PaliRoman Vol.29

[695] Sa sabbadhammesu visenibhuto yankinci ditthamva sutam mutam va sa pannabharo muni vippamutto na kappiyo nuparato na patthiyoti bhagava. [696] Sa sabbadhammesu visenibhuto yankinci ditthamva sutam mutam vati sena vuccati marasena . kayaduccaritam marasena vaciduccaritam marasena manoduccaritam marasena rago doso moho kodho upanaho makkho palaso issa macchariyam maya satheyyam thambho sarambho mano atimano mado pamado sabbe kilesa sabbe duccarita sabbe daratha sabbe parilaha sabbe santapa sabbakusalabhisankhara marasena. Vuttam hetam bhagavata kama te pathama sena dutiyarati vuccati tatiya khuppipasa te catutthi tanha pavuccati pancamam thinamiddhante chattha bhiru pavuccati Sattami vicikiccha te makkho thambho te atthamo labho siloko sakkaro micchaladdho ca yo yaso yo cattanam samukkamse pare ca avajanati esa namuci te sena kanhassabhippaharini na nam asuro jinati jetva ca ^1- labhate sukhanti. {696.1} Yato catuhi ariyamaggehi sabba ca marasena sabbe ca patisenikara kilesa jita ca parajita ca bhagga vippalutta parammukha so vuccati visenibhuto . so ditthe visenibhuto sute mute vinnate visenibhutoti sa sabbadhammesu visenibhuto yankinci ditthamva sutam mutam va. [697] Sa pannabharo muni vippamuttoti bharoti ^2- tayo bhara khandhabharo kilesabharo abhisankharabharo . katamo khandhabharo . Patisandhiya rupam vedana sanna sankhara vinnanam ayam khandhabharo . katamo kilesabharo . rago doso moho .pe. Sabbakusalabhisankhara ayam kilesabharo . katamo abhisankharabharo . Punnabhisankharo apunnabhisankharo anenjabhisankharo ayam abhisankharabharo . yato khandhabharo ca kilesabharo ca abhisankhara- bharo ca pahina honti ucchinnamula talavatthukata anabhavangata ayatim anuppadadhamma so vuccati pannabharo patitabharo oropitabharo samoropitabharo nikkhittabharo patippassaddhabharo. @Footnote: ¹ Ma. va . ² Ma. bharati. {697.1} Muniti monam vuccati nanam ya panna pajanana vicayo pavicayo dhammavicayo sallakkhana upalakkhana paccupalakkhana pandiccam kosallam nepunnam vebhabya cinta upaparikkha bhuri medha parinayika vipassana sampajannam patodo panna pannindriyam pannabalam pannasattham pannapasado pannaaloko pannaobhaso pannapajjoto pannaratanam amoho dhammavicayo sammaditthi tena nanena samannagato muni monappattoti ^1- . Tini moneyyani kayamoneyyam vacimoneyyam manomoneyyam. {697.2} Katamam kayamoneyyam . tividhanam kayaduccaritanam pahanam kayamoneyyam . tividham kayasucaritam kayamoneyyam . kayarammanam ^2- nanam kayamoneyyam . kayaparinna kayamoneyyam . parinnasahagato maggo kayamoneyyam . kaye chandaragassa pahanam kayamoneyyam . Kayasankharanirodho catutthajjhanasamapatti kayamoneyyam . idam kayamoneyyam. {697.3} Katamam vacimoneyyam . catubbidhanam vaciduccaritanam pahanam vacimoneyyam . catubbidham vacisucaritam vacimoneyyam . vacarammanam ^3- nanam vacimoneyyam . vacaparinna vacimoneyyam . parinnasahagato sahagato maggo vacimoneyyam . Vacaya chandaragassa pahanam vacimoneyyam. Vacisankharanirodho dutiyajjhanasamapatti vacimoneyyam. Idam vacimoneyyam. @Footnote: ¹ Po. Ma. itisaddo natthi. ² Ma. kayarammane. ³ Ma. vacarammane. {697.4} Katamam manomoneyyam . tividhanam manoduccaritanam pahanam manomoneyyam . tividham manosucaritam manomoneyyam . cittarammanam ^1- nanam manomoneyyam . cittaparinna manomoneyyam . parinnasahagato sahagato maggo manomoneyyam. Citte chandaragassa pahanam manomoneyyam. Cittasankharanirodho sannavedayitanirodhasamapatti manomoneyyam . Idam manomoneyyam. Kayamunim vacamunim manomunimanasavam munim moneyyasampannam ahu sabbappahayinam. Kayamunim vacamunim manomunimanasavam munim moneyyasampannam ahu ninhatapapakanti. Imehi ^[2]- moneyyehi dhammehi samannagata cha munayo agaramunayo anagaramunayo sekkhamunayo asekkhamunayo paccekamunayo munimunayo . Katame agaramunayo . ye te agarika ditthapada vinnatasasana ime agaramunayo . katame anagaramunayo . ye te pabbajita ditthapada vinnatasasana ime anagaramunayo . satta sekkha sekkhamunayo . arahanto asekkhamunayo . Paccekabuddha paccekamunayo. Munimunayo tathagata arahanto sammasambuddha. Na monena muni hoti mulharupo aviddasu yo ca tulamva paggayha varamadaya pandito @Footnote: ¹ Ma. cittarammane . ² Ma. tihi. Papani parivajjeti sa muni tena so muni yo munati ubho loke muni tena pavuccati asatanca satanca natva dhammam ajjhattam bahiddha ca sabbaloke devamanussehi pujito yo so ^1- sangajalamaticca so muni. Vippamuttoti munino raga cittam muttam vimuttam suvimuttam dosa cittam moha cittam muttam vimuttam suvimuttam .pe. sabbakusalabhisankharehi cittam muttam vimuttam suvimuttanti sa pannabharo muni vippamutto. [698] Na kappiyo nuparato na patthiyoti bhagavati kappoti ^2- dve kappa tanhakappo ca ditthikappo ca .pe. ayam tanhakappo .pe. ayam ditthikappo . tassa tanhakappo pahino ditthikappo patinissattho tanhakappassa pahinatta ditthikappassa patinissatthatta tanhakappam va ditthikappam va na kappeti na janeti na sanjaneti na nibbatteti nabhinibbattetiti na kappiyo . Nuparatoti sabbe balaputhujjana rajjanti kalyanaputhujjanam upadaya satta sekkha appattassa pattiya anadhigatassa adhigamaya asacchikatassa sacchikiriyaya aramanti viramanti pativiramanti araha arato assa ^3- virato pativirato nikkhanto nissattho vippamutto @Footnote: ¹ Ma. ayam patho na dissati. ² Po. Ma. kappati. ³ Ma. ayam patho na @dissati. Visannutto vimariyadikatena cetasa vihareyyati na kappiyo nuparato. Na patthiyoti patthana vuccati tanha yo rago sarago .pe. Abhijjha lobho akusalamulam . yassesa patthana ^[1]- pahina samucchinna vupasanta patippassaddha abhabbuppattika nanaggina daddha so vuccati na patthiyo . bhagavati garavadhivacanam . apica bhaggaragoti bhagava . bhaggadosoti bhagava . bhaggamohoti bhagava . bhaggamanoti bhagava . bhaggaditthiti bhagava . bhaggakantakoti bhagava . Bhaggakilesoti bhagava . bhaji vibhaji pativibhaji dhammaratananti bhagava . Bhavanam antakaroti bhagava. {698.1} Bhavitakayoti bhagava . bhavitasiloti bhavitacittoti bhavitapannoti bhagava . bhaji va bhagava arannavanapatthani pantani senasanani appasaddani appanigghosani vijanavatani manussarahaseyyakani patisallanasarupaniti bhagava . bhagi va bhagava civarapindapatasenasanagilanapaccayabhesajjaparikkharananti bhagava . bhagi va bhagava attharasassa dhammarasassa vimuttirasassa adhisilassa adhicittassa adhipannayati bhagava . bhagi va bhagava catunnam jhananam catunnam appamannanam catunnam arupasamapattinanti bhagava . bhagi va bhagava atthannam vimokkhanam atthannam abhibhayatananam navannam anupubbaviharasamapattinanti bhagava . bhagi va bhagava dasannam sannabhavananam dasannam kasinasamapattinam anapanassatisamadhissa asubhasamapattiyati bhagava . bhagi va @Footnote: ¹ Po. Ma. tanha. Bhagava catunnam satipatthananam catunnam sammappadhananam catunnam iddhippadanam pancannam indriyanam pancannam balanam sattannam bojjhanganam ariyassa atthangikassa maggassati bhagava. {698.2} Bhagi va bhagava dasannam tathagatabalanam catunnam vesarajjanam catunnam patisambhidanam channam abhinnanam channam buddhadhammananti bhagava . bhagavati netam namam matara katam na pitara katam na bhatara katam na bhaginiya katam na mittamaccehi katam na natisalohitehi katam na samanabrahmanehi katam na devatahi katam vimokkhantikametam buddhanam bhagavantanam bodhiya mule saha sabbannutananassa patilabha sacchika pannatti yadidam bhagavati na kappiyo nuparato na patthiyoti bhagava . tenaha bhagava sa sabbadhammesu visenibhuto yankinci ditthamva sutam mutam va sa pannabharo muni vippamutto na kappiyo nuparato na patthiyoti bhagavati. Terasamo mahaviyuhasuttaniddeso nitthito. ------------------

The Pali Tipitaka in Roman Character Volume 29 page 402-408. https://84000.org/tipitaka/pitaka_item/roman_read.php?B=29&A=8084&modeTY=2 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=29&A=8084&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=29&item=695&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=29&siri=13 Study Atthakatha :- https://84000.org/tipitaka/attha/attha.php?b=29&i=600 The Pali Atthakatha in Thai :- https://84000.org/tipitaka/atthapali/read_th.php?B=45&A=8477 The Pali Atthakatha in Roman :- https://84000.org/tipitaka/atthapali/read_rm.php?B=45&A=8477 Contents of The Tipitaka Volume 29 https://84000.org/tipitaka/read/?index_29 https://84000.org/tipitaka/english/?index_29