บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[313] 42 Evamme sutaṃ ekaṃ samayaṃ bhagavā kosalesu carikañcaramāno mahatā bhikkhusaṅghena saddhiṃ yena icchānaṅgalaṃ nāma kosalānaṃ brāhmaṇagāmo tadavasari tatra sudaṃ bhagavā icchānaṅgale viharati icchānaṅgalavanasaṇḍe . assosuṃ kho icchānaṅgalakā brāhmaṇagahapatikā samaṇo khalu bho gotamo sakyaputto sakyakulā pabbajito icchānaṅgalaṃ anuppatto icchānaṅgale viharati icchānaṅgalavanasaṇḍe . taṃ kho pana bhavantaṃ gotamaṃ evaṃkalyāṇo kittisaddo abbhuggato itipi so bhagavā arahaṃ sammāsambuddho vijjācaraṇasampanno .pe. buddho bhagavāti so imaṃ lokaṃ sadevakaṃ samārakaṃ .pe. arahataṃ dassanaṃ hotīti . Atha kho icchānaṅgalakā brāhmaṇagahapatikā tassā rattiyā accayena pahūtaṃ khādanīyaṃ bhojanīyaṃ ādāya yena icchānaṅgalavanasaṇḍo tenupasaṅkamiṃsu upasaṅkamitvā bahidvārakoṭṭhake aṭṭhaṃsu uccāsaddā mahāsaddā. {313.1} Tena kho pana samayena āyasmā nāgito bhagavato upaṭṭhāko hoti . atha kho bhagavā āyasmantaṃ nāgitaṃ āmantesi ke pana te nāgita uccāsaddā mahāsaddā kevaṭṭāmaññe macche vilopentīti 1-. Ete bhante icchānaṅgalakā brāhmaṇagahapatikā pahūtaṃ khādanīyaṃ bhojanīyaṃ ādāya bahidvārakoṭṭhake ṭhitā bhagavantañceva 2- uddissa bhikkhusaṅghañcāti . māhaṃ nāgita yasena samāgamaṃ mā ca mayā yaso yo kho nāgita nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī assaṃ akicchalābhī akasiralābhī so taṃ miḷhasukhaṃ middhasukhaṃ lābhasakkārasilokasukhaṃ sādiyeyyāti. {313.2} Adhivāsetudāni bhante bhagavā adhivāsetu sugato adhivāsanakālodāni bhante bhagavato adhivāsanakālodāni bhante bhagavato 3- yena yenevadāni bhante bhagavā gamissati taṃninnāva bhavissanti brāhmaṇagahapatikā negamā ceva jānapadā ca seyyathāpi bhante thullaphusitake deve vassante yathāninnaṃ udakāni pavattanti evameva kho bhante yena yenevadāni bhagavā gamissati taṃninnāva bhavissanti brāhmaṇagahapatikā negamā ceva jānapadā ca taṃ kissa hetu tathā hi bhante bhagavato sīlapaññānanti. {313.3} Māhaṃ nāgita yasena samāgamaṃ mā ca mayā yaso yo kho nāgita nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī @Footnote: 1 Po. Ma. macchavilopeti . 2 Po. Ma. Yu. bhagavantaṃ yeva . 3 Po. Ma. Yu. adhi ... @bhagavatoti ime pāṭhā natthi. Yassāhaṃ nekkhammasukhassa pavivekasukhassa upasamasukhassa sambodhasukhassa nikāmalābhī assaṃ 1- akicchalābhī akasiralābhī so taṃ miḷhasukhaṃ middhasukhaṃ lābhasakkārasilokasukhaṃ sādiyeyya 2- idhāhaṃ nāgita bhikkhuṃ passāmi gāmantavihāraṃ 3- samāhitaṃ nisinnaṃ tassa mayhaṃ nāgita evaṃ hoti idānimaṃ āyasmantaṃ ārāmiko taṃ kiṃ ghaṭessati samaṇuddeso vā samādhimhā taṃ bhāvessatīti tenāhaṃ nāgita tassa bhikkhuno na attamano homi gāmantavihārena idha panāhaṃ nāgita bhikkhuṃ passāmi araññikaṃ 4- araññe pacalāyamānaṃ nisinnaṃ tassa mayhaṃ nāgita evaṃ hoti idāni ayamāyasmā imaṃ niddākilamathaṃ paṭivinodetvā araññasaññaṃ yeva manasikarissati ekagganti tenāhaṃ nāgita tassa bhikkhuno attamano homi araññavihārena idha panāhaṃ nāgita bhikkhuṃ passāmi araññikaṃ araññe asamāhitaṃ nisinnaṃ tassa mayhaṃ nāgita evaṃ hoti idāni ayamāyasmā asamāhitaṃ vā cittaṃ samādahissati samāhitaṃ vā cittaṃ anurakkhissatīti tenāhaṃ nāgita bhikkhuno attamano homi araññavihārena idha panāhaṃ nāgita bhikkhuṃ passāmi araññikaṃ araññe samāhitaṃ nisinnaṃ tassa mayhaṃ nāgita evaṃ hoti idāni ayamāyasmā avimuttaṃ vā cittaṃ vimocessati vimuttaṃ vā cittaṃ anurakkhissatīti tenāhaṃ nāgita tassa bhikkhuno attamano homi araññavihārena idha panāhaṃ nāgita bhikkhuṃ passāmi gāmantavihāraṃ lābhiṃ cīvarapiṇḍapātasenāsana- gilānapaccayabhesajjaparikkhārānaṃ so taṃ lābhasakkārasilokaṃ @Footnote: 1 Ma. Yu. ayaṃ pāṭho natthi . 2 Yu. sādiyeyyāti . 3 Ma. gāmantavihāriṃ. @4 Ma. Yu. araññakaṃ. Nikāmayamāno riñcati paṭisallānaṃ riñcati araññavanapatthāni pantāni senāsanāni gāmanigamarājadhāniṃ osaritvā vāsaṃ kappeti tenāhaṃ nāgita tassa bhikkhuno na attamano homi gāmantavihārena idha panāhaṃ nāgita bhikkhuṃ passāmi araññikaṃ lābhiṃ cīvarapiṇḍapātasenāsanagilānapaccayabhesajjaparikkhārānaṃ so taṃ lābhasakkārasilokaṃ paṭippaṇāmetvā na riñcati paṭisallānaṃ na riñcati araññavanapatthāni pantāni senāsanāni tenāhaṃ nāgita tassa bhikkhuno attamano homi araññavihārena yasmiṃ 1- panāhaṃ nāgita samaye addhānamaggapaṭipanno na kañci 2- passāmi purato vā pacchato vā phāsu me nāgita tasmiṃ samaye hoti antamaso uccārapassāvakammāyāti. Sekhaparihāniyavaggo catuttho. Tassuddānaṃ sekhā dve aparihāni moggallānavijjābhāgiyā vivādadānattakārī nidānaṃ kimmila dārukkhandhena nāgitoti. --------------The Pali Tipitaka in Roman Character Volume 22 page 381-384. https://84000.org/tipitaka/pitaka_item/roman_read.php?B=22&A=8018 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=22&A=8018 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=313&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=293 Study Atthakatha :- https://84000.org/tipitaka/attha/attha.php?b=22&i=313 The Pali Atthakatha in Thai :- https://84000.org/tipitaka/atthapali/read_th.php?B=16&A=2682 The Pali Atthakatha in Roman :- https://84000.org/tipitaka/atthapali/read_rm.php?B=16&A=2682 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]