti   .   athakho   bhagava   unhodakam   nahayi   nahatam
bhagavantam sakim virecesi evam bhagavato samatimsaya virecanam ahosi.
     {135.5}  Athakho  jivako  komarabhacco  bhagavantam  etadavoca yava
bhante   bhagavato   kayo   pakatatto   hoti   alam   yusapindakenati .
Athakho  bhagavato  kayo  nacirasseva  pakatatto  ahosi  .  athakho  jivako
komarabhacco    tam    siveyyakam    dussayugam    adaya   yena   bhagava
@Footnote: 1 Ma. Yu. patiyadethati.
Tenupasankami   upasankamitva   bhagavantam  abhivadetva  ekamantam  nisidi .
Ekamantam   nisinno   kho   jivako   komarabhacco   bhagavantam  etadavoca
ekaham   bhante   bhagavantam  varam  yacamiti  .  atikkantavara  kho  jivaka
tathagatati   .   yanca   bhante   kappati   yanca  anavajjanti  .  vadehi
jivakati   .  bhagava  bhante  pamsukuliko  bhikkhusangho  ca  idam  me  bhante
siveyyakam    dussayugam    ranna    pajjotena   pahitam   bahunnam   dussanam
bahunnam    dussayuganam   bahunnam   dussayugasatanam   bahunnam   dussayugasahassanam
bahunnam     dussayugasatasahassanam     agganca     setthanca    pamokkhanca
uttamanca    pavaranca    patigganhatu   me   bhante   bhagava   siveyyakam
dussayugam   bhikkhusanghassa   ca   gahapaticivaram   anujanatuti   .   patiggahesi
bhagava siveyyakam dussayugam.
     {135.6}   Athakho   bhagava   jivakam  komarabhaccam  dhammiya  kathaya
sandassesi   samadapesi   samuttejesi   sampahamsesi   .   athakho  jivako
komarabhacco    bhagavata    dhammiya    kathaya   sandassito   samadapito
samuttejito     sampahamsito    utthayasana    bhagavantam    abhivadetva
padakkhinam    katva   pakkami   .   athakho   bhagava   etasmim   nidane
etasmim   pakarane   dhammim   katham   katva   bhikkhu  amantesi  anujanami
bhikkhave    gahapaticivaram   yo   icchati   pamsukuliko   hotu   yo   icchati
gahapaticivaram    sadiyatu    itaritarena    caham   1-   bhikkhave   santutthim
vannemiti.
     [136]   Assosum   kho  rajagahe  manussa  bhagavata  kira  bhikkhunam
@Footnote: 1 Po. Ma. Yu. itaritarena paham.
Gahapati   varam  anunnatanti  .  te  ca  manussa  hattha  ahesum  udagga
idani    kho    mayam   danani   dassama   punnani   karissama   yato
bhagavata   bhikkhunam   gahapaticivaram   anunnatanti  .  ekaheneva  rajagahe
bahuni   civarasahassani   uppajjimsu   .   assosum  kho  janapada  manussa
bhagavata   kira   bhikkhunam   gahapaticivaram   anunnatanti  .  te  ca  manussa
hattha   ahesum   udagga   idani  kho  mayam  danani  dassama  punnani
karissama    yato    bhagavata    bhikkhunam   gahapaticivaram   anunnatanti  .
Ekaheneva janapadepi bahuni civarasahassani uppajjimsu.
     [137]   Tena   kho  pana  samayena  sanghassa  pavaro  uppanno
hoti   .   bhagavato   etamattham   arocesum   .   anujanami  bhikkhave
pavaranti   .   koseyyapavaro   uppanno   hoti   .   anujanami
bhikkhave   koseyyapavaranti   .  kojavam  uppannam  hoti  .  anujanami
bhikkhave kojavanti.
                  Pathamabhanavaram nitthitam 1-.
     [138]  Tena  kho  pana  samayena kasiraja jivakassa komarabhaccassa
addhakasiyam   2-   kambalam   pahesi   upaddhakasinam   upamanam   3-  .
Athakho    jivako    komarabhacco    tam   addhakasiyam   kambalam   adaya
yena    bhagava    tenupasankami   upasankamitva   bhagavantam   abhivadetva
ekamantam   nisidi   .   ekamantam   nisinno   kho  jivako  komarabhacco
@Footnote: 1 Ma. pathamabhanavaro nitthito. 2 Ma. Yu. addhakasikam. 3 Ma. Yu. khamamanam.
Bhagavantam    etadavoca    ayam    me    bhante   addhakasiyo   kambalo
kasiranna   pahito   upaddhakasinam   upamano   1-   patigganhatu   me
bhante   bhagava   kambalam   yam  mama  assa  digharattam  hitaya  sukhayati .
Patiggahesi   bhagava   kambalam   .   athakho   bhagava   jivakam  komarabhaccam
dhammiya   kathaya   sandassesi   samadapesi   samuttejesi  sampahamsesi .
Athakho   jivako   komarabhacco   bhagavata   dhammiya   kathaya  sandassito
samadapito  samuttejito  sampahamsito  utthayasana  bhagavantam  abhivadetva
padakkhinam   katva  pakkami  .  athakho  bhagava  etasmim  nidane  etasmim
pakarane   2-  dhammim  katham  katva  bhikkhu  amantesi  anujanami  bhikkhave
kambalanti.
     [139]   Tena  kho  pana  samayena  sanghassa  uccavacani  civarani
uppajjanti  3-  .  athakho  bhikkhunam  etadahosi  kim  nu  kho bhagavata civaram
anunnatam   kim   ananunnatanti   .   bhagavato   etamattham  arocesum .
Anujanami   bhikkhave   cha   civarani   khomam  kappasikam  koseyyam  kambalam
sanam  bhanganti  .  tena  kho  pana  samayena  ye  te  bhikkhu  gahapaticivaram
sadiyanti    te    kukkuccayanta   pamsukulam   na   sadiyanti   ekamyeva
bhagavata    civaram    anunnatam    na   dveti   .   bhagavato   etamattham
arocesum   .   anujanami   bhikkhave  gahapaticivaram  sadiyantena  pamsukulampi
saditum 4- tadubhayena caham 5- bhikkhave santutthim vannemiti.
     [140]   Tena   kho   pana   samayena  sambahula  bhikkhu  kosalesu
@Footnote: 1 Po. Ma. Yu. gamamano. 2 Yu. etasmim pakaraneti pathadvayam natthi. 3 Ma.
@uppannani honti. 4 Ma. sadiyitum. 5 Po. Ma. Yu. paham.
Janapadesu   addhanamaggapatipanna   honti   .   ekacce   bhikkhu  susanam
okkamimsu   pamsukulaya   ekacce   bhikkhu   nagamesum  .  ye  te  bhikkhu
susanam   okkamimsu   pamsukulaya  te  pamsukulani  labhimsu  .  ye  te  bhikkhu
nagamesum   te   evamahamsu   amhakampi   avuso   bhagam   dethati .
Te   evamahamsu   na   mayam   avuso   tumhakam   bhagam  dassama  kissa
tumhe   nagamitthati   .  bhagavato  etamattham  arocesum  .  anujanami
bhikkhave nagamentanam nakama bhagam datunti.
     {140.1}   Tena   kho  pana  samayena  sambahula  bhikkhu  kosalesu
janapadesu     addhanamaggapatipanna    honti    .    ekacce    bhikkhu
susanam   okkamimsu   pamsukulaya   ekacce  bhikkhu  agamesum  .  ye  te
bhikkhu   susanam   okkamimsu  pamsukulaya  te  pamsukulani  labhimsu  .  ye  te
bhikkhu   agamesum  te  evamahamsu  amhakampi  avuso  bhagam  dethati .
Te  evamahamsu  na  mayam  avuso  tumhakam  bhagam  dassama  kissa  tumhe
na   okkamitthati   .   bhagavato   etamattham  arocesum  .  anujanami
bhikkhave agamentanam akama bhagam datunti.
     {140.2}   Tena   kho  pana  samayena  sambahula  bhikkhu  kosalesu
janapadesu   addhanamaggapatipanna   honti   .   ekacce   bhikkhu   pathamam
susanam   okkamimsu   pamsukulaya   ekacce   bhikkhu   paccha  okkamimsu .
Ye  te  bhikkhu  pathamam  susanam  okkamimsu  pamsukulaya  te pamsukulani labhimsu.
Ye  te  bhikkhu  paccha  okkamimsu  te na labhimsu. Te evamahamsu amhakampi
Avuso   bhagam  dethati  .  te  evamahamsu  na  mayam  avuso  tumhakam
bhagam   dassama   kissa   tumhe   paccha   okkamitthati   .   bhagavato
etamattham  arocesum  .  anujanami  bhikkhave  paccha  okkamantanam  1-
nakama bhagam datunti.
     {140.3}   Tena   kho  pana  samayena  sambahula  bhikkhu  kosalesu
janapadesu    addhanamaggapatipanna    honti   .   te   sadisa   susanam
okkamimsu   pamsukulaya   .   ekacce   bhikkhu  pamsukulani  labhimsu  ekacce
bhikkhu  na  labhimsu  .  ye  te  bhikkhu  na  labhimsu  te  evamahamsu amhakampi
avuso   bhagam  dethati  .  te  evamahamsu  na  mayam  avuso  tumhakam
bhagam   dassama   kissa   tumhe   na   labhitthati  .  bhagavato  etamattham
arocesum   .   anujanami   bhikkhave   sadisanam  okkamantanam  akama
bhagam datunti.
     {140.4}   Tena   kho  pana  samayena  sambahula  bhikkhu  kosalesu
janapadesu   addhanamaggapatipanna   honti   .  te  katikam  katva  susanam
okkamimsu   pamsukulaya   .   ekacce   bhikkhu  pamsukulani  labhimsu  ekacce
bhikkhu  na  labhimsu  .  ye  te  bhikkhu  na  labhimsu  te  evamahamsu amhakampi
avuso   bhagam  dethati  .  te  evamahamsu  na  mayam  avuso  tumhakam
bhagam   dassama   kissa   tumhe   na   labhitthati  .  bhagavato  etamattham
arocesum    .   anujanami   bhikkhave   katikam   katva   okkamantanam
akama bhagam datunti.



             The Pali Tipitaka in Roman Character Volume 5 page 188-195. http://84000.org/tipitaka/pitaka_item/roman_item_s.php?book=5&item=135&items=6&modeTY=2              Classified by [Item Number] :- http://84000.org/tipitaka/pitaka_item/roman_item_s.php?book=5&item=135&items=6&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=135&items=6&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=135&items=6&modeTY=2              Study Atthakatha :- http://84000.org/tipitaka/attha/attha.php?b=5&i=135              The Pali Atthakatha in Thai :- http://84000.org/tipitaka/atthapali/read_th.php?B=3&A=4630              The Pali Atthakatha in Roman :- http://84000.org/tipitaka/atthapali/read_rm.php?B=3&A=4630              Contents of The Tipitaka Volume 5 http://84000.org/tipitaka/read/?index_5

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :